Heberu 2 - Kuruei Voa Nawawrea 1920

¹ Ei uku eiai voa enei viriane euna enei kamaia?-?elauai limakina, oro mere enei oikinavaia.

² Voa i aivara avaea kuruakei’inave voa miki ipawkiakeia’ane, namea opara kavakava, larilia opara kavakava ane, kavani miki miane,

³ Ei iawka ovara‐mai enei lariliane, enei eka’ama area?-?enamau? Ei iawka ane pinai i Amua upurukiakei’inave, i a’a ane Una voa oro virinave ei iawka anu miki enei ipakiakei’inave ane,

⁴ Eloi ane omo ione voa anu miki ipawkinave i veia, momo’ore awku ane, iva veia iaki ane, i Avaea Iaa anu la’aruku ane ekuakei’inave orau U umuli’inave.

⁵ Kurua pani va’au aneliviai anelia, kurua pani va’au eiai enei kuruna, kurua pani va’au amua‐awkavai aivara avaea Eloi ie’eiape.

⁶ Uku enei ipali’ina kikiria a’a monou erau voa kuruane euna, A’a oiana Ni oivirina? A’a anu mere ane u oiana u ai Ni anena?

⁷ Pani mau’u e eiai aivara avaea arau mere Ni aiane euna: Evao’evao, avioia ane, Ni kaukoua luki‐awmiane euna, Ni evepawki amua‐ekavai Ni are’eane euna.

⁸ Uku kamaia‐awkavai awku uriria una are arau ai Ni aiane euna. Uku awku uriria a’a kamaia‐awkana, awku e eria uakeina a’a awkavapea. A enei inamu‐a‐einakea awku uriria kamaia‐ekavakeina a’a eiai.

⁹ A Iesu, U ane pani mau’u eiai aivara avaea arau mere U aiakei’inave, uku i Eloi inu la’aruku mere U imuane‐iai a’a kavakava eiai, enei inamu‐oina evao’evao onu kaukoua, avioia ane, luki‐awmimakina uku imua anu kukunu U miaka.

¹⁰ Uku opara anana kei’inave U eiai, i U mere ane, awku uriria rokona, ukua mere aila evao‐evao ai U are’ekavaka’ane, i kukunu omo iawka‐uku U anana‐eai, U ane U iekavaka.

¹¹ Uku U ane U iaa‐ena, oro ane U iaa‐eimakina, oro uriria Mai monou mi’ina; ei uku eiai U makiri miapea oro Una aroa a’a orau eroiai;

¹² Orau U erau voa kuruane: Na aroa a’a paku ai Ni nawi Nai upurukiakana; Ekalesia a’a awkono avao ai Ni avioia Nai awni‐awkavakana.

¹³ Ei voa ane, A uku nai eiai, Nai Eloi pirimaroakoakana. Ei voa ane, Nai eu aku, ukua‐mere awku Eloi ikuane euna oro eu aku.

¹⁴ Uku ukua‐mere oia, aro ane enu aua‐mia a’a keina, orau U awku oia, aro ane, aua‐emi’inave, i imua mere U oava’ane‐iai u ane imua anu iva u miaka, Diabolo ane;

¹⁵ Uriria ururueane‐iai ane, oro ane i kore mere omo rokoa pani iki oro kamaia epiriakeiaka.

¹⁶ Uku aivara avaea pai’ekavai Una eve U oiokavape panipani ai, a Aberahamo onu kiri a’a pai’ekavai Una eve U oiokana.

¹⁷ Ei uku eiai uku uakei’inave awku uriria eiai U eakei’inave Una aroa a’a mikiriai, umu, miki‐rokoa, omoro amua a’a U evere’eane‐iai uku Eloi inu awku eiai, U airu unu ea‐a’a evere’eai a’a aruru unu namea eiai.

¹⁸ Uku U verukua ailia anu kukunu ipaliane euna, a’a ane oro ailiakeina U emoki pai’ekavai li’ina.