Luka 9 - Kuruei Voa Nawawrea 1920

¹ Una aivara 12 kaupukiai U laea‐elau’unave, iva, lai evera ane, U ekunave avaea lipi laeiai, maia aw?-?kariekavai ane.

² Eloi inu eiei eiai omoro kuruai, maia a’a aukariekavai, U ekaivirinave.

³ U erau voa kuruenave, Nomo aki eiai aruku pa mi‐enavai; iri iei peo, pu akeke peo, pu peo, moni peo, piliue rere awku pa mi‐enavai.

⁴ Marea noro ikiriane, ipo?-?koira, ena’ena noro ou marea mere enava’ane.

⁵ Marea a’a umu‐ainaiape liane, noro kurua pai’iri mere eleane ka’e nomo are mere kikira lari ione uku omo opara eiai.

⁶ Oro elenave, pai’iri pai’iri ai enanave, Iva voa omoro kurumakei’inave, mako?-?mako ai maia a’a aukariekamakei’inave ane.

⁷ Heroda Tetaraka uru virinave uku awku uriria liakei’inave: lai kukupuna liakei’inave, uku a’a varomo kurunave Ioane imua mere la’avaka.

⁸ A’a mo kurunave, Elia ereaka; a’a mo kurunave, umu laikorava a’a imua mere la’avaka.

⁹ Heroda erau voa kurunave, Ioane enu uku nai eiane euna: a ei vaki u koana, u eiai nai ei uru virina? Inamu‐oiai u umuli’inave.

¹⁰ Iva a’a vairuaka’ane oro Iesu awkinave uku awku uriria oro liaka. U are’ekanave, vauavaua enanave kekepere mako ai, Betasaida pai’iri ai.

¹¹ A’a aruru Una aki eiei ipalimakei’inave, oro e’e’okanave: U veruku umu?-?aienave, ipekinave ane uku Eloi inu eiei eiai, omo maia a’a U aukariekanave.

¹² Pukurua pani ai iva a’a 12 U ai anenave, erau voa kurunave ane, A’a aruru enavai ekira, oro pai’iri pai’iri ikiriane‐iai, awawkeia’?-?ane‐iai, pei awku miane‐iai: uku enei pawru pokoina.

¹³ U erau voa kuruenave, Noro pei ekura. Oro erau voa kurunave, Pu aw 5, nava rere ane uakeina, pei e peo enei mi’ina; pei inaea?-?liai enei enavape liane pei eria uakeina ei a’a uriria eiai.

¹⁴ Uku ei a’a aruru a’a 5,000 akoakei’inave. Una aivara U erau voa ekinave, Oro kokoravai a’a 50 kaupu kaupu papa’avai noro ekira.

¹⁵ Oro orau li’inave, oro uriria papa’avai oro ekinave ane.

¹⁶ Pu aw 5, nava rere ane, U mi’inave, pani muku i inamu‐ekimakei’inave U nawki‐awkanave, pei vepenave, pei la’a U aivara ekunave oro a’a aruru ekuane‐iai.

¹⁷ Oro pei na’anave, oro uriria lai aukiakei’inave ane: pei kakai uakei’inave, roikiakei’inave ane, kekai 12 evoponave.

¹⁸ Una aivara kiripai U e nawki‐awkamakei’inave, U erau voa veve’einave, A’a aruru oiamakuru’i uku Nai eiai, Nai koana?

¹⁹ Oro erau voa kurunave, Omo voa Ni Ioane Bapatiso keina; a’a mo kuruna, Ni Elia keina; a’a mo kuruna, umu laikorava a’a imua mere la’ane euna.

²⁰ U erau voa veve’einave, A noro oiamakuru’i uku Nai eiai, Nai koana? Petero erau voa kurunave, Ni Eloi inu Keriso keina.

²¹ U ekinave a’a e ei voa pa awkiai.

²² U erau voa kurumakei’inave, A’a anu Mere kukunu aila miai limakina, i mai‐oro, omoro amua a’a ane, kikiria a’a ane, inaka‐awkavakeiakana, avakeiakana, rere kaiane enu lare ai imua mere la’avakeiakana.

²³ U erau voa kuruenave, A’a e’e’ikavai umuliane una nane u inaka‐awkanamoki, una iri keoa uakinamoki, e’e’ikanamoki.

²⁴ Uka a’a kavakava una rokoa iawkavai u umuliane, una rokoa u paukiakana: a’a una rokoa paukiane uku Nai eiai, una rokoa u iawkavakana.

²⁵ Uku a’a kavani oiana, u pani va’au iki miane, una imunu u paukiane euane?

²⁶ Uku a’a kavakava makiri keia’ane euane uku Nai eiai, uku Na ipawkia voa eiai ane, u eiai A’a anu Mere makiri keiakana Una evao’evao U anea’ane, Mai inu evao’evao ane, iaa aivara avaea anu evao’evao ane.

²⁷ Voa miki Nai kurunaina, A’a varomo eu ai oimakina oro imuapea anea’?-?anea oro Eloi inu eiei inamu‐oiane.

²⁸ Ei voa kurua pani lare 8 neko mere ai, Petero, Ioane ane, Iakobo ane, nawki‐awkavai U akapu ai era’anave.

²⁹ U nawki‐awkanave ane, Una paku ae’epuakei’inave, Una a’a kape urupu akuruliakei’inave ane.

³⁰ U kiripai a’a rere voa kurumakei’inave, orere Mose, Elia ane.

³¹ Orere evao’evao erenave, voa kurunave ane uku Una imua eiai maura pani Ierusalema ai evere’eakeiakana.

³² Petero, oro awku u kiripai kei’inave, inamu mu’u kei’inave awaw eiai: a uku oro awaw‐a‐kei’inavea, Una evao’evao oro inamu‐oinave, a’a rere awku U kiripai oimakei’inave.

³³ Orere Iesu mere ave’eaka’ane Petero Iesu erau voa kurunave, Amua e, ima enei eiai eu ai pokoiai: komo marea rere kaiane enei la’?-?ekanamaki; monou Ni eiai, mo Mose eiai, mo Elia eiai: voa u kurumakei’inave u a‐ipali’inavea.

³⁴ U orau kurunave ane, awporo anenave, ivawvoa’a e‐murunave ane: oro avi?-?kiakeiaka’ane awporo laru ai oro kore li’inave.

³⁵ Awporo mere voa elemanenave, erau voa kurumakei’inave, Na Mere ei aku, Na ie’ea a’a aku: Una voa viriamu.

³⁶ Ei voa kuruakeiaka’?-?ane, Iesu e auiakei’inave. Oro eiekanave ei awku eiai, ou pani ai a’a kapeo awkinave ei awku eiai oro inamu‐eiaka.

³⁷ Namai lare oro akapu mere liliaka’ane, a’a aila au‐awkunave.

³⁸ A’a aruru mere a’a monou erau voa laeali’inave, Nai nawkinikana, Amua e, na mere inamu‐ekiai: nai mere e eria mi’ina.

³⁹ Avaea a’akina, u emoki vikirina; avaea peroro?-?awkana, una ane epo mere mauakaka elemanena, u a?-?ave’enakea anea’anea u mere kape iki awkoro‐aw?-?kava’ane.

⁴⁰ Ni aivara avaea laoiai nai nawki‐ekanave, oro laoiai ali‐inavea.

⁴¹ Iesu‐erau voa kuruenave, Peroro e’ea a’a, lai kukia a’a e, Oi va’au ana Nai noro kiripai pokoimau? lai kekepa Nai miamau noro eiai? Ni mere arekane eu ai.

⁴² Mere anemakei’inave avaea lipi kai’inave ka’e ai, kukunu awkanave ane. Iesu avaea upu ei’inave, ukua aukarikanave ane, una mekai awkunave ane.

⁴³ Oro uriria varuavakei’inave Eloi inu iva ovara eiai. Oro varuamakei’inave uku awku uriria eiai Iesu liaka, Una aivara U erau voa kuruenave,

⁴⁴ Na ipawkia voa nomo lai laru ai noro roikine: uku A’a anu Mere anai‐aviakeiakana a’a a’ane‐iai.

⁴⁵ Ei voa anu miki oro a‐ipali’inavea, voa anu miki oro mere vauakavakei’inave, oro miki ipali’inavaia: voa anu miki veve’eai oro kore kei’inave.

⁴⁶ Oro voa kamukamu ekinamakei’inave uku a’a omo kaupu unu amua a’a keiakana.

⁴⁷ Iesu omo lai ipa‐elau?-?makei’inave, upi mau’u Una mekai ai U ai’inave,

⁴⁸ Erau voa kuruenave, A’a kavakava ei upi umu‐aiakana Na nawi eiai u umu‐ai’ina: kurua a’a umu‐ai’ina U awku u umu‐aina U ikaivirinave: uku kurua a’a noro awkono avao ai u mau’u keina, u ovara keiakana.

⁴⁹ Ioane erau voa kurunave, Amua e, a’a monou enei inamu‐oinave u avaea lipi laeimakei’inave uku Ni nawi eiai; enei ei’inave uku u enei kiripai a’ane nakea.

⁵⁰ Iesu erau voa kurunave, Pa eiai: uku a’a u nomo mani a’a keiape u nomo a’a keina.

⁵¹ Pani arekamu ai aneaka’ane U pani muku ai ekeakeiakana, Ierusalema i U iviri urukinave.

⁵² Iva a’a Una paku ai U ekaivirinave: oro enanave, Samaria pai’iri monou ikirinave, mako evere’eai U eiai.

⁵³ Pai’iri a’a umu‐a‐ai’?-?inavea uku Una paku uru?-?kiakei’inave U Ierusalema ai enava’ane‐iai.

⁵⁴ Una aivara orere Iakobo, Ioane ane, ei opara inamu‐oiaka’ane, orere erau voa kurunave, Amua e, Ni umu‐amali’i enei iau awkiai pani muku mere kinuai, ei a’a ruekavai ane, orau Elia liaka?

⁵⁵ U urukinave, orere enu voa ei’inave ane, erau voa kuruenave ane, nomo avaea noro a‐ipalinakea.

⁵⁶ Uku A’a anu Mere aneape a’a e‐avai, a uku iekavai. Pai’iri e ai oro enanave.

⁵⁷ Oro enamakei’inave a’a monou erau voa kurunave, Amua e, nai e’e’nikavakana mako‐mako ai Ni enavakana.

⁵⁸ Iesu erau voa kurunave, Aiane omo ena mi’ina, naku awku omo kakora mi’ina; A’a anu Mere mako eria mi’ina Una uku eiai.

⁵⁹ A’a mo Iesu erau voa awkinave, E’e’ikane. U erau voa kurunave, Amua e, Ni evere’ene nai pinai enavai na mekai i’iai.

⁶⁰ Iesu erau voa kurunave, Imua a’a omo imua a’a i’inameki: a ni enavai limakina mako‐mako ai omoro kuruai Eloi inu eiei aneliviai anelia.

⁶¹ A’a mo erau voa kurunave, Amua e, nai e’e’nikavakana; a Ni evere’ene nai pinai enavai ovaki airavaki kepoiai.

⁶² Iesu erau voa kurunave, A’a una eve oiokava’?-?ane euane Eloi inu iaki liai, u inamu‐urukiane eni awku eiai, u a’a ima peo Eloi inu eiei eiai.