Ioane 2 - Kuruei Voa Nawawrea 1920

¹ Rere kaiane lare ai a’e mia purai liakei’inave Kana pai’iri ai, Galilaia eiei ai; Iesu unu mei i‐pokoinave ane.

² A’e mia purai navai Iesu, Una aivara ane, nawki?-?ekavakei’inave.

³ Iri uru unu ika periakei’inave, Iesu unu mei erau voa kurunave, Iri uru unu ika oro miape.

⁴ Iesu erau voa kurunave, A’e e, ei awku keinamoki uku Nai eiai, Na pani aneape ei awku evere’eai.

⁵ Una mei pei kamaia a’a erau voa kuruenave, Voa kavakava U nakiakana orau noro li’ine.

⁶ Ere vana 6 i‐pa‐ekava?-?kei’inave (Isaraela a’a anu opara orau uku omo kape ere‐kiai) vana monou‐monou ere 20 galona naea, ere mo naea.

⁷ Iesu erau voa ekinave, Vana ere evopone. Oro vana epo ai ere evoponave.

⁸ U erau voa ekinave, Eai mau’u urune, purai mai?-?vaki awkuai iou mi’ira. Oro kamaiali’inave.

⁹ Kurua ere iri uru unu ika evere’eakeiaka purai mai‐vaki ipiaka, mako mere ere anenave u a‐ipali’inavea, aivara ere urunave oro e ipali’inave, mai‐vaki vaki nawawrea laea‐ulau’unave,

¹⁰ Erau voa kurunave, ane, A’a kavakava anu opara iri uru unu ika ima pinai aiai a’a anu paku ai, a’a veruku na’ane, iri uru unu ika rurupu u aina: a iri uru unu ika ima ni oiviriane euna anea’anea eai pani ai.

¹¹ Pinai iva veia eire Iesu Kana ai, Galilaia eiei ai, li’inave, orau Una evao’evao iva U ipawkinave; Una aivara pirimaroakoanave.

¹² Neko mere ai U Kaperanauma ai ve’enave, U, Una mei ane, Una aroa a’a ane, Una aivara ane: oro i‐pokoinave lare aila peo.

¹³ Isaraela a’a anu pasova purai pani arekamu ai kei’inave, Iesu Ierusalema ai inanave.

¹⁴ Omoro marea laru ai U a’a auienave, bovi, mamoe ane, naku ane, oro inaealimakei’inave, moni kavani‐kavani a’a i‐papa’amakei’inave.

¹⁵ U naw mau’u aila ke?-?momoaka’ane uku vaki‐emiai, omoro marea iki ai U la‐ei’inave, mamoe ane, bovi ane; moni kavani‐kavani a’a anu moni U orekanave, omo pakara U eme?-?ekanave ane.

¹⁶ Oro naku inaeali’inave U erau voa kuruenave, Ei naku iou‐mi’ira, Na Mai inu marea peipei inaea mako noro pa liai.

¹⁷ Una aivara laikora‐ekinave ei iaa voa kikiriakei’inave, Na iviri Ni marea eiai awkoni‐ikavakeiakana.

¹⁸ Isaraela a’a erau voa veve’enave, Oi veia ana Ni ipakina Ni iva eiai, uku Ni ei opara li’ina?

¹⁹ Iesu erau voa kuruenave, Ei omoro marea upu?-?pune, lare rere kaiane ei marea Nai moawku la‐okana?-?vailia.

²⁰ Oro erau voa kurunave, Ei omoro marea aumeia 46 la‐okavakeima?-?kei’inave, lare rere kaiane Ni ei marea la‐okamau?

²¹ U kurumakei’inave uku Una kape enu omoro marea eiai.

²² U imua mere la‐avaka’ane U ei voa kurueaka Una aivara laikora‐ekinave; iaa revareva anu voa oro pirimaroakoaka, voa awku Iesu kuruaka.

²³ U Ierusalema ai pasova anu purai pani ai, a’a aila pirimaroakoanave, oro inamu‐eiaka’ane iva veia U liaka.

²⁴ Iesu a‐epirimaroakoa?-?navea uku oro uriria U ipa?-?elau’unave.

²⁵ A’a ioneliai uku a’a e eiai U oea‐rokoapea: uku U verukua a’a anu lai ipali’inave.