Heberu 6 - Kuruei Voa Nawawrea 1920

¹ Pinai ipawkia voa Keriso eiai ave’eimakina, a’a miki evere’eai enei la’ana?-?maki, lai urukia anu u’uri imua opara mere, pirimaroakoa anu u’uri ane, enei moawku pa aiekiai,

² Ipawkia voa naea uku kape ere‐kia opara eiai, eve aiai opara eiai naea, imua mere la’ava ipawkia voa eiai naea, ika pani inu voa vevea eiai naea.

³ Eloi evere’eane, enei la’avakana.

⁴ Oro ane oro pamea‐eia?-?keia’ane euna, pani muku la’aruku unu mera oro kevere’?-?eane euna ane, Avaea Iaa anu aua‐mia a’a oro eiakeia’ane euna,

⁵ Eloi inu Iva voa anu ima‐mai oro ipaliane euna, anea pani inu iva‐mai ane,

⁶ Oro arava’ane, nai kuruna, oro moawku‐moawku lai urukiai liapea, uku omo nane eiai oro moawku‐moawku Eloi inu Mere iri keoa upa mere a’amakina, makiri?-?awkamakina ane.

⁷ Uku ka’e ane lai‐ere u na’ane euna u upa mere panipani ara’ana, aurapei u merina ka’e kinia a’a eiai, Eloi inu kopai aua‐miane euna ane.

⁸ Ka’e aimu, kikini ane, meriane, kurua ka’e inakaliakeina, ivaveliakeina ane, neko mere ai i iau oavakeiakana ane.

⁹ Enei orau kuruane, naumuki e, enei ailiaiakeina ima awku, iawka ane, uakeina noro eiai.

¹⁰ Uku Eloi namea keiapea nomo iaki, nomo umu ane, aikavai noro ipekiane euna U eiai i paioka Una a’a noro ekuane euna, eai ekumakina ane.

¹¹ A enei umuli’ina nomo a’a monou‐monou iviri ipi’ipia ipawkiane‐iai, noro araea’araea iki kopai miane‐iai anea’anea ika pani ai;

¹² Noro umu eapa evere’enavaia, a noro e’e’ekava’ane?-?iai oro ane i pirimaroakoa mere, i lai kekepa ane, maura‐voa oro omoro roikina.

¹³ Eloi Aberahamo maura‐voa kurunave’ane, uku opara e U liai a‐li’inavea, i Una nane U maura‐voa kurunave, erau voa kurunave ane,

¹⁴ Moawku‐moawku Nai kopai‐nikavakana kapoi, Ni a’a aila aila lala’avai Nai evere’eiakana.

¹⁵ Orau uku ene mai‐vaki lai kekepa aioiaka‐pokoinave u mi’inave orau Eloi maura‐voa kuruaka.

¹⁶ A’a anu opara i awku oro upai epe’epe keina oro maura‐voa kuruna; i maura‐voa orau kouamina voa oailiakeina.

¹⁷ Orau ane Eloi umuli’inave maura‐voa anu omoro roikia a’a ipekiai Una voa opai keina, i maura‐voa ane Una voa U evere’enave;

¹⁸ I opai awku rere Eloi arauau kuruai liapea, enei pai‐oka miki miane‐iai, enei ane, iawka eiai, enei ema?-?liane euna araea’araea a’akiai ene paku ai aiakeina.

¹⁹ Ei araea’araea mapea auri kovena orau keina imunu eiai, u eikiai liapea, oikiai liapea ane, kovena ravi inu mai laru ai ikirina

²⁰ Iou ai Iesu, ene paku ena a’a orau, ikiriane euna, Melekideka orau, U Omoro Amua evere’eane euna opai keiakana eiai.