Luka 15 - Kuruei Voa Nawawrea 1920

¹ Moni akoa a’a uriria, namea a’a ane, Una voa viriai U ai anenave.

² Parisea a’a, kikiria a’a ane, voa momou erau voa kurumakei’inave, Ei a’a namea a’a umu‐aina, oro kiripai pei na’ana ane.

³ Ei aipo voa U kuruenave,

⁴ Nomo a’a koana u mamoe 100 mi’ina, u mamoe monou paukiane, u mamoe 99 ave’eiapeana u ikou‐ena vaki voroane‐iai, anea’anea ue auian?

⁵ U ikou‐ena vaki auiane, una ano ai u aina, kopaili?-?makina ane.

⁶ U marea ai vairuane, una a’a kaupukiai ovaki airavaki ane u laea‐elauna, erau voa kuruemakina, Kopaili’ine uku na mamoe paukiakei’inave nai auiane euna.

⁷ Nai kurunaina, Pani muku ai kopai liakeiakana uku namea a’a monou lai urukiane euna; kopai ipi’ipiapea opara anana a’a 99 eiai, uku lai urukiai oro oea‐rokoapea.

⁸ Ei voa awku, oi a’e ana u moni la’a 10 mi’ina, u moni la’a monou paukiane, u lamepa iau awkuapeana, marea pure lauapeana, kevere‐kevere voroapeana, anea’anea moni la’a u auiane?

⁹ U moni la’a auiane, una a’a, ovaki airavaki ane, kaupukiai u laea‐elauna, erau voa kurumakina, Kopaili’ine uku moni la’a nai pau?-?kiaka nai auiane euna.

¹⁰ Nai kurunaina, Orau Eloi inu aivara‐avaea anu paku ai kopai liakeina uku namea a’a monou lai urukiane euna.

¹¹ Ei voa awku U erau voa kuruenave, A’a monou mere rere miaka:

¹² Ovaki una mekai erau voa kurunave, Mekai e, na roikia omoro‐pei ni ikune. Mekai omoro‐pei kokoranave orere eiai.

¹³ Maura pani lare ailapea ovaki una aruku roikinave, pani va’au amai u aki‐enanave, avuavu opara eiai una aru u kaipui‐kaipui kai’inave.

¹⁴ Una aru uriria u kaiaka’ane, pei oea ovara ou pani va’au ai kei’inave; u pei oea‐rokoanave.

¹⁵ Ou pani va’au amua a’a monou unu aivara evere’eai u enanave, a’uri pei ekuai aura ai u okaivirinave.

¹⁶ Uku u pei navai‐navaili’inave, a’uri inu pei navai u umuli’inave; a’a kapeo a’uri inu pei awkunave.

¹⁷ U lai miki miaka’ane u erau voa kurunave, Na mekai inu aivara aila pei evereverea mi’ina uriria oro navai liapea; a uku pei oea nai eu ai imumakina.

¹⁸ Nai la’avakana, na mekai ai vairuakana, erau voa kuruakana ane, Mekai e, Pani muku paku ai, ni paku ai ane, nai namea liane euna,

¹⁹ Ni mere oroiakeiai nai ima keiapea: ni aivara orau nai keia’ane ni evere’ene.

²⁰ U la’anave, una mekai inu pani va’au ai anenave ane. U paiaka’ane mekai anu marea amai mere mekai inamu‐oinave, mere umu‐awkavaka ane; u area‐enanave, mere enu ke avikinave, epo‐awmi’inave ane.

²¹ Mere erau voa kurunave, Mekai e, Pani muku paku ai, ni paku ai ane, nai namea liane euna, ni mere oroiakeiai nai ima keiapea.

²² Mekai una aivara erau voa ekinave, Vaupa a’a kape minane, luki‐awmi’ine ane; eve uru moni aru kirine ane, rawre‐are awku minane una are eiai:

²³ Bovi ukua minane, a’ane ane; enei na’anamaki, kopaili’inamaki ane

²⁴ Uku na mere eire u imuakei’inave, u moawku rokona; u paukiakei’inave, u auiakeina. Oro kopaili’inave.

²⁵ Una airavaki aura ai rokoakei’inave, marea arekamu ai u aneaka’ane, aravea, a’a ekelimakina ane, u virinave.

²⁶ Aivara monou u ai aneai u laeali’inave, ei awku unu miki voa veve’enave ane.

²⁷ U erau voa kurunave, Ni ovaki ei‐anena; ni mekai bovi ukua mera vaki a’ane euna ane, uku una mere kape ima u mi’ina.

²⁸ Airavaki ia’iakei’inave, marea u ikiriapea, ou uku eiai una mekai elemanenave, marea ikiriai nawki‐awkanave ane.

²⁹ Una mekai u erau voa kurunave, Akoi’i, aumeia aila nai iaki liane eumakina ni eiai, ni awkia voa nai inaka liape, bovi ukua ni ikuape, na a’a kiripai nai kopailiane‐iai.

³⁰ A ni mere eire u anea’ane, kana a’ero kiripai ni aru u kaipui‐kaipui kaiane euna, u eiai bovi ukua mera vaki ni a’ane euna.

³¹ Mekai erau voa kurunave, Mere e, panipani ai ni nai kiripai pokoina, uriria nai mi’ina ni awku mi’ina.

³² Enei ekeliai, kopailiai limakina: uku ni ovaki imuakei’inave, eai u rokona; u paukiakei’inave, eai u auiakeina.