Heberu 3 - Kuruei Voa Nawawrea 1920

¹ Ou uku eiai iaa aroa a’a e, pani muku unu iaki aua‐mia a’a e, Iesu laikora?-?nakine, Iva a’a, Omoro Amua a’a ane U ua‐rokona, enei iki‐e’ena ane Una e’eo?-?kava a’a enei rokona.

² U miki‐rokoanave U eiai U ane U ie’enave, orau Mose awku miki‐rokoanave Eloi inu marea awku uriria eiai.

³ Avioia ovara‐mai miai Iesu akoakeia’ane euna, Mose avioia mau’u mi’inave, orau u ane u marea la‐okana u avioia‐mai mi’ina, a marea avioia mau’u mi’ina.

⁴ Marea kavakava la‐okava a’a mi’ina, a U ane U awku uriria la‐ekanave U Eloi ua‐rokona.

⁵ Mose miki‐rokoanave awku uriria eiai Eloi inu marea laru ai aivara a’a orau Iva voa awkuakei’inave omoro kuruai;

⁶ A Keriso Mere orau miki‐rokoanave Una marea amua‐awkavai, enei Una marea ane, iviri, araea’araea ane, enei kane a’akiane anea’?-?anea ika pani ai.

⁷ Ei uku eiai orau Avaea Iaa erau voa kuruna, Eai lare ai Una voa noro viriane,

⁸ Nomo umu kane pa liai orau nomo mai‐oro li’inave omo aki pani ai. Ailia pani ai kekepere ai,

⁹ Iou ai nomo mai‐oro i ailia‐mai Na lai kekepa ipia?-?awmi’inave, Opara uriria Nai li’inave oro inamu‐einave aumeia 40 pani ai.

¹⁰ Ou uku eiai i kurua kiri a’a Nai lai kukunu‐mai liakei’inave, Erau voa kurunave ane, Omo umu laru ai panipani ai oro pawru‐ena?-?makina; Na kapea oro ipaliape.

¹¹ Ou uku eiai Na ia’ia pani ai Nai erau voa kurunave, Na laikaiai mako ai oro ikiriapea.

¹² Oivirine ovaki airavaki e, noro laru ai inakalia umu rokonavaia, pai‐nakamakina Eloi rokoa lari‐awkavai.

¹³ Pani nawi Eai lare oroiakeia’ane, lare kavakava noro iviri‐nakane, nomo a’a monou i namea anu ewaea umu kane‐eakeinavaia.

¹⁴ Ene pinai pirimaroakoa enei kane a’akiane anea’anea ika pani ai, Keriso kiripai enei uriria aua‐mia a’a evere’eane euna.

¹⁵ Ei voa enei ai eai anena, Eai lare ai Una voa noro viriane, Nomo umu kane pa liai orau nomo mai‐oro li’inave omo aki pani ai.

¹⁶ Oro ane Una voa virinave oro koana, Eloi oro ia’ia‐awkanave ane? A’a uriria peana i Mose erava?-?kei’inave Aikupito mere oro ane oro elemaneaka?

¹⁷ Oro awku koana uku oro Eloi kukunu‐mai eakei’inave aumeia 40 pani ai? Oro peana oro ane oro namea liaka, omo imua kape ara’anave kekepere ai?

¹⁸ A’a koana U ekinave Una laikaiai mako ai oro ikiriapea, oro ane oro inakalia a’a peane?

¹⁹ Orau enei inamu‐oina uku oro pirimaroakoa miakape oro ikiriai a‐li’inavea.