Heberu 11 - Kuruei Voa Nawawrea 1920

¹ Pirimaroakoa lai mikirina enei mi’ina awku eiai enei araea’araeali’ina, lai pamea mikirina ane awku unu miki eiai, awku ane enei inamu‐a‐einakea.

² I pirimaroakoa eni mai‐oro uru ima mi’inave.

³ I pirimaroakoa mere enei ipali’ina pani va’au i Eloi inu voa eiakei’inave, orau awku ane inamu‐eiakeina oro rokoa awku mere a’eiakei’?-?inavea

⁴ I pirimaroakoa mere Abela epie‐pei ima‐ima miki Eloi awkunave, Kaino onu epie‐pei ima mau’u kei’inave, i ei pirimaroakoa opara anana a’a anu uru u mi’inave, i una epie‐pei mimakei’inave Eloi awku ione awkunave, i una pirimaroakoa, ei a’a ane u imuakeina, u eai voa kuruna.

⁵ I pirimaroakoa Enoka pani va’au mere ekeakei’inave, u a‐imunavea, u a‐auiakei’inavea, uku Eloi ae’?-?eaka: enei ione voa mi’ina uku una ekea pani paku ai u Eloi kopai‐awkanave.

⁶ Pirimaroakoa eria a’a Eloi kopai‐awkavai liapea: uku a’a ane u Eloi ai anena Eloi ua‐rokona u pirimaroakoai limakina, U kavani ekuna ane oro ane auiai oro ipia‐mi’ina.

⁷ I pirimaroakoa mere Noa, i Eloi ipawkiakei’inave uku vauki‐rokoa awku eiai, kamaiali’inave, mapea la‐okanave ane una avai a’a anu iawka eiai, i ei opara pani va’au unu a’a u mua‐ekanave, opara anana ane pirimaroakoa mere anena u omoro roikinave.

⁸ U laea‐ulauakeiaka’ane una pani va’au ave’eai, eleai ane pani va’au e ai u maura pani omoro roikiakana, i pirimaroakoa Aberahamo Eloi kamaia‐awkanave; u elenave, una aki inu eiei u a‐ipali’inavea.

⁹ I pirimaroakoa u anenave, i‐pokoinave ane, maura‐voa anu pani va’au ai, kairi pani va’au orau, Isako, Iakobo ane, kiripai komo marea ai pokoimakei’inave, orere u kiripai maura‐voa aua‐mi’inave;

¹⁰ Uku panipani ai u araea?-?’araealimakei’inave pai’iri eiai, pai’iri ane u u’uri mi’ina, pai’iri inu avaea kikiria uku, la‐okava uku ane, U Eloi ua‐rokona.

¹¹ I pirimaroakoa mere Sara awku venea mi’inave ia evere’eai, u ukua kininave ane, u umu a’e kei’inave’ane, uku u laikoranave U ane U maura‐voa kuruaka, U miki‐rokoa kei’inave ane.

¹² Orau a’a monou mere, u ane u imua a’a orau kei’inave, kaki a’a kiniakei’inave, oro a’a aila kaia anu rawpu aila mikirina, miri inu aila mikirina a’a oraiai liapea.

¹³ Ei a’a uriria pirimaroakoa a’a orau oro imuane euna. Maura‐voa anu kopai awku oro miakape, amai mere oro inamu‐eiaka, ke?-?peiaka ane, oro iki e’eaka ane oro kairi a’a, kikoro a’a ane, pani va’au ai;

¹⁴ Uku a’a ane oro orau iki e’ena oro ipawkina pani va’au e oro voromakina mako e ai.

¹⁵ Pani va’au oro ave’eaka oro umuliaka livilia, oro uku auiaka omo pani va’au ai vairuai;

¹⁶ A oro iviri umulimakei’inave pani va’au pani muku ai: ei uku eiai Eloi makiri‐awkavakeiapea omo Eloi oroiakeiai, uku pai’iri oro eiai U evere’eane euna.

¹⁷ Eloi ipia‐awmiaka’ane, i pirimaroakoa Aberahamo Isako epie‐pei orau awkunave. Lia, u ane maura‐voa u miaka, una mere e epie‐pei orau u awkuai awkamakei’inave,

¹⁸ U ane u awkiakeiaka, I Isako mere ni kiri a’a eroiakeiakana.

¹⁹ Uku u laikoranave Eloi a’a imua mere la‐okavai li’ina, aipo voa kurumakina, imua a’a mere u Isako moawku mi’inave.

²⁰ I pirimaroakoa Isako, Iakobo, Esau ane, kopai‐ekanave uku awku ane oro aneliviai anelia.

²¹ Iakobo imumakei’ina?-?ve’ane i pirimaroakoa Iosepa anu mere monou‐monou u kopai‐awkanave, una iri iei upa mere ekekelimakei’inave u Eloi avioinave.

²² Iosepa ane una imua pani arekamu ai u kei’inave’ane, uku Isaraela a’a anu ena pani Aikupito pani va’au mere i pirimaroakoa u voa kurunave, mako ane u ekinave una kape i’iai.

²³ I pirimaroakoa upi Mose i una mekai, mei ane, ia rere kaiane vauakavakei’inave, uku una vapara‐mai orere inamu‐oinave: amua anu vupu kore eria miaka orere eiai.

²⁴ Mose ane u a’a miki la’avaka’ane, Paroa paka anu mere oroiakeiai i pirimaroakoa u larili’inave:

²⁵ Mani inu kukunu miai Eloi inu a’a aruru kiripai u ie’enave, namea anu avioia pani mau’u eiai u umu‐a?-?li’inavea.

²⁶ Uku u laikoranave anara voa Keriso eiai kavani ima miki kei’inave, Aikupito onu aru uriria kavani mau’u kei’inave; aneliviai anelia kavani u inamu‐ekinave.

²⁷ I amua anu iara peo, i pirimaroakoa u Aikupito ave’enave; a’a orau vauki‐rokoa Amua inamu‐oina una kapea ai u enanave.

²⁸ I pirimaroakoa pasova purai, aro orekava opara ane, u eivirinave, uku oava vaki Isaraela a’a anu airavaki ukua e‐anavaia.

²⁹ I pirimaroakoa Aro Ere Aura, kapea eorari orau, oro kenave, Aikupito a’a orau keai ipia‐mimakei’?-?inave’ane oro mumukiakei’inave

³⁰ Ieriko onu vara lare 7 avikiakei’inave’ane, oro ara’anave.

³¹ I pirimaroakoa Rahaba kana a’e larilia a’a kiripai a‐imunavea, uku inamu‐oia epo a’a u umu?-?aiaka, eiviriaka ane.

³² Voa mo ane nai oiamakurumau? Pani eria uakeina voa kuruai uku Gideona, Baraka ane, Samasona ane, Iepeta ane, Davida ane, laikorava a’a ane;

³³ Oro ane i pirimaroakoa amua eiei iki oro awkoni‐ekanave, opara anana miki evere’enave, maura‐voa Eloi mere mi’inave, lioni inu ane ekunave ane;

³⁴ Iau unu iara oro nomo?-?nave, rawve enu akere epo mere oro area‐enanave, eapa mere oro venea‐eiakei’inave, apakinavai oro iviri evere’enave, kairi a’a anu aiau oro la’einave.

³⁵ A’ero omo imua a’a rokoa moawku mi’inave: e oro mani e‐avakei’inave, iawka ekuakei’inave oro larili’inave, la’ava ima miki imua mere oro miane‐iai:

³⁶ A’a e ane i mani anara voa, i vaki‐awmia ane, oro ipia‐emiakei’inave; lia, i arekapu ane, kipura piria ane.

³⁷ Oro rawre epakiakei’?-?inave, kape upuakei’inave, ailiakei’inave ane, i rawve e‐avakei’inave ane. Mako mere mako ai oro enanave, mamoe enu kape, nani inu kape ane, oro luki‐emiakei’inave, pei oea kei’inave, ku?-?kunu‐eiakei’inave, mani‐ekavakei’inave ane.

³⁸ Pani va’au ima a‐kei’inavea ei a’a eiai. Kekepere ai, akapu ai ane, oro pawru‐enanave, pani va’au ena laru ai oro vauakinave.

³⁹ I pirimaroakoa ei a’a uriria uru ima miane euna, a Eloi inu maura‐voa ovara evere’eakeiakape omo a’a monou eiai;

⁴⁰ Uku oro eiai, enei awku eiai, awku ima‐ima miki Eloi evere’eaka, uku oro e kopai iki mi’inavaia.