Ioane 3 - Kuruei Voa Nawawrea 1920

¹ Parisea a’a nawi Nikodemo oroiakei’inave, u mai‐vaki kei’inave Isaraela a’a awkono avao ai:

² Kipere pani ai u Iesu ai anenave, erau voa kurunave ane, Rabi e, enei ipali’ina Ni omoro a’a Eloi mere anea’ane euna: uku a’a kapeo ei iva veia liai li’ina Ni limakina, Eloi u kiripai pokoiape liane.

³ Iesu erau voa kurunave, Nai kurunina kapoi, A’a moawku kiniakeiape liakeia’ane, Eloi inu eiei u inamu‐oiai liapea.

⁴ Nikodemo erau voa veve’enave, A’a mai‐vaki keia’ane moawku eka’ama?-?kiniakeiamau? Una mei inu ivei u moawku ama‐ikiri?-?mau, moawku kiniakeiamau?

⁵ Iesu erau voa kurunave, Nai kurunina kapoi, A’a ere mere, Avaea mere ane, kiniakeiape liakeia’ane, Eloi inu eiei u ikiriai liapea.

⁶ Kurua awku oia mere kiniakeia’ane euna oia keina; kurua awku avaea mere kiniakeia’ane euna avaea keina.

⁷ Pa varuavai uku Nai erau voa kurunina, Noro uriria moawku kiniakeiai limakina.

⁸ Pani inu opara orau kavaea evukina, una kiri ni virina, mako mere u anena ni a‐ipali’inakea, una aki‐ena mako ane ni a‐ipali’inakea: orau awku uku a’a kavakava Avaea mere kiniakeina.

⁹ Nikodemo erau voa veve’enave, Ei awku uriria eka’ama‐evere’ei’i?

¹⁰ Iesu erau voa veve’enave, Ni mai‐vaki ana Isaraela a’a awkono avao ai, ei awku ane ni ipapea?

¹¹ Nai kurunina kapoi, Enei kuruna uku awku enei ipali’ina, ioneli’ina ane uku awku enei inamu‐eiane euna; a noro uriria ene ione voa inakali’ina.

¹² Nai kurunaiane euane uku pani va’au awku eiai, noro pirimaroakoape liane, noro eka’ama‐pirimaroakoamau Nai kurunaiane uku pani muku awku eiai?

¹³ A’a kapeo pani muku ai inava’ane euna; a A’a anu Mere Una mako mere pani muku ai U kinuane euna pani va’au ai.

¹⁴ Orau Mose paiko la‐okanave kekepere ai, orau A’a anu Mere la‐okavakeia?-?kana:

¹⁵ Uku a’a kavakava ane u pirimaroakona opai rokoa miane‐iai.

¹⁶ Uku Eloi pani va’au umu‐awkanave kapoi, Una naumuki Mere U awkunave, a’a kavakava ane u pirimaroakona u imunavaia, a opai rokoa u miane‐iai.

¹⁷ Uku Eloi Una Mere pani va’au ai okaiviriakape pani va’au mua‐awkavai: a uku i U mere pani va’au iawkavakeia’ane‐iai.

¹⁸ A’a pirimaroakona u mua‐awkavakeiape: a kurua a’a a‐pirimaroakoanakea u eai mua‐awkavakeina, uku Eloi inu naumuki Mere enu nawi u pirimaroakoape.

¹⁹ Mua‐awkava anu uku eire, pamea pani va’au ai anea’ane euna, a’a muru ie’enave, pamea oro larili’inave, uku omo opara namea kei’inave.

²⁰ Uku namea‐lia a’a kavakava pamea vai’i‐awkana, pamea ai u a‐anenakea, una opara ipekiakeina?-?vaia, mua‐ekavakeinavaia ane.

²¹ A u ane u opara anana li’ina pamea ai u anenake, uku una opara ipekiakeia’ane‐iai oro Eloi inu paku ai liakeia’ane euna.

²² Neko mere ai Iesu Una aivara kiripai Iudea eiei ikirimanenave; oro kiripai i‐pokoinave, bapatiso‐li’inave ane.

²³ Enona ai, Salima arekamu ai, Ioane awku bapatiso‐limakei’inave, uku ere ururu aila iou ai kei’inave: a’a anenave, bapatiso‐ekavakei’inave ane.

²⁴ Uku Ioane kipura marea piria‐a‐kei’inavea ei pani ai.

²⁵ Ioane enu aivara varomo, Isaraela a’a ane, voa kamukamu kurumakei’inave uku kape ere‐kiai opara eiai.

²⁶ Oro Ioane ai anenave, erau voa kurunave ane, Rabi e, kurua a’a Ni kiripai Ioridana iou anelai kei’inave, U eiai ni ioneli’inave, U bapatiso‐limakina, a’a uriria U ai anena ane.

²⁷ Ioane erau voa kuruenave, A’a awku eria miai li’ina, awku awkuakeiape liakeia’ane pani muku mere.

²⁸ Noro verukua ioneliai li’ina nai erau voa kurunave, Nai Keriso peo, a U paku ai nai ikaiviriakeina.

²⁹ Kurua a’a a’e mi’ina u vako vaki keina: a vako vaki inu a’a arekamu ai oina, vako vaki inu voa virina ane, kopai ovara u li’ina vako vaki inu voa eiai: ou uku eiai eai na kopai evere’eakeina.

³⁰ U ovara la’avai limakina, a nai mau’u evere’eai limakina.

³¹ U ane U upa mere anena uriria upa mere U keina: u ane u pani va’au mere anena u pani va’au unu a’a keina, voa awku u kuruna uku pani va’au eiai: a U ane U pani muku mere anena U uriria upa mere keina.

³² Kurua awku U inamu‐oiane euna, viriane euna ane, kurua awku eiai U ioneli’ina; Una ione voa a’a kapeo pirimaroakona.

³³ A’a kavakava Una ione voa pirimaroakoane euna, u iki e’eane euna Eloi miki keina.

³⁴ Uku U Eloi okaiviriane euna Eloi inu voa U kuruna: uku Eloi Avaea aua‐aua a‐awkunakea.

³⁵ Mai Mere umu‐awkana, awku uriria Una eve mokono ai U aiane euna ane.

³⁶ Kurua a’a Mere pirimaroakona u opai rokoa mi’ina: kurua a’a Mere pirimaroakoapea u rokoa inamu‐oiapea; Eloi inu iara u upa mere keina.