Luka 21 - Kuruei Voa Nawawrea 1920

¹ Amua a’a omo la’aruku omoro marea anu moni maua eimakei’inave U inamu‐ei’inave.

² Rurupu a’e kepea monou awku U inamu‐oinave una moni mau’u maua eimakei’inave.

³ U erau voa kurunave, Nai kurunaina kapoi, ei a’e kepea anu la’aruku ovara keina, omo la’aruku uriria mau’u keina:

⁴ Uku ei a’a uriria omo moni mo’onu mere moni varomo e la’aruku Eloi awkuane euna: a ei a’e kepea moni oea‐rokona una moni iki u awkuane euna.

⁵ A’a varomo kurumakei’inave uku omoro marea anu vaupa rawre, la’aruku ane, U erau voa kuruenave,

⁶ A uku ei awku noro inamu‐eimakina pani aneliviai anelia eu ai ei marea anu rawre rawre mo upa mere keiapea, oro uriria upupua?-?keiakana.

⁷ Oro erau voa veve’enave, Amua e, ekarapani ai ei awku evere’eiakeiakana? Oi veia ana keiakana ei awku evere’eiai awkama?-?keiakana?

⁸ U erau voa kuruenave, Naivirine, noro ewaea‐naka?-?vakeinavaia: uku a’a aila aneakana Na nawi eroiakeiakana, erau voa kurumakeiakana, Nai Keriso keina; pani arekamu ai aneliviai anelia; noro pa e’e’ekavai.

⁹ Noro epo voa viriane uku apaki, voaki ane, eiai, noro kore pa liai; uku ei awku pinai aneai limakina; oailia pani emoki aneapea.

¹⁰ U erau voa kuruenave, Kaki a’a kaki a’a e mani‐lala’avakana, eiei a’a eiei e enu a’a mani‐lala’avakana:

¹¹ Pani va’au oioi ovara liakeiakana, mako‐mako ai pei oea, maia ni’iri ane, keiakana; veia ovara ane pani muku mere ereakana.

¹² Ei awku uriria anu anea pani paku ai oro napiriakana, mani‐nakavakana ane, uku voa vevenaiai Na nawi eiai oro napiriakana omoro marea ai, kipura marea ai ane.

¹³ Ika pani ai ei awku uriria ione keiakana uku nomo opara miki eiai.

¹⁴ Noro lai iviri mi’ine, noro lai ipiapea uku kavani voa eiai:

¹⁵ Uku voa, lai evera ane, Nai nakuakana, nomo mani a’a kapeo nomo voa kavani awkuakana.

¹⁶ I a’e mai ane, aroa a’a ane, ovaki airavaki ane, nomo a’a ane, noro anai‐aviakeiakana; nomo a’a varomo e‐avakeiakana.

¹⁷ I a’a uriria Na nawi eiai noro vai’i‐nakavakeiakana.

¹⁸ Nomo uku unu kimari monou oavakeiapea.

¹⁹ I nomo lai kekepa nomo imunu noro iekavakana.

²⁰ Noro inamu‐oiane Ierusalema aiau avikiakeia’ane, noro ipaliakana pai’iri inu oava arekamu ai keina.

²¹ Ou pani ai oro Iudea eiei ai i‐pokoiakana oro akapu ai area‐enanameki; oro awku pai’iri laru ai pokoiakana oro elenameki; avari pokoia a’a oro pai’iri ai pa vairuai.

²² Uku ei lare pani ipu‐mia anu lare keina, uku awku uriria kikiriakeina oro evere’eiakeia’ane‐iai.

²³ Au’a a’ero eiai oro nemo keiakana kurua pani ai, oro awku eiai oro upi ame ekuakana! uku kukupuna ovara, iara ane, keiakana ei a’a eiai.

²⁴ I rawve enu epo oro aravakana, oro piria‐erava?-?keiakana kaki a’a uriria anu pani va’au ai; Ierusalema pai’iri i lai unuku a’a anu are oiniakeiakana, anea’?-?anea lai unuku a’a anu pani evere’eakeia’ane.

²⁵ Lare ai, ia ai ane, rawpu ai ane, veia keiakana; pani va’au ai kaki a’a kukupuna miakana; uku ere aura anu rawre, menono ane;

²⁶ Uku kore a’a oia eavu?-?limakeiakana, uku aioiaka?-?pokoimakeiakana awku eiai pani va’au ai aneliviai anelia: uku kaia anu iva‐vawpo iakari‐ekavakeiakana, kuku?-?puna‐ekavakeiakana ane.

²⁷ Ou pani ai A’a anu Mere oro inamu‐oiakana awporo laru ai anemakeiakana; iva, evao’evao ovara ane, U mi‐anemakeiakana.

²⁸ Ei awku evere’eiai awkamakeia’ane, upa mere inamu‐ekine, nomo uku la‐ekane ane, uku nomo iawka arekamu ai aneliviai anelia.

²⁹ Aipo voa U kuruenave, Akoi’i, kurua uru iri, iri uriria ane,

³⁰ Oro ilo‐ereane, noro inamu‐oina, ipali’ina ane, aumeia pani arekamu ai keina.

³¹ Orau awku noro inamu‐eiane ei awku evere’eiai, noro ipaliakana Eloi inu eiei arekamu ai keina.

³² Nai kurunaina kapoi, Ei kiri a’a imuapea anea’?-?anea ei awku uriria evere’eiakeia’ane.

³³ Pani va’au, kaia ane, periakana: a Na voa periapea.

³⁴ Naivirine nomo umu mu’u liakeinavaia uku pei nemo konono na’amakina, mawka ane, ei rokoa anu kukupuna ane, kurua lare, uai orau, anenavaia noro eiai.

³⁵ Uku ekeni orau kurua lare aneakana a’a uriria eiai pani va’au iki pokoimakina.

³⁶ Ou uku eiai noro oivirine, nawki‐awkane ane panipani ai, noro iviri‐nakava?-?keia’ane iai noro area‐enavai ei lipi uriria mere aneliviai anelia, uku noro A’a anu Mere enu paku ai oiane‐iai.

³⁷ Ou pani ai Una opara lare pani ai omoro marea laru ai ipawkiai; kipere pani ai U elenave, Oliveta akapu ai i‐pokoinave ane.

³⁸ Merea pani ai a’a aruru uriria U ai anenave omoro marea laru ai uku Una voa viriai.