Ioane 13 - Kuruei Voa Nawawrea 1920

¹ Pasova purai pani paku ai, Iesu ipali’inave pani aneaka U ei pani va’au ave’eai, Mai ai enavai ane; Una a’a pani va’au ai U umu‐eka?-?vaka, anea’anea ika pani ai U umu‐ekanave.

² Pei pani ai diabolo Iuda Isakariota, Simona anu mere, ailiaka Iesu anai‐aviai;

³ Iesu ipalimakei’inave awku uriria Una eve mokono ai Mai ekuaka, U Eloi mere aneaka ane, U Eloi ai enamakei’inave ane;

⁴ Pei pakara mere U la’anave, Una a’a kape U uninave, towela Una mako ai U pirinave.

⁵ Ere ainau laru ai U orekavaka’ane, Una aivara anu are U ere kikirinave, towela Una mako mere omo are U lavere kikinave ane.

⁶ Simona Petero ai U aneaka’ane: Petero erau voa veve’enave, Amua e, na are Ni ere ama‐kikiri’i?

⁷ Iesu erau voa kurunave, Awku Nai limakina ni eai a‐ipali’inakea; a iru pani ai ni ipaliakana.

⁸ Petero erau voa kurunave, Na are Ni ere kikiriapea opai keiakana. Iesu erau voa kurunave, Nai ere kikiri?-?niape liane, ni Na a’a peo.

⁹ Simona Petero erau voa kurunave, Amua e, na are e peo, a na eve awku, na uku awku, Ni ere kikirine.

¹⁰ Iesu erau voa kurunave, A’a eai pani ere kiane euna, una are e ere kikiriai u oea‐rokona, u kape iki urupu keina: noro Na aivara urupu keina, a noro uriria peo.

¹¹ Uku Una anai‐avia vaki U ipali’inave; ou uku eiai U kurunave, Noro uriria urupu peo.

¹² Omo are U kikiriaka’ane, Una a’a kape U moawku lukiaka’ane, U pa’avaka’ane, U erau voa veve’einave, Ei awku Nai nalauane euna noro ama‐ipali’i?

¹³ Noro nawi Rabi, Amua ane, iroina: nawi anana ane, uku orau Nai keina.

¹⁴ Nai nomo Amua, Rabi ane, nomo are ere kikiriane euane; nomo kaupu a’a anu are noro awku kikiriai limakina.

¹⁵ Uku aipo opara Nai nakuane euna, uku noro liane‐iai orau Nai nalauane euna.

¹⁶ Nai kurunaina kapoi, Aivara una amua upa mere are’eakeiapea, iva a’a ane una okaiviria a’a upa mere are’eakeiapea.

¹⁷ Ei awku noro ipa‐elauane, elauane ane, noro kopai keina.

¹⁸ Uku noro uriria eiai Nai a‐kurunakea: Nai ipa‐elauna a’a Nai ie’eiane euna: a uku ei iaa revareva voa evere’eakeia’ane‐iai, U Nai kiripai pei na’ana u ru‐ikavai una are nepoki u uakiane euna.

¹⁹ Ei pani mere Nai awku nakina omo evere’ea pani paku ai, awku evere’eakeia’ane, noro pirimaroakoane‐iai Nai U keina.

²⁰ Nai kurunaina kapoi, A’a umu‐aina kurua a’a Nai okaivirina, u umu‐ai’ina ane; u ane u umu‐ai’ina u umu‐aina U ane U ikaivirinave.

²¹ Iesu orau kuruaka’ane U lai kukupuna awkavakei’inave, erau voa kurunave ane, Nai kurunaina kapoi, nomo a’a monou anai‐avi’iakana.

²² Aivara inamu eki‐eka?-?makei’inave uku a’a auiai u eiai Iesu kurumakei’inave.

²³ Pei pakara ai Una aivara monou kei’inave, Una naumuki a’a, una uku Iesu unu ukari ai u keimakei’inave.

²⁴ Simona Petero naumuki vaki eve awkinave, u Iesu voa veve’eai uku Una anai’avia vaki eiai.

²⁵ Kurua vaki una uku Iesu unu ukari ai keimakei’inave, erau voa veve’enave, Amua e, anai‐avia vaki koana?

²⁶ Iesu erau voa kurunave, Ei pei ainau laru ai Nai nawpiane, pei a’a awkuane ane, anai‐avia vaki ioure! U pei nawpiaka’ane, U pei au‐awkunave Iuda Isakariota, Simona anu mere.

²⁷ Iuda pei la’a miaka’ane, u laru ai Satani ikirinave. Iesu erau voa awkinave, Awku ni limakina ni rokoroko li’ine.

²⁸ A’a kapeo pakara ai ipali’inave uku U orau kurunave.

²⁹ Oro varomo laikoranave uku Iuda moni maua miaka, Iesu erau voa kuruaka, Pei enei oea‐rokona ni inaea‐li’ine purai pani paku ai naea, mo, moni la’aruku rurupu a’a ekuai naea.

³⁰ Iuda pei la’a Iesu mere miaka’ane, u emoki elenave: pani kipere kei’inave.

³¹ U eleaka’ane Iesu erau voa kurunave, Eai A’a anu Mere avioiakeina, U laru ai Eloi ane avioiakeina.

³² U laru ai Eloi avioia?-?keia’ane, Eloi Una nane laru ai avioiakana, U emoki avioiakana ane.

³³ Mere e, pani mau’u Nai noro kiripai keiakana. Noro ivoroakana, a orau Nai Isaraela a’a kuruenave, Iou ai Nai enana noro i‐aneai liapea; orau Nai kurunaina.

³⁴ Vupu nawawrea Nai nakuna, Noro umu‐nakane; orau Nai umu‐naka’ane euna, noro awku umu‐naka’ane?-?iai.

³⁵ Noro umu‐naka’ane, orau a’a kavakava ipaliakana noro Na aivara keina.

³⁶ Simona Petero erau voa veve’enave, Amua e, Ni ekamenai? Iesu erau voa kurunave, Iou ai Nai i?-?enana ni eai e’e’ikavai liapea; a neko mere ai ni e’?-?e’ikavakana.

³⁷ Petero erau voa veve’enave, Amua e, uku oiana eai nai e’e’nikavai liapea? Na rokoa nai awkuakana Ni eiai.

³⁸ Iesu erau voa veve’enave, Ni rokoa ni ama‐awkumau uku Nai eiai? Nai kurunina kapoi, Kokora‐vaki vikiriapea, anea’?-?anea pani rere kaiane ni inaka‐ikava’ane.