Luka 16 - Kuruei Voa Nawawrea 1920

¹ Ei voa awku Una aivara U erau voa kuruenave, Amua a’a monou aru oiviria a’a miaka; ei a’a ailieakei’inave una amua anu paku ai una amua anu aru u kaipui?-?kaipui‐lauaka.

² Amua oiviria a’a u ai aneai laea‐ulau’unave, erau voa veve’enave, ane, Oi voa ana nai virina uku ni eiai? ni oiviria iaki inu opara ipaikine, uku ni ei iaki oiviriai nai evere’eapea.

³ Aru oiviria a’a una lai laru ai erau voa veve’enave, Nai oiamalimau? uku na amua oiviria iaki nai mere iou‐mimakina: nai kape venea peo iaki mu’u liai; pei nawkiliai nai makiri keina.

⁴ A nai ipau uku iru pani eiai, nai ei oiviria iaki mere la’i’iakeia’ane oro umu?-?ai’iane‐iai omo marea laru ai.

⁵ Una amua anu aru mia kamaia a’a u ai aneai u laea‐elau’unave, Pinai vaki u erau voa veve’enave, Kamaia aru oi mo’onu ana ni mi’ina na amua mere?

⁶ U erau voa kurunave, Mera maina 100 nai kamaia keina. U erau voa kurunave, Ni aru kamaia pepa ni mi’ine, emoki pa’ane, 100 namokine, ni 50 kikirine.

⁷ Kamaia a’a mo u erau voa veve’enave, Ni aru kamaia oiana? U erau voa kurunave, Kawni ikiau 100. U erau voa kurunave, Ni aru kamaia pepa ni mi’ine, 100 pauene, ni 80 kikirine.

⁸ Amua una aru oiviria a’a kepoinave uku unu ewaea eiai; uku ei pani va’au unu a’a lai evera mai keina omo kiri a’a eiai, pamea a’a lai evera mau’u keina ei pani va’au unu opara eiai.

⁹ Nai nakina, Pani va’au unu aru ailinaimakina noro orau oivirine noro paioka a’a e‐miane, kurua aru periakeia’ane, uku oro umu?-?ainaiane‐iai omo opai marea laru ai.

¹⁰ Kurua a’a miki keina awku mau’u eiai, u a’a miki keina uku awku mo’onu eiai: a kurua a’a u kukia keina awku mau’u eiai, u a’a kukia keina uku awku mo’onu eiai.

¹¹ Noro miki liape liane ei pani va’au unu awku eiai, awku miki koama‐nakuamau noro oiviriane‐iai?

¹² Noro miki liape liane a’a e enu awku eiai, kurua awku nomo awku keina koama‐nakuamau?

¹³ Aivara kapeo amua rere kamaia‐ekavai li’ina: u amua monou vai’i‐awkavakana naea, amua e umu‐awkavakana naea; amua monou u paiokavakana naea, amua e u inaka‐awkavakana. Eloi, ei pani va’au ane, noro kamaia‐ekavai liapea.

¹⁴ Parisea a’a moni iawmia a’a kei’inave, ei voa uriria oro virinave: makiri‐awkavai oro kekeli’inave.

¹⁵ U erau voa kuruenave, Noro a’a oro omo opara anana evere’ena a’a anu paku ai; a Eloi nomo umu ipa‐elauna: uku kurua awku kepoia keina a’a awkono avao ai, Eloi inu paku ai kurua awku inakaliakeina.

¹⁶ Vupu, laikorava a’a ane, rokoakei’inave anea’?-?anea Ioane enu pani ai: ou pani mere Eloi inu eiei Iva voa omoro kuruakeina, a’a kavakava kurua eiei kouakoua ikirina.

¹⁷ Pani muku, pani va’au ane, periai paraka keina; vupu unu ipawkia voa mau’u paueai kane keina.

¹⁸ A’a kavakava una a’e laoina, a’e e mi’ina ane, u eve’eve li’ina, u awku u laoiakeia a’e mi’ina u eve’eve li’ina.

¹⁹ Amua a’a monou rokoakei’inave, aro a’a kape, awpono urupu a’a kape ane, u panipani ai lukinave, lare kavakava pei veruku u na’anave ane:

²⁰ Nawki a’a monou, nawi Lasaro oroiakei’inave, amua a’a anu kikau ai u aiakei’inave, u auma aila miaka.

²¹ U umulimakei’inave pei kakai miai amua anu pei pakara mere ara’anave: oroko anenave una auma mikinave ane.

²² Nawki a’a imunave, i aivara‐avaea u vakaruakei’inave Aberahamo ai: amua a’a awku imunave, i’iakei’inave ane;

²³ Hade ai u inamu‐laka’?-?anave, u kukunu kei’inave, amai mere u Aberahamo inamu‐oinave, Lasaro ane.

²⁴ Voa araro u erau voa laea‐ulau’unave, Aberahamo mai‐vaki e, umu‐ikane, Lasaro okaivirine, una eve uru ere laru ai u aiane‐iai na anai kou’upua liai; uku ei iau anai laru ai nai kukunu?-?ilauakeina.

²⁵ Aberahamo erau voa kurunave, Mere e, laikora?-?nikine ni ima awku uriria ni rokoa pani ai ni miaka, orau Lasaro awku una lipi awku miaka. A eai, eu ai, u umu‐awkavakeina, ni ku?-?kunu‐nikavakeina.

²⁶ Voa mo ane, enere, ni ane, mokono ai vea peava aiakeina: uku oro ei ane mekai umuliane iou ane mekai keai kapea eria keina, oro awku ni eiei mere umuliane ei ane mekai maneai, kapea eria keina.

²⁷ U erau voa kurunave, Mai e, nai nawki‐nikana okaiviriai na mekai inu marea ai:

²⁸ Uku nai aroa a’a 5 mi’ina, u ioneliane‐iai omo paku ai, oro awku ei kukunu mako ai anenavaia.

²⁹ Aberahamo erau voa kurunave, Oro Mose, laikorava a’a ane, mi’ina, oro omo voa virinameki.

³⁰ U erau voa kurunave, Ai! Aberahamo mai‐vaki e, a a’a monou imua mere oro ai enava’ane, oro lai urukiakana.

³¹ Aberahamo erau voa kurunave, Mose enu voa, laikorava a’a anu voa ane, oro viriape liane, oro ailiea?-?keiapea a’a monou imua mere la’ava’ane.