Heberu 4 - Kuruei Voa Nawawrea 1920

¹ Ou uku eiai enei oivirinamaki, pani ai maura‐voa U ave’aina Una laikaiai mako enei ikiriakana, noro varomo maura‐voa anu paioka paukinavaia naea.

² Orau mai‐oro eiai, orau enei eiai ane, Iva voa omoro kuruakei’inave; iva voa oro virinave pai‐oka a‐ekunavea, uku pirimaroakoa a’a kiripai oro kamaia‐a‐li’inavea.

³ Enei ane enei pirimaroakoane euna laikaiai mako miki ai enei maura pani ikiriakana: orau U erau voa kuruane euna, Orau Nai kurunave Na ia’ia pani ai, Na laikaiai mako ai oro ikiriapea: a Eloi inu iaki liane euakeimakina pani va’au unu ea pani mere.

⁴ Uku enei ipali’ina U kurumakeia’ane uku lare 7 eiai U erau voa kuruane euna, Una iaki uriria mere Eloi laikaiaka‐pokoinave lare 7 pani ai.

⁵ Ei voa awku U erau voa kuruane euna, Na laikaiai mako ai oro ikiriapea.

⁶ A uku eai voa miki keina a’a varomo laikaiai mako ai ikiriakana, a uku larilia eiai oro ane oro eiai Iva voa omoro kuruakei’inave eni pani ai, oro a‐ikirinavea,

⁷ U moawku kurunave uku lare monou eiai, Eai lare ai, i Davida anu ane epo mere erau voa kurumakei’inave, Eai lare ai Una voa noro viriane, Nomo umu kane pa eiai.

⁸ Iosua laikaiai mako miki ekuaka livilia, Eloi voa kuru?-?akape uku lare mo iru pani ai.

⁹ Ou uku eiai laikaiai?-?sabati uakeina Eloi inu a’a eiai.

¹⁰ Uku U ane Una laikaiai mako ai U ikiriane euna, Una iaki mere U likaiaka‐pokoiane euna, orau Eloi Una iaki mere laikaiaka‐pokoinave.

¹¹ Enei iaki li’inamaki kurua laikaiai mako ikiriai, a’a imunavaia uku larilia opara u e’e’okamakina.

¹² Uku Eloi inu Iva voa rokoa, iva ane, evopoakeina, rawve enu epo‐epo onu akere kurua voa anu akere ipi’?-?iapea, Ei voa rumakina imunu avaea mere korana, awkiri‐uku mokono ai, ki?-?puri ai ane, runa, umu unu vauavaua lai inamu‐eiai li’ina ane.

¹³ Awku eria una emai mere area‐enavai li’ina; awku kavakava irikaiva keina, iki ai ipawkiakeina Una paku ai, U ane Una aivara a’a enei rokona.

¹⁴ Ou uku eiai, uku Iesu ai, Eloi inu Mere, Omoro Amua‐mai enei mi’ina, U ane U pani muku ai ikiriane euna, ene pirimaroakoa enei a’akinamaki.

¹⁵ Uku ene Omoro Amua ene eapa U aua‐miai li’ina, uku U ailiakei’inave orau enei ailiaiakeina, a U namea a‐li’inavea.

¹⁶ Ou uku eiai enei iviri anenamaki la’aruku unu amua‐pakara ai, enei umu miane‐iai, la’aruku ane auiane‐iai uku pai’akavai ene oea‐rokoa pani ai.