Ioane 10 - Kuruei Voa Nawawrea 1920

¹ Nai kurunaina kapoi, Kurua a’a mamoe enu vara kikau ai ikiriape liane, u vara e’ekina, u avapu a’a, no’ovea a’a ane.

² A u ane u kikau ai ikirina u mamoe enu oiviria a’a keina.

³ U eiai kikau oiviria a’a kikau auna; mamoe awku una voa virina: una mamoe i omo nawi u laea‐elauna, u eravaka‐elena ane.

⁴ Una mamoe uriria u eravaka‐eleane euane, omo paku ai u enana, mamoe e’e’okana: uku una voa oro ipali’ina.

⁵ Kikoro a’a oro e’e’oka?-?pea, u mere oro area‐enana: uku kikoro a’a anu voa oro a‐ipali’inakea.

⁶ Ei aipo voa Iesu kuruenave; oro pauapaua kei’inave uku awku eiai U kuruenave.

⁷ Iesu erau voa kuruenave, Nai kurunaina kapoi, Nai mamoe enu kikau keina.

⁸ Oro uriria Nai paku ai anea’ane euna, kurumakei’inave oro kikau kei’inave, oro avapu a’a, no’ovea a’a, kei’inave: mamoe omo voa a‐virinavea.

⁹ Nai kikau keina: i Nai mere a’a ikiriane, u iawkavakeiakana, u ikiriakana, eleakana ane, pei auiakana ane.

¹⁰ Avapu a’a anena uku avapu liai, avai ane, ena?-?kavai ane: Nai anea’ane euna oro rokoa miane‐iai, rokoa evereverea oro miane‐iai.

¹¹ Mamoe oiviria a’a ima Nai keina: mamoe oiviria a’a ima Una rokoa awkuna mamoe eiai.

¹² Kavani‐mia aivara vaki, mam e oiviria vaki miki peo, mamoe una mamoe peo, a’uri lekuleku vaki anemakina u inamu‐oiane, u mamoe ave’eina, area‐enana ane: a’uri lekuleku vaki mamoe a’akina, lai‐ekana ane.

¹³ Kavani‐mia aivara vaki area‐enana, uku u kavani‐mia aivara vaki keina, u umu eria mi’ina mamoe eiai.

¹⁴ Nai mamoe oiviria a’a ima keina, Na mamoe Nai ipa‐elauna ane, oro ipa‐ilauna ane.

¹⁵ Orau Mai ipa‐ilauna, orau Nai awku Mai ipa‐ulauna: Na rokoa Nai awkuna mamoe eiai.

¹⁶ Mamoe e awku Nai mi’ina, oro ei vara anu mamoe kaupu peo: oro awku eu ai Nai are’ekavai limakina, Na voa oro viriakana; vara‐kaupu monou keiakana, mamoe oiviria a’a monou ane.

¹⁷ Ou uku eiai Na Mai umu‐ikana, uku Na rokoa Nai awkumakina, Nai moawku miane‐iai.

¹⁸ A’a kapeo Na rokoa Nai mere iou‐mi’ina, Nai verukua awkuna, iva ikuakeina Na rokoa awkuai, moawku miai ane. Ei voa Na Mai mere Nai miane euna.

¹⁹ Isaraela a’a voa e kevakeva kurunave, uku ei voa eiai,

²⁰ Oro aila erau voa kurunave, U diabolo mi’ina, U avuavu ane; uku oiana noro Una voa virina?

²¹ A’a mo erau voa veve’einave, Ei voa diabolo‐mia a’a anu voa peo. Diabolo inamu‐apua a’a anu inamu ama‐laka’a’i?

²² Ravi aw purai pani ai Ierusalema ai, laura anu pani ai.

²³ Omoro marea ai, Solomona anu mapu ai, Iesu are‐rokoanave.

²⁴ Isaraela a’a Iesu ai kaupukinave, erau voa veve’enave ane, Pani eka va’au ana ene lai Ni iakari‐ekana? Ni Keriso keia’ane, Ni akine.

²⁵ Iesu erau voa kuruenave, Nai nakiane euna, noro a‐pirimaroakoanakea: iaki Nai li’ina Na Mai inu nawi eiai, oro ioneli’ina Nai eiai.

²⁶ A noro a‐pirimaroakoanakea uku noro Na mamoe peo,

²⁷ Na mamoe Na voa virina, Nai ipa‐elauna, oro e’e’ikana ane.

²⁸ Opai rokoa Nai ekuna; oro imuapea opai keiakana, a’a kapeo Na eve mere no’?-?ovea‐emiakana.

²⁹ Awku Na Mai ikuane euna ima lipi keina awku uriria upa mere, a’a kapeo awku Na Mai inu eve mere no’ovea liai li’ina.

³⁰ Enere Mai ane monou keina.

³¹ Uku rawre awpakiai Isaraela a’a rawre uakinave.

³² Iesu erau voa kuruenave, Ima iaki aila Nai ipanakiane euna Na Mai mere; iaki ekara’ana eiai noro rawre i‐pakina?

³³ Isaraela a’a erau voa kurunave, Uku ima iaki eiai enei rawre nipakiapea; a uku mai‐voa eiai; uku Ni a’a, Ni auoina Ni Eloi keina.

³⁴ Iesu erau voa veve’einave, Nomo vupu laru ai voa orau kikiria‐keiapeana, Nai kurunave, Noro eloi keina?

³⁵ Oro eiai Eloi inu voa anenave, oro eloi eroiakeia’ane, iaa revareva anu voa paueai liapea;

³⁶ U ane Mai iaa‐awkava’ane euna, pani va’au ai okaiviriane euna ane, uku U eiai noro amakuru’i, Ni mai‐voa kuruna; uku Nai kurunave Nai Eloi inu Mere keina?

³⁷ Na Mai inu iaki Nai liape liane, pa‐ipirimaroa?-?koai.

³⁸ A Nai Mai inu iaki liane, noro awku ipirimaroa?-?koape liane, iaki pirimaroakone: uku noro ipaliane‐iai, pirimaroakoane‐iai ane, Mai Nai laru ai rokona, Nai awku Mai laru ai rokona.

³⁹ Ou uku eiai oro U?-?piriai moawku ipia‐mi’inave; omo iva mere U elenave.

⁴⁰ Ioridana anu iou anelai U enanave, iou ai Ioane pinai bapatiso li’inave; i?-?pokoinave ane.

⁴¹ A’a aila U ai anenave, erau voa kurunave ane, Ioane iva veia eria li’inave: a voa uriria Ioane kurunave uku ei a’a eiai, oro voa miki kei’inave.

⁴² A’a aila i‐pirimaroa?-?koanave.