Heberu 5 - Kuruei Voa Nawawrea 1920

¹ Uku Omoro Amua a’a kavakava a’a mere ie’eakeina, a’a eiai u aviri‐awkavakeina omo kava a’a evere’eai uku Eloi inu awku eiai, la’aruku, namea anu epie‐pei ane, u ekuane‐iai,

² U ane u lai kekepa liai limakina pauapaua a’a eiai, namealia a’a eiai ane, uku u awku i eapa avikiakeina.

³ Ei uku eiai, una nane eiai namea epie‐pei u awkuai limakina, orau u li’ina a’a aruru eiai.

⁴ Ei avioia iaki a’a kapeo verukua mi’ina, i Eloi u laea‐ulauakeia’ane, orau Arona laea‐ulauakei’inave, ei iaki u mi’ina.

⁵ Orau Keriso awku uku Una nane eiai Omoro Amua a’a anu avioia U umu‐a‐li’inavea, U avioiakei’inave i U ane U erau voa kurunave, Ni Na Mere rokona: Ei lare ai Ni mekai Nai evere’eane euna;

⁶ Orau awku mako mo ai U erau voa kuruna, Ni omoro a’a opai keiakana eiai, Ni Melekideka anu omoro kaupu a’a ane.

⁷ Uku Iesu Una pani va’au unu rokoa pani ai nawki‐awkanave, nanuku‐awkanave ane, viki ovara U vikirimakei’‐inave U nawki‐awkama?-?kei’‐inave’ane, U ane U iawkavai li’inave imua mere, awku mere U kore kakau li’inave U pai’okavakei’?-?inave.

⁸ A U ane U Eloi inu Mere rokoanave, U kukunu mi’inave, kukunu mere kamaia opara U ipawkiakei’inave:

⁹ U orau anana‐eakei’inave, opai iawka anu aw U evere’enave oro uriria eiai oro kamaia‐awkana.

¹⁰ Uku Eloi verukua Omoro Amua opai keiakana eiai oroinave, Melekideka anu omoro kaupu a’a ane.

¹¹ U eiai kuruai enei voa aila mi’ina, voa aila ane oro kane miki uku ipanakiai omo miki noro ipaliane‐iai, uku noro keporo namau evere’eane euna.

¹² Uku pani va’au noro pirimaroakoa a’a keia’ane euna, nomo iaki a’a e ipekiai, ai! a noro oea‐rokona kapoi a’a moawku ipanakiai Eloi inu voa miki inu pinai voa, ame, pei kane peo, noro umuli’ina.

¹³ A’a ane omo pei ame oro lai evera miki miape opara anana anu ipawkia voa eiai: oro upi keina.

¹⁴ Pei kane a’a miki eiai uakeina, oro ane uku panipani ai omo lai oro eivirimakina omo lai ipekiakeina opara ima, opara lipi ane, ipaliai.