Iakobo 3 - Kuruei Voa Nawawrea 1920

¹ Na aroa a’a e, nomo a’a aila omoro a’a evere’eiai noro umu pa liai; uku noro ipali’ina enei omoro a’a voa vevea kane miki miakana.

² Uku enei uriria pani aila aua’a’ana, ara’ana ane. A’a voa aua’avape aua’a’ane u opara anana a’a evere’eane euna, una nane iki u piriai li’ina.

³ Auri awki inu ane laru ai enei aina oro kamaia?-?akava’ane‐iai, orau omo kape iki enei uru‐ekana.

⁴ Orau awku uku mapea, oro ovara‐mai keina, pani aila i kavaea ovara oro laeiakeina ane, i avaro mau’u oro uru‐ekavakeina orau kapena vaki umuli’ina.

⁵ Orau awku anai kape enu kape‐aru mau’u vaki, a u voa meramera vaki miki keina. Akoi’i, i iau mau’u pono eiei ovara iau awkuakeina.

⁶ Anai iau mikirina. Kurua namea vaki, anai, enei laru ai aiakeina, ene nane iki upu‐awkamakina, ene rokoa anu opara iki iau awkumakina, i Gehena anu iau u iau awkuakeina.

⁷ Uku animala anu kaupu kavakava epae’e‐awkava?-?keina, naku, vivia awku ane, emeiki ane, i a’a oro epae’e?-?ekavakeina.

⁸ A a’a kapeo anai epae’?-?e‐awkavai li’ina. U namea rokoa vaki miki, imua anu ivave evopoakeina ane.

⁹ I anai Amua Mai enei kopai‐awkana, i anai enei a’a anakaia‐elauna, a’a ane oro Eloi inu aipo eiakeina.

¹⁰ Ane monou mere kopai voa, anakaia voa ane, elemanena. Na aroa a’a e, ei opara anana peo.

¹¹ Awvi’aumu mere ere vaiape, ere aura ane, ama?-?oreki’i?

¹² Na aroa a’a e, veila iri imara anu uru ama‐meri’i? Imara iri awku ma uru ama‐meri’i? Ai, orau awvi’aumu ere aura, ere vaiape ane, orekiai liapea.

¹³ Nomo a’a koana u lai evera a’a, ima ipawkiakeia a’a ane? I una opara anana anu voa, i una lai evera anu lai iva’iva, una lai evera u ipawkinamoki.

¹⁴ Nomo umu laru ai namani, iara ane, noro miane, voa meramera, voa arauau ane, pa kuruai, voa miki apakinavai.

¹⁵ Kurua lai evera pani muku mere kinuapea: u pani va’au unu lai evera, u i’ima keina, u avaea lipi inu lai evera keina.

¹⁶ Uku iou ai namani, iara ane, rokona, lai iakari, opara lipi kavakava ane, rokona.

¹⁷ Lai evera pani muku mere u pinai urupu keina, airu ane, kekepa ane, manipu peo, umu, uru ima ane, u evopoakeina, voa e e peo, u naumuki opara eria mi’ina.

¹⁸ Opara anana anu uru airu ai voeakeina, omo airu ai oro ane oro airu‐ena.