Ioane 11 - Kuruei Voa Nawawrea 1920

¹ Betania pai’iri a’a monou, nawi Lasaro, maiakei’inave; Maria, una aro a’e ane Mareta, Betania pai’iri ai i‐pokoinave.

² (Kurua Maria mera muri muramura Amua upa mere orekanave, Una are awku una kimari u kikinave, ei a’e enu aroa a’a Lasaro maiakei’inave.)

³ Ou uku eiai una aro a’e orere iva a’a okaivirinave Iesu ai, erau voa kuruai ane, Amua e, u ane Ni umu‐awkana u maia keina.

⁴ Iesu iva voa viriaka’ane, U erau voa kurunave, Ei maia imua maia peo, a uku Eloi inu avioia eiai, uku Eloi inu Mere avioiakeia’ane‐iai.

⁵ Mareta, una aro a’e ane, Lasaro ane, Iesu umu‐ekanave.

⁶ U viriaka’ane Lasaro maia kei’inave, Una keia mako ai lare rere mo U i‐pokoinave.

⁷ Neko mere ai Una aivara U erau voa kuruenave, Enei moawku enanamaki Iudea eiei ai.

⁸ Una aivara erau voa veve’enave, Amua e, maura pani ai Isaraela a’a rawre nipakiai ipia‐mi’inave; moawku i‐enavai Ni amalaikora’i?

⁹ Iesu erau voa veve’einave, Lare enu pani eiei 12 peana? A’a lare pani ai are rokoane u aua’avapea uku pani va’au unu pamea u inamu‐oina.

¹⁰ A’a kipere pani ai are rokoane, u aua’a’ana, uku pamea eria u laru ai keina.

¹¹ Ei voa U kurunave, neko mere ai U erau voa kuruenave, Ene a’a Lasaro awawkeimakina; a epekiai Nai enana.

¹² Una aivara erau voa kurunave, Amua e, u awaw?-?keia’ane, u kape venea miakana.

¹³ Iesu kuruaka uku Una imua eiai: oro laikoranave U kuruaka uku awaw kape laikaiai.

¹⁴ Voa iki Iesu erau voa kuruenave, Lasaro imuakeina.

¹⁵ Nai kopaili’ina ane noro eiai uku Nai a‐i‐pokoi?-?navea, uku noro pirimaroakoane‐iai; oaio, u ai enei enanamaki.

¹⁶ Toma, nawi Didimo oroiakei’inave, una kaupu a’a erau voa kuruenave, Enei awku enanamaki, U kiripai enei imuane‐iai.

¹⁷ Iesu paiaka’ane, U virinave Lasaro lauoi laru ai lare morere morere keiaka.

¹⁸ Betania Ierusalema arekamu ai kei’inave, maili rere enu eiei naea.

¹⁹ Isaraela a’a aila anenave Mareta, Maria ane, paiekavai, uku orere enu aroa a’a imuakei’inave.

²⁰ Mareta uru viriaka’ane Iesu anemakei’inave, au‐awkuai u elenave, a Maria marea laru ai pa’anave.

²¹ Mareta Iesu erau voa kurunave, Amua e, Ni eu ai pokoiaka livilia na aroa a’a imuakape.

²² A nai ipali’inake, awku kavakava Ni eai Eloi nawki‐awkana, Eloi nikuakana.

²³ Iesu erau voa kurunave, Ni aroa a’a moawku la’avakana.

²⁴ Mareta erau voa kurunave, Nai ipali’inake u moawku la’avakana imua mere la’ava pani ika lare ai.

²⁵ Iesu erau voa kurunave, Imua mere la’ava, rokoa ane, Nai keina: u ane u ipirimaroakona, u imuakeia’ane, u rokoakana:

²⁶ A’a kavakava Nai laru ai rokoamakina, ipirimaroakona ane, u imuapea opai keiakana. Ei voa ni ama?-?pirimaroakoa’i?

²⁷ U erau voa kurunave, Lia, Amua e, nai pirimaroakona Ni Keriso, Eloi inu Mere, U ane U pani va’au ai aneliviai anelia eni voa kurunave.

²⁸ Mareta orau kuruaka’ane, u marea ai vairunave, una aro a’e Maria u vaua?-?vaua laeali’inave, erau voa kurunave ane, Amua ei‐anena, U laea‐nilaumakina ane.

²⁹ U Mareta anu voa viriaka’ane, u emoki la’anave, Iesu ai anenave ane.

³⁰ Iesu pai’iri laru ai ikiriakape, U i‐pokoinave Mareta au‐awkuaka.

³¹ Isaraela a’a Maria kiripai marea laru ai pokoinave, paiokanave ane, oro inamu‐oinave ane Maria emoki la’anave, elenave ane, oro e’e’okanave, erau voa kurunave ane, Lauoi ai i‐vikiriai u enamakina.

³² Maria Iesu ai paiaka’ane, inamu‐oinave ane, Una are ai u are epo ai’inave, erau voa kurunave ane, Amua e, Ni eu ai pokoiaka livilia, na aroa a’a imuakape.

³³ U vikirimakei’inave Iesu inamu‐oiaka’ane, Isaraela a’a ane u kiripai aneaka, oro awku vikirimakei’inave, avaea laru ai U i’i‐li’?-?inave, kukupuna‐awkava?-?kei’inave ane.

³⁴ U erau voa veve’einave, Ekeiana noro i’iane euna? Oro erau voa kurunave, Amua e, anene, inamu‐oine ane.

³⁵ Iesu vikirinave.

³⁶ Isaraela a’a erau voa kurunave, Akoi’i, U awku umu‐awkanave.

³⁷ Oro varomo erau voa veve’einave, Ei a’a inamu‐apua a’a anu inamu laka’anave, U iva miaka peana ei a’a rokoa‐eai, u imunavaia?

³⁸ Iesu moawku i’i‐limakei’inave lauoi ai anenave. Lauoi ena rawre laru ai kei’inave, rawre upa mere kei’inave ane.

³⁹ Iesu erau voa ekinave, Rawre lai‐awkane. Mareta imua a’a anu aro a’e erau voa kurunave, Amua e, eai u pomoa muri li’ina: uku lare morere morere u imua keia’ane euna.

⁴⁰ Iesu erau voa veve’enave, Nai kurunipeana, ni pirimaroakoane Eloi inu evao’evao ni inamu‐oiakana?

⁴¹ Oro rawre lai‐awkanave. Kaia i Iesu inamu‐ekinave, erau voa kurunave ane, Mai e, Nai kopai‐nikana uku Na voa Ni viriane euna.

⁴² Nai ipali’ina panipani ai Na voa Ni virina: a uku a’a aruru eiai oro ei‐oimakina Nai orau kurunave, oro pirimaroakoane‐iai Ni ikaiviriane euna.

⁴³ U orau kuruaka’ane, U erau voa araro laeali’inave, Lasaro e, elemanene.

⁴⁴ Kurua a’a imuakei’inave u elemanenave, una eve, are ane, lauoi kapua piriakei’inave, una paku ane towela piriakei’inave. Iesu erau voa ekinave, Ururune, u enanamoki ane.

⁴⁵ Isaraela a’a aila Maria ai aneaka, oro inamu‐eiaka awku Iesu liaka, oro pirimaroakoanave.

⁴⁶ A omo a’a varomo Parisea a’a ai enanave, ekinave ane, uku awku Iesu liaka.

⁴⁷ Omoro amua a’a, Parisea a’a ane, Sunederi kaupukinave, erau voa veve’einave ane, Enei oiamalimakei’i? Ei a’a iva veia aila li’ina.

⁴⁸ Enei eria liane, a’a uriria pirimaroakoakana; Roma a’a aneakana, ene pai’iri, ene kaki a’a ane, enakavakana.

⁴⁹ Omo a’a monou, nawi Kaiapa, u omoro amua epe’epe a’a kurua aumeia pani ai, u erau voa kuruenave, Noro pauapaua keina,

⁵⁰ Noro a‐laikoranakea opara anana keina noro eiai a’a monou imuakana uku a’a aruru eiai, kaki iki imunavaia.

⁵¹ A’a orau u a‐kurunavea: a uku u omoro amua a’a epe’epe kei’inave ou pani ai, u laikorava voa kurunave Iesu imuakana kurua kaki eiai.

⁵² Uku kurua kaki e apea, Eloi inu keke’e ukua‐mere avai monou U roikiane‐iai.

⁵³ Ou lare mere oro voa ipimakei’inave uku Iesu avai.

⁵⁴ Ou uku eiai Iesu iki are‐a‐rokoanavea Isaraela a’a awkono avao ai, U i‐ave’?-?enave, Eperaima pai’iri ai enanave, kekepere arekamu ai: Una aivara kiripai U i‐pokoinave ane.

⁵⁵ Isaraela a’a anu Pasova purai arekamu ai kei’inave; a’a aila avari mere Ierusalema ai inanave Pasova purai pani paku ai, omo nane urupu‐eiane‐iai.

⁵⁶ Oro Iesu voronave, erau voa veve’eimakei’inave oro Omoro marea laru ai oimakei’inave, Noro oiama?-?laikora’i? U purai navai ama‐anemau?

⁵⁷ Omoro amua a’a, Parisea a’a ane, erau voa awkiaka; a’a Una keia mako ipaliane, u ekiai limakina, oro piriane‐iai.