Heberu 13 - Kuruei Voa Nawawrea 1920

¹ Aroa umu rokonamoki panipani ai.

² Kikoro a’a umu ipekiai pa aikavai: uku a’a varomo orau aivara avaea pauapaua kamaia‐ekava’ane euna.

³ Oro ane oro arekapu piriakeina noro eivirine, orau noro awku arekapu piriakeia’ane; oro awku oro mani‐kukunu rokoaka‐mimakina noro laikora‐ekine, uku noro awku kape ai rokona.

⁴ A’e‐mia opara noro uriria awkono avao ai avioinamoki, eve’eve pa liai: uku kana a’e, eve’eve a’a ane, Eloi voa veve’eiakana.

⁵ Nomo opara iawmia eria miai limakina moni eiai. Kopaili’ine uku awku eiai noro mi’ina; uku Eloi erau voa kuruane euna, Ni eve Nai uniapea panipani ai, Nai ave’niapea panipani ai.

⁶ Ou uku eiai enei iviri kuruna, Amua na paioka rokona; nai kore miapea: A’a anu mani oiana nai eiai?

⁷ Nomo eni orava a’a pa aiekavai, oro ane Eloi inu Iva voa noro ai oro mi‐anenave. Omo rokoa anu ika pani opara noro pa aikavai, omo pirimaroakoa noro ipi‐awmi’ine.

⁸ Iesu Keriso namai lare, eai lare ane, opai keiakana ane, ipi’ipia rokona.

⁹ I ipawkia voa e e kapea miki mere pa kekeai; opara ima i Eloi inu la’aruku umu iviri‐eai, i pei e e peo a’a ane oro na’ana, paioka eria mi’ina ane.

¹⁰ Enei Ekalesia a’a iaa pakara mi’ina, Isaraela Komo marea omoro a’a uku eria mi’ina kurua pakara mere pei navai.

¹¹ Animala anu aro i Omoro Amua a’a Iaa ravi‐awru laru ai vakaruakei’inave namea anu epie‐pei eiai, animala pai’iri vara iki ai avakeina, omo kape iau rue?-?kavakeina ane.

¹² Ei uku eiai Iesu awku pai’iri vara iki ai imunave, i Una aro a’a aruru namea mere ururuai.

¹³ Una makiri vakarumakina U ai enei elenamaki pai’iri vara iki ai.

¹⁴ Uku eu ai opai pai’iri eria enei mi’ina, pai’iri ane maura pani enei miakana enei eai vorona.

¹⁵ I U mere kopai inu epie‐pei iaa pakara ai enei ainamaki Eloi eiai panipani ai, kopai voa ane Una nawi kopai‐awkana.

¹⁶ A’a umu‐ekavai, pai’ekavai ane, pa aikavai: uku epie‐pei orau Eloi kopai‐awkava keina.

¹⁷ Nomo orava a’a kamaia‐ekane, lai kekepa mi’ine oro eiai. Uku nomo imunu oro eivirimakina, a’a orau oro ioneliai limakina omo oiviria eiai; uku oro kopai ioneliane‐iai, kukunu mi’inavaia ane. Kukupuna pai?-?oka eria mi’ina noro eiai.

¹⁸ Enei eiai nawki‐awkane: uku enei ipali’ina enei lai parea mi’ina, uku opara kavakava eiai anana rokoai enei umuli’ina.

¹⁹ Orau liai nai nanuku‐nakana, nai epua vairuane?-?iai noro ai.

²⁰ Eloi ane U airu awkuna, Iesu, ene Amua, imua a’a mere U moawku la‐okanave, U ane, i opai Kuruei‐voa anu aro onu iva, U mamoe enu oiviria Amua ovara ua?-?rokona,

²¹ La’aruku kavakava U nakunamoki noro umuliane naea Una lai liai, noro laru ai evere’emakina kurua awku ane kopai‐awkavakana i Iesu Keriso mere. Enei avioinamaki opai keiakana eiai! Amene.

²² Ovaki airavaki e, nai orau nanuku‐nakava’ane, noro umu‐ikane, uku uma revareva nai kikirinaiane euna.

²³ Uru viriai noro kopailiakana ene aroa a’a Timoteo ururuakeia’ane euna, u ema anea’ane, u kiripai nai inamu‐naiakana.

²⁴ A’a uriria ane oro amua?-?nakana, Eloi inu a’a uriria ane, noro kepeine. Italia aroa a’a keponaina.

²⁵ Noro uriria la’aruku mi’ine. Amene.