Galatia 4 - Kuruei Voa Nawawrea 1920

¹ Nai erau voa kuruna, Airavaki ukua una ukua pani ai aivara ukua mikirina, kurua pani ai omoro‐aru uriria anu airavaki‐ukua u keia’ane,

² Mai‐oro, oiviria a’a ane, u kamaia‐ekana, anea’?-?anea pani anea’ane una mekai evere’eane euna.

³ Orau uku enei awku, avaea awku eiai enei ukua mere keia’ane, i ei pani va’au unu ipawkia voa enei kamaia aivara piriakei’inave.

⁴ A pani miki aneaka’ane Una Mere Eloi okaivirinave, a’e kiniakei’inave, Vupu kamaialiai U kiniakei’inave,

⁵ Vupu unu kamaia a’a uriria anu ururua U inaealiane‐iai, uku enei mere orau ipa‐alauakeia’ane‐iai.

⁶ Uku noro mere rokona, Una Mere enu Avaea Eloi okaiviriane euna nomo umu ikiriai, erau voa araro kuruai ane, Abba! ene Mai e!

⁷ Ou uku eiai eai ni aivara peo, a ni mere rokona; ni mere keia’ane, i Eloi inu opara mere ni airavaki‐ukua awku.

⁸ Kurua pani ai noro Eloi a‐ipali’inavea, noro eloi kamaia‐ekanave, eloi ane oro rokoapea.

⁹ A eai noro Eloi ipali’ina, i Eloi ane noro ipa’na?-?lauakeina, uku oiana noro vairumakina eapa, avu’avu, ipawkia voa ai, i kurua awku eni pani ai noro na‐piriakei’?-?inave?

¹⁰ Lare, ia ane, purai eiei ane, aumeia ane, noro avi’eina.

¹¹ Nai koreli’ina noro eiai, uku iaki nai liane euna noro eiai iaki eria liakeina naea.

¹² Ovaki airavaki e, nai nanuku‐nakana, nai orau noro evere’ene, uku noro orau nai evere’eane euna: noro namea‐ikavape.

¹³ Noro ipali’ina uku kape maia nai pinai Iva voa omoro kurunainave.

¹⁴ Noro lari‐ikavape, inaka‐ikavape ane, na kape maia eiai; Eloi inu aivara avaea orau, Keriso Iesu orau, noro umu‐ikavaka.

¹⁵ Nai erau voa vevenaina, Nomo eni kopai eai ekeiana? Uku nai ione li’ina noro iva miaka livilia, nomo inamu noro eme’ekiaka, ikuaka ane.

¹⁶ Uku voa miki nai nakina nai nomo mani a’a ana?

¹⁷ Ei a’a avinaina, a uku umu peo. Enei mere uru?-?nakavai oro umuli’ina, uku noro avi’eiane‐iai.

¹⁸ Opara ima panipani ai avioia miai opara ima eiai; pani ai ane nai noro kiripai a‐pokoinakea.

¹⁹ Na ukua mere e, ukua kinia kukunu orau nai mimakina noro eiai, anea’anea noro laru ai Keriso eakeia’ane.

²⁰ Noro kiripai pokoiai nai umuli’ina, voa e kuruai li’ina ane, uku nai lai kukupuna‐ikavakeina noro eiai.

²¹ Ikine, noro e, Vupu kamaialiai noro umuli’ina, Vupu unu voa noro viriapeana?

²² Uku voa kikiriakeina Aberahamo mere rere miaka, monou i aivara a’e kiniakei’inave, mo, i a’e miki kinia?-?kei’inave.

²³ Mere i aivara a’e kinia?-?kei’inave a’a anu opara orau u kiniakei’inave; mere i a’e miki kiniakei’inave uku kuruei voa evere’eai u kiniakei’inave.

²⁴ Ei voa uriria aipo voa keina: a’ero rere kuruei voa rere mikirina. Monou Sinai akapu mere anena, u mere kinina kamaia aivara a’a evere’eai.

²⁵ Ei a’e nawi Agara oroiakeina. Agara Sinai akapu unu nawi Arabia eiei ai, eai Ierusalema mikirina ane, u ane una mere kiripai kamaia piriakeina.

²⁶ A Ierusalema upai keina u ururua keina, u ene uriria anu mei ane.

²⁷ Uku ei voakikiriakeina, Kono a’e e, ukua ni kiniapea, kopaili’ine, Ni ane, ni ukua eria kinina, kopaili’ine. Uku epuri a’e mere aila u mi’ina, A’e ane U vaki mi’ina mere aila u miape.

²⁸ A enei, ovaki airavaki e, Isako mikirina, enei kuruei voa anu ukua mere keina.

²⁹ A orau kurua ukua a’a anu opara orau kiniakei’inave u mani‐awkanave kurua ukua i Avaea anu iva kiniakei’inave, orau eai kurua opara liakeina.

³⁰ Iaa revareva oiama?-?kuru’i? Aivara a’e, una mere ane, laeine: uku aivara a’e enu mere a’e miki inu mere kiripai omoro‐aru auamiapea.

³¹ Ou uku eiai, ovaki airavaki e, enei aivara a’e enu mere peo, a’e miki inu mere enei rokona.