Luka 4 - Kuruei Voa Nawawrea 1920

¹ Iesu Avaea Iaa evopoakei’inave Ioridana mere vairunave, i Avaea U oravakei’inave kekepere ai,

² Lare 40 i diabolo U ailiakei’inave. Ailia pani ai U pei eria na’anave: pei lari pani periakei’inave, U pei navai‐navaili’inave.

³ Diabolo erau voa kurunave, Ni Eloi inu Mere keia’ane, ei rawre pu evere’eai Ni awkine.

⁴ Iesu erau voa kurunave, Ei voa kikiriakeina, Uku pu e a’a rokoapea.

⁵ Diabolo Iesu mukua mako ai ora’anave, pani va’au unu eiei uriria ipawkinave ane.

⁶ Diabolo erau voa kurunave, Ei eiei uriria anu iva, evao’evao ane, nai nikuakana: uku ei awku ikuakeia’ane euna, nai awkua kana orau nai umuliakana.

⁷ Ni avi’i’iane, ei awku uriria Ni miakana.

⁸ Iesu erau voa kurunave, Ei voa kikiriakeina, Amua ni Eloi ni avioiakana, U e ni kamaia‐awkavakana.

⁹ U Iesu Ierusalema ai arekanave, omoro marea anu i’i upa mere ai’inave ane; u erau voa kurunave, Ni Eloi inu Mere keia’ane, ei mako mere arane:

¹⁰ Uku ei voa kikiriakeina, Una aivara‐avaea niviriai U ekiakana:

¹¹ Omo eve mokono ai oro vakaruniakana Ni are rawre ai Ni vakinavaia.

¹² Iesu erau voa kurunave, Ei voa kuruakeina, Amua ni Eloi ni pa ailiai.

¹³ Diabolo ailia uriria oailiaka’ane, ou pani eiai u Iesu ave’enave.

¹⁴ Avaea anu iva Iesu Galilaia eiei ai vairunave: Una uru upurukiakei’inave eiei iki ai.

¹⁵ Omo omoro marea laru ai U ipawkinave, i a’a uriria U kepoiakei’inave.

¹⁶ Nasareta pai’iri ai U anenave, kurua pai’iri ai U rokoaka: Una opara orau Sabati lare omoro marea U ikirinave, buka oraiai U oinave ane.

¹⁷ Isaia laikorava a’a anu buka U awkuakei’inave. U buka lai‐awkavaka’ane, aua auinave ane voa orau kikiriakei’inave,

¹⁸ Iehova anu Avaea Nai upa mere keina, Uku U iaa?-?ika’ane euna Iva voa omoro kuruai rurupu a’a eiai; U ikaiviriane euna ururua voa omoro kuruai piriakeia a’a eiai, inamu unu emai inamu‐apua a’a eiai: mani inu oiniakeia a’a ururueai,

¹⁹ Omoro kuruai ane uku Iehova anu veruku aumeia eiai.

²⁰ U buka pamu‐awka?-?nave, omoro marea aivara U buka awkunave, U pa’anave. A’a uriria omoro marea laru ai inamu‐ekiawkanave.

²¹ U erau voa kuruenave, Ei lare ei iaa revareva evere’eakeina orau noro viriane euna.

²² Oro uriria kepoia voa kurunave U eiai, varuamakei’inave umu voa eiai Una ane epo mere elemanemakei’inave. Oro erau voa veve’einave, U Iosepa anu mere peana?

²³ U erau voa kuruenave, Ei lai evera voa noro kuruiakana naea, Menamena a’a e, aukarinikine: uru enei viriane euna uku awku ni li’inave Kaperanauma ai, kurua awku li’ine eu ai Ni eiei ai.

²⁴ U erau voa kuruenave, Nai kurunaina kapoi, Laikorava a’a kapeo umu‐aia?-?keina una pani va’au ai.

²⁵ Nai kurunaina kapoi, Elia anu pani ai a’e kepea aila Isaraela ai rokoanave, aumeia rere kaiane, ia 6 ane, eorari pani kei’inave, pani va’au iki pei oea ovara kei’inave;

²⁶ A’e kepea monou e ai Elia okaiviriakei’inave, Karepeta pai’iri ai, Sidona anu eiei ai.

²⁷ Elisa laikorava a’a anu pani ai apa auma a’a aila Isaraela ai rokoanave; ei a’a kaupu unu a’a monou e urupu aukarikavakei’inave, Namana Suria eiei inu a’a.

²⁸ Oro uriria omoro marea laru ai ei voa virimakei’inave, oro ia’ia evopoakei’inave,

²⁹ Oro lala’anave, pai’iri iki ai rokoroko ora’anave, akapu unu muku ai arekanave omo pai’iri mako ai, oro ai’inore ai kaiane‐iai

³⁰ Oro awkono avao ai U awpemakei’inave Una aki U enanave.

³¹ Kaperanauma ai U ve’enave, Galilaia eiei inu pai’iri ai, sabati lare U ipekinave.

³² Oro varuavakei’inave Una ipawkia voa eiai: uku Una voa iva miaka

³³ Omoro marea laru ai a’a monou kei’inave u upu avaea miaka, erau voa araro u laeali’inave,

³⁴ Ni oiamali’i enei eiai, Iesu Nasarene a’a e? Enei a’avai Ni ama’ane’i? Nai ipanilauna, Ni Eloi inu Iaa a’a.

³⁵ Iesu upu avaea anu voa ei’inave, erau voa kurunave ane, Eiekane, a’a mere elemanene ane. Upu avaea a’a kaiaka’ane oro awkono avao ai, u elemanenave, a’a ku?-?kunu‐a‐li’inavea.

³⁶ Oro uriria varuavakei’inave, erau voa ekinamakei’inave ane, oi voa ana eire? amua anu voa, iva voa miki ane, U avaea ekina, oro elemanena.

³⁷ Epo voa U eiai eiei iki ai upurukiakei’inave.

³⁸ U la’avaka’ane, omoro marea ave’eaka’ane, Simona anu marea ai U enanave. Simona anu ono‐a’e fiva maia ovara kei’inave, aukarikavai, oro nawki‐awkanave.

³⁹ A’e upa mere U oimakei’inave, U fiva maia ei’inave; a’e emoki la’anave, pei ekunave ane.

⁴⁰ Lare eua pani ai maia?-?mia a’a uriria omo maia a’a U ai mi‐anenave, maia a’a monou monou upa mere Una eve U ai’inave, aukariekanave ane.

⁴¹ Avaea lipi awku a’a aila mere elemanenave, erau voa araro laealimakei’inave, Ni Eloi inu Mere keina. Omo voa U ei’inave, voa pa kuruai U ekinave, uku U Keriso kei’inave oro ipali’inave.

⁴² Namai lare, merea pani ai, U pai‐iri ave’enave, kekepere ai U elenave: a’a aruru voronave, U ai anenave, U kiripai pokoinave, U oro mere enanavaia.

⁴³ U erau voa kuruenave, Iva voa Nai omoro kuruai limakina Eloi inu eiei eiai pai’iri pai’iri ai: ou uku eiai Nai ikaiviriakei’inave.

⁴⁴ Galilaia eiei inu omoro marea laru ai U omoro kurunave.