Iuda 1 - Kuruei Voa Nawawrea 1920

¹ Iuda Iesu Keriso onu aivara a’a, Iakobo onu ovaki ane: ei revareva oro eiai i Eloi Mai oro iaa‐eiakeina, Iesu Keriso ai oro eiviriakeina, laea‐elauakeina ane.

² La’aruku, airu ane, umu ane, veruku nakuakeinameki.

³ Naumuki a’a e, revareva kikirinaiai nai umuli’ina uku ene iawka eiai, a nanuku voa kikirinaiai nai i’inuakeina uku iviri‐naiai pirimaroakoa anu voa eiviriai, pirimaroakoa ane pani monou awkuakei’inave Eloi inu a’a eiai opai keiakana.

⁴ Uku a’a varomo maika‐maika ikirimaneane euna, oro inamu‐eiakeiape ane, oro eiai eni kikiria voa kuruna oro mua‐ekavakeina, iaa eria a’a, oro ane ene Eloi inu la’aruku oro nameali’ina eiri opara eiai, ene Amua Eloi e, Iesu Keriso, oro inaka‐awkana.

⁵ Ei voa nakiai nai umuli’ina, voa ane noro ipali’inave, uku a’a aruru Amua i’ekanave Aikupito pani va’au mere, a neko mere ai omo pirimaroakoa eria a’a U e‐a’anave.

⁶ Aivara‐avaea ane, uku eiei pinai ekuakei’inave oro a‐oivirinavea, omo mako miki oro ave’enave ane, U eivirina opai auri e‐piriakeina muru ai uku voa vevea lare eiai.

⁷ Orau awku Sodoma, Gomara ane, pai’iri pai’iri arekamu ai ane, i eiri inu opara oro muakei’inave, eiri opara liai oro pawru‐enanave ane, opai iau unu aipo orau oro ipekiakeina ene paku ai i kukunu oro mimakina.

⁸ Orau awku ei upu aiaro a’a kape upu‐ena, amua awkava voa oro inaka li’ina, amua a’a eiai oro voa lipi kuruna.

⁹ Aivara‐avaea Mikela diabolo kiripai kouamina’?-?amakei’ane, voa e kevakeva kurumakeia’ane ane, Mose enu kape eiai, anakaia voa u a‐kurunavea, ei voa e u kurunave, Amua einina?-?moki.

¹⁰ A ei a’a anakaia voa kuruna awku eiai oro paua?-?pauali’ina, awku ane, a’uri orau, oro ipali’ina, i ei awku oro pomoa‐eiakeina.

¹¹ Au’a oro eiai, uku Kaino onu are awkoro ai oro e’e’ekava’ane euna; uku kavani eiai Balama anu opara lipi ai oro manipu area’?-?enava’ane euna; i inakalia opara, Kora anu opara orau, oro imuane euna.

¹² Ei a’a, iri kawkori orau, nomo umu‐purai oro aua‐emi’ina; i kore oro eunia?-?keiapea oro eivirimakeia’ane; oro awporo orau ere eria mi’ina, i kavaea laeiakeina; iri orau omo uru paroroli’ina, kono, imuakeina, upu?-?puakeina ane;

¹³ Ere aura anu iara menono, omo makiri mere ere karukaru limakina; pawru‐ena rawpu, oro eiai opai muru oiviriakeina.

¹⁴ Enoka Adamu unu kiri 7 a’a ei a’a eiai U awku laikorava voa erau voa kurunave, Amua Una a’a aila aila miki kiripai anea’ane euna,

¹⁵ A’a uriria voa veve’eiai, iaa eria a’a uriria mua?-?ekavai uku iaa eria opara uriria oro liane euna, uku voa lipi uriria oro iaa eria a’a kuruane euna U eiai.

¹⁶ Ei a’a oro voa momou a’a, panipani ai oro voa momou kurumakina uku omo awku eiai. I omo lipi i’ima omo opara eravakeina, omo ane voa ovara, meramera voa, evopoakeina, a’a varomo oro avi’eina uku kavani oro miai li’ina.

¹⁷ A noro e, na naumuki a’a e, voa laikora‐nakine i ene Amua Iesu Keriso onu Iva a’a kuruakei’inave,

¹⁸ Oro erau voa nakinave, Ika pani ai anara voa a’a keiakana, omo i’ima e oro kamaialimakeiakana.

¹⁹ Ei a’a oro ane oro a’a kaupu kaupu lai‐ekana. Oro pani va’au unu a’a, oro Avaea miape.

²⁰ A noro, na naumuki a’a e, nomo iaa pirimaroakoa ai la‐nakamakina, Avaea Iaa ai nawki‐awkamakina ane,

²¹ Eloi inu umu ai noro naiviriai limakina, ene Amua Iesu Keriso onu umu eiai aioiaka‐pokoimakina opai rokoa eiai.

²² A’a varomo noro kiripai voa e kevakeva kuruane, omo lai anana evere’eiai noro ipia‐miai limakina;

²³ A’a e i’ekavai noro ipia‐miai limakina, iau mere orau lakimakina; a’a e umu, kore ane, inamu‐eki’ekane, pani ane omo namea noro vai’i‐awkava’ane.

²⁴ U eiai U ane U naiviriai li’ina noro aua’a’anavaia, upu eria, kopai evopoakeina ane, Una evao’evao paku ai oiai U evere’naiai li’ina,

²⁵ U eiai U e Eloi rokona ene Iawka ane, i Iesu Keriso ene Amua mere, evao’evao, avioia ane, iva ane, amua awkava ane, awkuakeinameki, pani paku ai orau kei’inave, eai ane, opai keiakana ane. Amene.