Ioane 16 - Kuruei Voa Nawawrea 1920

¹ Ei voa Nai kurunaiane euna uai nomo kapea mere lai‐ekavai.

² Omoro marea mere oro lanaiakana: lia, pani aneliviai anelia kurua a’a na’avakana u laikoravakana U Eloi kamaia‐awkana.

³ Ei awku oro nalauakana, uku oro Mai ipa?-?ulauape, oro ipa‐ilauape ane.

⁴ Ei awku Nai nakiane euna, uku kurua pani anea’ane noro laikoranakiane‐iai Nai nakiane euna. Pinai pani ai ei voa Nai kurunainave uku Nai noro kiripai pokoinave.

⁵ A eai Nai vairumakina U ai U ikaivirinave; nomo a’a kapeo erau voa veve’i’ina, Ni ekamenai?

⁶ A uku Nai ei voa kurunaiane euna, kukupuna nomo umu evopoane euna.

⁷ Voa miki Nai nakina kapoi; uku painakavai Nai enana: Nai enavape liane, Paioka aneapea noro ai; a Nai enava’ane Nai okaiviriakana noro ai.

⁸ U ei‐anea’ane, U pani va’au ipawkiakana uku namea eiai, opara anana eiai, voa vevea eiai ane:

⁹ Namea eiai uku oro ipirimaroakoapea;

¹⁰ Opara anana eiai uku Nai Mai ai enana, noro inamu‐i’iapea;

¹¹ Voa vevea eiai uku ei pani va’au unu marevaki voa veve’eakeina.

¹² Uku kurunaiai voa aila mo Nai mi’ina, ei voa eviriai noro eai iviri keiapea.

¹³ Miki inu Avaea ei’?-?anea’ane, miki uriria laru ai U naravakana: uku U verukua kuruapea; a voa kavakava U viriakana U kuruakana: iru pani inu anea awku U ipanakiakana ane.

¹⁴ U avi’i’iakana, uku Na awku U miakana, ipanakiakana ane

¹⁵ Awku uriria Mai mi’ina oro Na awku keina: ou uku eiai Nai kurunave, Miki inu Avaea Na awku miakana, ipanakiakana ane.

¹⁶ Pani mau’u noro inamu‐i’iapea, pani mau’u mo noro inamu‐i’ikana, uku Mai ai Nai enana.

¹⁷ Una aivara varomo erau voa ekinamakei’inave, Ei voa anu miki oiana U kuru?-?aimakina, Pani mau’u noro inamu‐i’iapea, voa mo, pani mau’u mo, noro inamu‐i’ikana, uku Mai ai Nai enana:

¹⁸ Oro erau voa veve’eimakei’inave, Ei pani mau’u U kuruna, miki oiana? Una voa anu miki enei a‐ipali’inakea.

¹⁹ Iesu ipali’inave oro voa veve’eai umuli’inave, U erau voa veve’einave, Noro voa ama‐vevenaimakei’i uku Nai erau voa kurunave, Pani mau’u noro inamu‐i’iapea: voa mo, pani mau’u noro inamu‐i’iakana?

²⁰ Nai kurunaina kapoi, Noro araro vikiriakana, awni mu’u mailau liakana ane, a pani va’au kopai liakana: noro vikiriakana, a nomo viki kopai evere’eakeiakana.

²¹ A’e ukua kinia kukunu miane, u kukupuna mi’ina uku una pani ei‐anena: u upi kiniane kukupuna u lai?-?kora‐awkiapea, u kopai li’ina uku upi‐ukua pani va’au ai kiniakeina.

²² Eai noro awku kukupuna mi’ina: a Nai moawku inamu‐naiakana, nomo umu kopai liakana ane, nomo kopai a’a kapeo noro mere iou‐miakana.

²³ Kurua lare ai noro voa veve’i’iapea. Nai kurunaina kapoi, Awku kavakava Na nawi eiai noro Mai nawki‐awkavakana, U nakuakana.

²⁴ Na nawi eiai noro nawki‐awkavape: nawki‐awkane, noro miakana ane, nomo kopai evopoakeia’ane‐iai.

²⁵ Ei awku uriria aipo voa orau Nai kurunaiane euna: a pani aneliviai anelia aipo voa orau Nai moawku kurunaiapea, voa iki Mai eiai Nai ipanakiakana.

²⁶ Kurua lare ai Na nawi eiai noro nawki‐awkavakana, Mai nawki‐awkavai noro eiai Nai kuruei voa a‐kurunakea:

²⁷ Uku Mai verukua umu‐nakana, uku noro umu‐ika’ane euna, ipirimaroakoane euna ane, Eloi mere Nai elemanenave.

²⁸ Mai Mere Nai elemanenave, pani va’au ai Nai anena ane: pani va’au Nai moawku ave’ena, Mai ai vairuna ane.

²⁹ Una aivara erau voa kurunave, Akoi’i, eai Ni iki kuruna, aipo voa eria Ni kuruna.

³⁰ Eai enei ipali’ina lai evera uriria Ni mi’ina, a’a voa veveniai Ni umu‐a‐li’inakea: ei uku eiai enei pirimaroakona Ni Eloi mere elemanenave.

³¹ Iesu erau voa veve’einave, Noro eai ama‐pirimaroakoa’i?

³² Akoi’i, pani aneliviai anelia, lia, ei‐anena, noro lainakavakeiakana, a’a kavakava una eiei ai, epuri ave’i’iakana ane: Nai epuri pokoiapea, uku Mai Nai kiripai pokoina.

³³ Ei voa Nai kurunaiane euna, uku Nai laru ai noro airu miane‐iai. Pani va’au ai kukupuna noro miakana: kopai li’ine, pani va’au Nai awkoni awkava’ane euna.