Luka 14 - Kuruei Voa Nawawrea 1920

¹ Sabati lare monou U Parisea mai‐vaki monou unu marea laru ai pei na’amakei’inave, Una opara oro kevere?-?kevere inamu‐oimakei’inave.

² Una paku ai are vavana maia a’a i‐pokoinave.

³ Vupu lai evera a’a, Parisea a’a ane, Iesu erau voa veve’einave, Opara anana ana maia a’a aukarikavai sabati lare ai?

⁴ Oro voa peo. Iesu maia a’a a’akinave, aukarika’?-?anave ane, enavai U awkinave ane;

⁵ U erau voa veve’einave, Nomo a’a koana una asini naea, bovi naea, aroa laru ai ara’ana, u emoki enapeana sabati lare ai arava vaki aroa mere lakiai?

⁶ Ei voa vevea kavani oro awkuai ali’inavea.

⁷ U inamu‐eiaka’ane, kikoro a’a ima pakara ie’eiaka, U aipo voa erau voa kuruenave,

⁸ A’a nanuku‐nilauane a’e mia purai navai, ima pakara pa miai, amua a’a nanuku?-?awkavakeina naea,

⁹ U ane u nanuku‐nilau’?-?unave u anenavaia, kuruni?-?navaia ane, Laikine ei kikoro a’a eiai, noro makiri‐nikava?-?keiakana rurupu mako ai noro laikiakana.

¹⁰ Ni nanuku‐nikava?-?keia’ane rurupu mako ni mi’ine, marea mai‐vaki anea?-?ane u kuruniane, Na a’a e, laikine ima mako ai, orau ni aviniakeiakana kikoro a’a uriria paku ai.

¹¹ Uku a’a una nane are’ena u makiri‐awkavakeiakana, u ane u una nane makiri‐awkana u are’eakeiakana.

¹² Marea mai‐vai awku U pei navai nanuku‐ulauaka U erau voa kurunave, A’a pei navai ni nanuku‐elauane, ni a’a naea, aroa a’a naea, ovaki airavaki naea, amua a’a naea, nanuku pa elauai, oro nanuku‐nilaunavaia pei navai kavani eiai.

¹³ Ni purai liane, rurupu a’a, kape minaia a’a ane, are o’onu a’a ane, inamu‐apua a’a ane, ni nanuku?-?elaune:

¹⁴ Ni kopai‐nikavakeia?-?kana; uku kavani oro nikuai liapea: uku kavani nikua?-?keiakana opara anana anu imua mere la’ava pani ai.

¹⁵ A’a monou U kiripai pei pakara ai pa’anave ei voa viriaka’ane, u erau voa kurunave, Kurua a’a pei navakana Eloi inu eiei laru ai u kopai‐awkavakeina.

¹⁶ Iesu erau voa kurunave, A’a monou purai ovara karikinave, purai navai kikoro a’a aila u nanuku‐elau’?-?unave.

¹⁷ Purai pani ai nanuku?-?elauakeia a’a ekiai una aivara u okaivirinave, erau voa kurueai ane, Anene, pei uriria evere’eiakeina.

¹⁸ Oro uriria voa e e kurunave uku oro aneapea. Pinai vaki erau voa kurunave, Nai aura inaea liane euna, inamu‐oiai nai enavai limakina. Nai nawki‐nikana na voa evere’eai amua anu paku ai.

¹⁹ Rere vaki erau voa kurunave, Bovi 10 nai inaea liane euna, oro ipia‐emiai nai elemakina. Nai nawki?-?nikana na voa evere’eai amua anu paku ai.

²⁰ A’a mo erau voa kurunave, Eai nai a’e mi’ina. Ou uku eiai nai aneai liapea.

²¹ Aivara vairunave, ei kavani voa e e una amua u awkinave; amua ia’ia liakei’inave uku ei voa e e eiai, una aivara u erau voa awkinave, rokoroko elera kanikara ai, pai’iri kapea ai ane, rurupu a’a, kape minaia a’a ane, are o’onu a’a ane, inamu‐apua a’a ane, eu ai are’ekane.

²² Aivara erau voa kurunave, Amua e, oailiakeina orau ni awkiane euna, a kape mako uakeina.

²³ Amua aivara erau voa awkinave, Avari ai, pa’amu mako ai ane, inura, a’a aneai eunira na marea evopoakeia’ane‐iai.

²⁴ Uku nai nikina a’a nanuku‐elauakei’inave omo a’a kapeo na purai pei navakana.

²⁵ Una aki a’a aruru aruru e’e’okanave. U urukinave, erau voa kuruenave ane,

²⁶ A’a Nai ai anea’ane, una mekai, mei ane, a’e ane, ukua‐mere ane, aroa a’a ane, aro a’e ane, lia, una rokoa ane, u vai’i‐awkavape liane, Na aivara a’a u evere’eai liapea.

²⁷ A’a una iri keoa vaka?-?ruape liane, e’e’ikavape liane ane, Na aivara a’a u evere’eai liapea.

²⁸ Nomo a’a koana marea mukua la‐okavai awkamakina, u pinai pa’avapeana iaki kavani akoai, u kavani mo’onu miane marea oailiai.

²⁹ U marea anu u’uri ainavaia u kavani mau’u mi’inavaia marea oailiai, a’a uriria inamu‐oiane oro keke makiri‐awkavakana.

³⁰ Erau voa kurumakeiakana, Ei vaki marea la‐okavai pinai u’uri aiekinave, marea u oailiai ali’inavea.

³¹ Amua a’a naea, u amua a’a e apakinavai awkamakina, u pinai pa’avapeana voa ipiai u aiau 10,000 miane amua e au‐awkuai u aiau 20,000 kiripai anemakina?

³² Ei voa naea, amua e amai keia’ane, u iva a’a okaivirina voa kuruai uku airu eiai.

³³ Orau awku uku nomo a’a u una awku uriria inaka liape liane, Na aivara a’a u evere’eai liapea.

³⁴ Ere aura ima keina: ere aura una iara paukiane euane, oiana uakei’i ere aura iaraliai?

³⁵ U ima keiape ka’e eiai, oreka aroa eiai; kurua ere aura a’a kaina. Keporo mia a’a u virinamoki.