Mareko 6 - Kuruei Voa Nawawrea 1920

¹ Ou eiei mere elemanemakei’inave Una eiei ai U anenave; Una aivara e’e’okanave.

² Sabati lare ai omoro marea laru ai U omoro kurunave: a’a aila Una voa virimakei’inave oro varuavakei’inave, erau voa veve’eimakei’inave ane, Ei lai evera awku uriria ei a’a ekei‐ama‐mi’e? oi lai evera ana U awkuakeina, i Una eve ei iva iaki liakeina?

³ Ei a’a kapetera a’a peana, Maria anu mere, Iakobo, Iose ane, Iuda ane, Simona ane, enu aroa a’a? Oro ia’ia uruekinave U eiai.

⁴ Iesu erau voa kuruenave, Laikorava a’a kapeo avioia mi’ina una pani va’au ai, una avai a’a kiripai ane, una marea ai ane.

⁵ Iou ai iva iaki U liai liapea, maia a’a ailapea e Una eve oro upa mere U ai’inave, aukariekanave ane.

⁶ Uku omo peroro e’ea eiai U varua’anave. Pai’iri pai’iri ai U aki‐enanave, omoro kurumakei’inave ane.

⁷ U ai aneai aivara 12 U laea‐elau’unave; a’a orere, orere mo, U ekaivirinave; avaea‐lipi laeiai U iva ekunave.

⁸ Aru eria mi‐enavai omo aki eiai U ekinave, iri iei e mi‐enavai U evere’enave; pu eria, puki awku eria, moni eria:

⁹ Rawre are lukinameki; piliue rere pa lukiai.

¹⁰ U erau voa kuruenave, Marea noro ikiriane, i‐pokoira anea’anea noro kurua pai’iri mere eleane.

¹¹ A’a kavakava umu‐nai?-?ape liane, nomo voa viriape liane, noro kurua marea mere ave’eane, kae nomo are mere kikine uku omo opara ioneliai.

¹² Oro elenave, omoro kurunave ane a’a lai urukiai limakina.

¹³ Avaea‐lipi aila oro laeinave, maia a’a aila upa mere oro muramura orekanave, aukariekanave ane.

¹⁴ Heroda amua ei awku uriria anu uru virinave; (uku Una uru amai upurukiakei’inave: ) u erau voa kurunave, Ioane Bapatiso imua mere la’avakeina, ou uku eiai ei iva awku u laru ai awkamakina.

¹⁵ A’a mo erau voa kurunave, U Elia keina. A’a mo kurunave, U laikorava a’a naea, U amua laikorava a’a anu a’a naea.

¹⁶ Heroda Una uru viriaka’ane, u erau voa kurunave, U Ioane, kurua vaki inu uku nai ei’inave, u imua mere la’avakeina.

¹⁷ Uku Heroda verukua a’a okaiviriaka, Ioane piriaka, kipura marea laru ai arekapu piriaka ane, uku Herodia eiai una ovaki inu a’e: uku ei a’e u a’e eiai u miaka.

¹⁸ Uku Ioane Heroda erau voa kuruaka, Opara anana peo ni aroa a’a anu a’e ni miai ni a’e eiai.

¹⁹ Ou voa eiai Herodia ia’iakei’inave Ioane eiai, Ioane avai u umuli’inave; u liai‐a‐li’inavea.

²⁰ Heroda korekei’inave Ioane eiai, uku u ipali’inave Ioane opara anana a’a kei’inave, iaa a’a ane, ou uku eiai u iawkanave; una voa u viriaka’ane u lai kukupuna kei’inave, a una voa viriai u kopaili’inave.

²¹ A Herodia anu kavani pani anenave. Heroda purai karikinave una kinia lare laikora‐awkiai; una paioka a’a, aiau unu marevaki a’a ane, Galilaia eiei inu oiviria a’a ane, oro kaupukinave ei purai eiai;

²² Ei pani ai Herodia anu paka ikirimanenave purai a’a anu paku ai ekeli’inave ane, Heroda una a’a ane u kiripai papa’amakei’inave paka kopai‐ekanave; amua paka erau voa kurunave, Kurua kavani ni umuli’ina nawki‐ikane, nai nikuakana.

²³ Paka kiripai kuruei voa u erau voa kurunave, Kurua awkuni nawki‐ikavakana, lia, na eiei mekai ane, nai nikuakana.

²⁴ Paka elenave una mei erau voa veve’enave, Nai oi?-?ama‐nawkilimau? Mei kurunave, Ioane Bapatiso onu uku ni nawki‐awkane.

²⁵ Paka amua ai roko?-?roko ikirimanenave, erau voa emoki nawki‐awkanave ane, Nai umuli’ina eu ai, eai ane, Ioane Bapatiso onu uku ainau upa mere ni ikuai.

²⁶ Amua lai kukunu ovara mai kei’inave; a uku una kuruei voa, a uku oro awku u kiripai papa’amakei’inave, paka anu nawki u inaka‐a‐li’?-?inavea.

²⁷ Amua una oiviria aiau monou emoki okaivirinave, Ioane enu uku mi‐aneai u awkinave ane: u enanave Ioane enu uku kipura marea laru ai u ei’inave ane.

²⁸ Una uku ainau upa mere u mi‐anenave, paka awkunave ane: paka uku una mei awkunave ane.

²⁹ Ioane enu aivara uru viriaka’ane ei awku eiai, oro anenave Ioane enu kape uakinave, lauoi ai i’inave ane.

³⁰ Iva a’a Iesu ai vairuaka’ane, awku uriria oro liaka, ipawkiaka ane, oro awkinave.

³¹ U erau voa ekinave, Anene, noro uriria e, kekepere ai, pani mau’u laikaiai: uku a’a aila i‐anemakei’?-?inave, i‐enamakei’inave ane, oro pani eria miaka pei navai.

³² Oro mapea ai kekepere ai vauavaua enanave.

³³ Oro enamakei’inave a’a aruru inamu‐ei’inave, omo a’a aila ipa‐ulau’unave, iou ai area‐enanave pai’iri uriria mere, oro paku ai pinai pai’inave ane.

³⁴ Iesu piaka’ane a’a aruru ovara U inamu‐ei’inave, U umu‐awkavakei’inave oro eiai uku oro mamoe orau oiviria a’a miape: awku aila U ipekinave.

³⁵ Lare enu eua pani arekamu ai aneaka’ane Una aivara U ai anenave, erau voa kurunave ane, Kekepere mako eu aku, lare enu eua pani ane.

³⁶ A’a aruru ekaivirira, oro pai’iri pai’iri enava’ane‐iai, pei inaealiane‐iai oro eiai.

³⁷ U erau voa ekinave, Noro pei ekune. Oro erau voa veve’enave, Enei ama enamau 100 seleni kavani inu pu inaea‐liai, ekuai ane, uku oro na’ane‐iai?

³⁸ U erau voa veve’einave, Pu aw ekara’aru ana noro mi’ina? akoai noro enara Oro ipaliane oro erau voa kurunave, Pu aw 5 aku, nava rere ane.

³⁹ A’a aruru kaupu‐kaupu papa’avai pono ai ekiai U ekinave.

⁴⁰ Oro epea epea papa’anave, epea varomo a’a 100, epea mo a’a 50.

⁴¹ U pu aw 5, nava rere ane, miaka’ane, pani muku i U inamu‐ekinave, nawki‐awkanave ane, pu aw U vepenave, la’a aivara ekunave a’a aruru unu paku ai aiai; nava rere awku U kokoranave oro uriria eiai.

⁴² Oro uriria pei na’anave, lai aukiakei’inave ane.

⁴³ Pei kakai, nava la’a ane, uakei’inave, oro roikinave, kekai 12 oro pei kakai evoponave ane.

⁴⁴ Pei na’a a’a uriria oro a’a 5,000 akoakei’inave.

⁴⁵ Aivara mapea lakeai U emoki ekinave, oro pinai Ururu keane‐iai Betasaida ai, U pokoiane‐iai a’a aruru omo mako ai ekaiviriai.

⁴⁶ U ekaiviriaka’ane, uku nawki‐awkavai U akapu ai inanave.

⁴⁷ Lare euaka’ane mapea Ururu vimu ai kei’inave, U epuri pokoinave pani va’au ai.

⁴⁸ Oro pala‐awkamakei’?-?inave U inamu‐eimakei’inave; kavaea paku mere evu?-?kimakei’inave: pani merea anu kokora viki pani U oro ai anenave, ere aura upa mere are rokoamakei’inave, U e’epeai orau enamakei’inave.

⁴⁹ Oro inamu‐oiaka’ane ere aura upa mere are‐rokoamakei’inave oro laikoranave U avaea kei’inave, oro vikirinave ane kore eiai.

⁵⁰ Oro uriria inamu‐oinave, lai kukupuna‐ekavakei’inave ane. U erau voa emoki kuruenave, Iviri li’ine: Nai aku, kore pa liai.

⁵¹ Oro ai mapea ai U lakenave; kavaea eikinave: omo lai laru ai oro kore‐kei’inave.

⁵² Uku pu aw anu ipawkia miki oro ipaliakape: omo lai pauapaua kei’inave.

⁵³ Oro keaka’ane, Genesereta eiei ai oro anenave, miri ai rawre ururunave ane.

⁵⁴ Oro mapea mere piaka’ane a’a aruru emoki ipa‐ulau’unave,

⁵⁵ Eiei iki oro area‐enanave, omo maia a’a kile upa mere oro vakarunave U ai.

⁵⁶ Pai’iri ovara, pai’iri mau’u, avari ai ane, omo maia a’a oro kanikara ai ai’inave, oro nawki‐awkanave oro Una a’a kape enu puru e nekeane‐iai; oro ane oro nekenave oro uriria aukariekavakei’inave.