Luka 18 - Kuruei Voa Nawawrea 1920

¹ Aipo voa U ipekinave ane uku oro panipani ai Eloi nawki‐awkavai limakina, oro oia eavu li’inavaia.

² U erau voa kurunave, Pai’iri monou ai voa vevea amua a’a uarokoanave, u avioia eria miaka Eloi eiai, a’a awku eiai.

³ Kurua pai’iri ai a’e kepea i‐pokoinave; voa vevea amua anu paku ai u anenave, erau voa kurunave ane, Ipu?-?imi’ine uku na mani a’a eiai.

⁴ Pinai pani a’e kepea anu nawki u kamaia‐a‐li’inavea: neko mere ai una lai laru ai u erau voa kurunave, Eloi, a’a ane, nai avieiapea:

⁵ A uku ei a’e kepea kuku?-?puna‐ikana nai ipu‐awmia?-?kana, u anenavaia kuku?-?puna‐ikavai.

⁶ Amua erau voa kurunave, Namea voa vevea amua anu voa virine.

⁷ Eloi awku Una iaa a’a ipu‐emiapeana, U ane U lai kekepa keina oro eiai, oro lare pani, kipere pani ane, nawki‐awkana?

⁸ Lia, U emoki ipu‐emia?-?kana. A A’a anu Mere anea’ane, pirimaroakoa pani va’au ai U auimau?

⁹ A’a varomo oro laikoranave oro opara anana a’a kei’inave, a’a e oro inaka?-?ekanave, oro eiai ei aipo voa U kurunave:

¹⁰ A’a rere Eloi nawki‐awkavai omoro marea inanave; a’a monou Parisea a’a kei’inave, a’a e moni akoa a’a kei’inave.

¹¹ Parisea a’a kape anana oimakei’inave, u verukua erau voa nawki‐awkanave, Nai avinina uku nai a’a e mikiriapea, nai avapu a’a peo, nai ewaea a’a peo, nai eve’eve a’a peo, nai ei moni akoa a’a mikiriapea.

¹² Lare rere ebedoma kavakava nai pei larili’ina, na aru uriria nai kokorana, aru aua monou nai la’aruku awkuna.

¹³ Moni akoa a’a amai neko ai oimakei’inave, pani muku ai u inamu‐a‐ekinavea, una ukari ai eve vakimakei’inave, erau voa kurumakei’inave ane, Eloi e, nai namea a’a Ni umu‐ikane.

¹⁴ Nai kurunaina, Ei a’a paue’awmiakei’inave una marea ai vairunave, uku una mua Parisea a’a anu mua ipi’ipia‐a‐kei’inavea: uku a’a kavakava una nane are’ena, u rurupu‐awkavakeiakana; a’a ane u una nane kekepa‐awkana, u are’eakeiakana.

¹⁵ Upi U ai oro mi‐anenave U neke’eane‐iai: Una aivara ei opara inamu‐oiaka’ane oro upi inu mei ei’inave.

¹⁶ Iesu upi U ai aneai laea‐elau’unave, erau voa kurunave ane, Upi mau’u Nai ai aneai evere’eine, pa eiai: uku Eloi inu eiei a’a oro orau keina.

¹⁷ Nai kurunaina kapoi, a’a Eloi inu eiei umu‐aiape liane upi mau’u orau u ikiriapea.

¹⁸ Amua a’a monou erau voa veve’enave, Amua ima e, nai oiamalimau rokoa opai roikiai?

¹⁹ Iesu erau voa veve’enave, Uku oiana ni ima iroina? a’a kapeo ima keina, Eloi e ima keina.

²⁰ Ni vupu ipa‐elauna, Eve’eve pa liai; a’a pa avai; avapu pa liai; a’a pa aviai; ni mekai, mei ane, avieine.

²¹ U erau voa kurunave, Na ukua pani mere ei vupu uriria nai kamaia‐ekava’ane euna.

²² Iesu una voa viriaka’ane U erau voa kurunave, Awku monou ni oea‐rokona: ni aru uriria inaea li’ira, aru kavani rurupu a’a ekura, vaupa aru ni miakana pani muku ai: anene, e’e’ikane ane.

²³ U ei voa viriaka’ane u lai kukunu mai miaka, uku u aru mo’onu miaka.

²⁴ Una lai kukunu Iesu inamu‐oinave, erau voa kurunave ane, Aru mo’onu mia a’a kukupuna miakana Eloi inu eiei ikiriai!

²⁵ Opara paraka kamela nila anu rua ikiriai; opara kane miki aru mo’onu mia a’a Eloi inu eiei ikiriai.

²⁶ A’a ei voa viriaka’ane oro erau voa veve’enave, Koama iawkavakeiamau?

²⁷ U erau voa kurunave, Kurua awku kane keina a’a eiai, Eloi evere’eai li’ina.

²⁸ Petero erau voa kurunave, Akoi’i, awku uriria enei ave’eiane euna, e’e’nika’ane euna ane.

²⁹ U erau voa kuruenave, Nai kurunaina kapoi, A’a kavakava marea naea, a’e naea, aroa a’a naea, a’e mai ane naea, ukua mere naea, ave’eiane euna Eloi inu eiei eiai,

³⁰ U kavani evereverea ei rokoa pani ai miakana, pani aneliviai anelia u rokoa opai miakana.

³¹ Aivara 12 U ai aneai U ekinave, U erau voa kuruenave ane, Akoi’i, enei Ierusalema ai inamakina, voa uriria i laikorava a’a kikiriakeina uku A’a anu Mere eiai oro evere’eiakeiakana.

³² Uku lai unuku a’a eiai U piriakeiakana, makiri‐awkavakeiakana, vaki‐awmia?-?keiakana, upa mere kanuere kaiakeiakana.

³³ Oro vaki‐awmiakana, avakana ane, lare rere kaiane imua mere U moawku la’avakana.

³⁴ Uku ei awku uriria eiai oro pauapauakei’inave: ei voa anu miki oro ipaliakape uku voa anu miki oro mere vaua‐awkavakei’inave, awku eiai voa kuruakei’inave oro a‐ipali’inavea.

³⁵ U Ieriko pai’iri arekamu ai anemakei’inave, inamu apua a’a monou moni nawki‐limakei’inave kapea ai pa’amakei’inave.

³⁶ A’a aruru awpemakina u virimakei’inave, rawre enu miki u veve’einave.

³⁷ Oro erau voa kurunave, Iesu Nasareta a’a awpemakina.

³⁸ U erau voa laea‐ulau’unave, Iesu e, Davida anu mere e, Ni umu‐ikane.

³⁹ Paku ena a’a u eiekavai oro awkinave: voa araro u erau voa laea‐ulau’unave, Davida anu mere e, Ni umu‐ikane.

⁴⁰ Iesu ananakinave, inamu apua a’a U ai arekavai U ekinave: u arekamu ai aneaka’ane, Iesu erau voa veve’enave,

⁴¹ Nai oiamalimau ni eiai? U erau voa kurunave, Amua e, evere’ene nai inamu emai miane‐iai.

⁴² Iesu erau voa kurunave, Ni inamu emai ni mi’ine: ni pirimaroakoa aukarinika’ane euna.

⁴³ U inamu emai emoki mi’inave, U Iesu e’e’okanave ane, Eloi avioimakei’inave: a’a uriria ou awku inamu‐oiaka’ane oro Eloi avioinave.