Heberu 1 - Kuruei Voa Nawawrea 1920

¹ Eloi ane, i iva voa e e aila, i opara e e aila ane, U mai‐oro kuruenave i laikorava a’a mere,

² Ei ika lare ai i Una Mere U kuruaiane euna, U ane pani va’au iki inu Amua U evere’eakeina, i U mere ane pani va’au U eanave.

³ Eloi inu evao’evao U akuru ipawkina, Eloi inu nane enu aipo miki U ua?-?rokona ane, i Una iva anu voa awku uriria U la’ekava?-?ka‐a’akina. Namea a’a mere U namokiaka’ane Avaea‐Mai inu eve miki mekai U pa’anave pani muku ai,

⁴ Aivara avaea upai U are’eakeiaka orau Una nawi omo nawi upai U omoro roikiane euna.

⁵ Aivara avaea ekara’ana eiai Eloi erau voa kuruane euna, Ni Na Mere rokona: Ei lare ai Ni mekai Nai evere’eane euna? Voa mo ane, U eiai Nai mekai keiakana, U awku Nai eiai Mere keiakana?

⁶ A pani eiai kurumakina Una Airavaki Ukua pani va’au ai U moawku arekava’ane U erau voa kurunave, Eloi inu aivara avaea uriria avioi?-?nameki.

⁷ A uku aivara avaea eiai U erau voa kuruna, Una aivara avaea kavaea evere’eai U ae’eina, Una aivara iau‐anai evere’eai U ae’eina.

⁸ A uku Una Mere eiai U erau voa kuruna, Ni amua‐pakara, Eloi e, uakeina opai keiakana eiai, Ni amua‐eiei inu upura vo’oa opara anana anu upura vo’oa keina.

⁹ Opara anana Ni umu?-?liane euna, opara namea Ni vai’i‐awkava’ane euna; Ou uku eiai Eloi, Ni Eloi, kopai inu mera orenikava’ane euna, una aivara e orau U ore’?-?ekavape.

¹⁰ Ei voa awku Una Mere eiai Eloi erau voa kuruna, Ni, Amua e, pinailia pani ai pani va’au unu u’uri Ni aiekinave, Kaia awku Ni evepawki keina.

¹¹ Kaia periakana, a Ni rokoakana; A’a kape orau kaia umu evere’eakana,

¹² A’a kape orau kaia Ni vovo‐ekavakana; lia, a’a kape orau, oro ae’epuakana ane. A Ni ipi’ipia rokona, Ni aumeia periapea.

¹³ Aivara avaea ekara’ana U erau voa kuruane euna, Na eve miki mekai pa’ane, anea’anea ni mani ni are pakara Nai eiane?

¹⁴ Aivara avaea uriria ane oro kamaia‐awkana, oro avaea peana, oro ane U ekaivirina pai‐ekavai, oro ane maura pani ai iawka omoro roikiakana?