Ioane 17 - Kuruei Voa Nawawrea 1920

¹ Iesu orau kuruaka’ane, pani muku i U inamu‐ekinave, erau voa kurunave ane, Mai e, pani ei‐anena; Ni Mere avioine, uku Ni Mere aviniane‐iai:

² Orau Ni are’eane euna a’a uriria upa mere, uku oro uriria Ni awkuane euna U opai rokoa ekuane‐iai.

³ Opai rokoa eire, oro ipa?-?nilauane‐iai Ni e Eloi miki keina, Iesu Keriso ane, Ni okaiviriane euna.

⁴ Pani va’au ai Nai avini?-?ane euna: iaki Ni ikunave Nai liane‐iai Nai oailiane euna.

⁵ Eai, Mai e, Ni avi’i’ine Ni paku ai, kurua avioia ikune Nai miaka Ni paku ai pani va’au unu ea pani paku ai.

⁶ A’a Ni ikuane euna pani va’au mere Ni nawi Nai ipekiane euna: oro Ni a’a kei’inave, a’a Ni ikunave; Ni voa oro kamaia liane euna.

⁷ Awku uriria Ni ikuane euna oro ipaliane euna Ni mere anena.

⁸ Voa Ni ikunave Nai ekuane euna; oro emiane euna ane, oro ipaliane euna kapoi Nai Ni mere anenave, oro pirimaroakoane euna Ni ikaiviriaka.

⁹ Oro eiai Nai nawki‐awkana: pani va’au eiai Nai nawki‐a‐awkanakea, a uku oro eiai Ni ikuane euna; uku oro Ni a’a keina.

¹⁰ Na awku uriria Ni awku keina, Ni awku ane Na awku keina; oro laru ai Nai avi’i’iakeina.

¹¹ Eai Na pokoia pani pani va’au ai oailiakeina, a oro pani va’au ai pokoina, Nai Ni ai anemakina. Mai Iaa e, oro a’a miki keia’ane‐iai Ni nawi eiai Ni paiekane, a’a Ni ikuane euna, oro, enere orau, monou keia’ane‐iai.

¹² Nai oro kiripai pokoinave ane, oro a’a miki keia’ane‐iai Ni nawi eiai, Nai paiekanave; a’a Ni ikunave Nai eiviriane euna, monou e paukiakeina, imua anu mua vaki; uku iaa revareva evere’eakeia’ane‐iai.

¹³ Eai Ni ai Nai anemakina; ei voa pani va’au ai Nai kuruna, oro kopai miane‐iai omo lai laru ai.

¹⁴ Ni voa Nai ekuane euna; pani va’au vai’i‐eka?-?va’ane euna, uku oro pani va’au unu a’a peo, orau Nai pani va’au unu a’a peo.

¹⁵ Nai nawki‐a‐awkanakea pani va’au mere Ni lai‐ekavai, a uku diabolo mere Ni iekavakana.

¹⁶ Oro pani va’au unu a’a peo, orau Nai awku pani va’au unu a’a peo.

¹⁷ Voa miki laru ai Ni iaa’ekane: Ni voa miki keina.

¹⁸ Orau Ni ikaiviriane euna pani va’au ai, orau Nai ekaiviriane euna pani va’au ai.

¹⁹ Oro eiai Nai iaa?-?ikana, uku Voa Miki laru ai oro iaa‐ekavakeia’ane?-?iai.

²⁰ Nai nawki‐a‐awkanakea uku oro e eiai, a uku oro awku eiai oro pirimaroakoakana uku omo omoro voa eiai;

²¹ Oro uriria monou keia’ane‐iai; orau Mai e, Ni Nai laru ai keina, Nai awku Ni laru ai keina, oro awku monou keia’ane‐iai enere laru ai: uku pani va’au pirimaroakoane‐iai Ni ikaiviriane euna.

²² Avioia Ni ikuane euna Nai au‐ekuane euna; uku oro monou keia’ane‐iai, orau enere monou keina;

²³ Nai oro laru ai keia’ane‐iai, Ni awku Nai laru ai keia’ane‐iai, uku oro monou miki evere’eiakeia’ane‐iai; uku pani va’au awku ipaliane‐iai Ni ikaiviriane euna, Ni umu‐ekava’ane euna, orau Ni umu‐ikuane euna.

²⁴ Mai e, a’a Ni ikuane euna, oro awku Nai kiripai pokoiane‐iai Nai umuli’ina, uku evao’evao Ni ikuane euna oro inamu‐oiane‐iai: uku Ni umu‐ikanave pani va’au unu ea pani paku ai.

²⁵ Mai anana e, pani va’au ipa‐nilauape: Nai ipa‐nilauane euna, ei a’a awku ipaliane euna Ni ikaiviriane euna.

²⁶ Ni nawi Nai ipekiane euna, Ni nawi Nai ipawkiakana ane: uku kurua umu Ni umu‐ika’ane euna oro laru ai keia’ane‐iai, Nai awku oro laru ai keia’ane‐iai.