Galatia 3 - Kuruei Voa Nawawrea 1920

¹ Avu’avu Galatia a’a e, kono lai evera ana ivave?-?naka’ane euna, noro ane noro paku ai Iesu Keriso ipawkiakeia’ane euna, noro awkono avao ai iri keoa upa mere U avakei’inave ane?

² Ei voa e voa vevenaiai nai umuli’ina, Noro Avaea ama‐mi’e uku Vupu unu voa noro kamaiali’inave, voa mo, noro Iva voa viriaka’ane, noro ama‐pirimaroakoa’e?

³ Noro avu’avu a’a ana? I Avaea noro pinai pirimaroakoanave, i kape enu opara mere ana noro anana‐naia?-?keiakana?

⁴ Kukunu aila noro miane euna uku eria eiai ana? kukunu eria keia’ane euane kapoi.

⁵ U ane U Avaea nakuna, noro awkono avao ai iva veia li’ina ane, U orau ama‐li’i uku noro Vupu kamaia‐li’ina, mo, uku ana Iva voa noro pirimaroakona:

⁶ Orau Aberahamo Eloi pirimaroakoanave, una pirimaroakoa opara anana orau akoakei’inave u eiai?

⁷ Noro ipali’ine pirimaroakoa‐mia a’a Aberahamo onu kiri a’a miki keina.

⁸ Iaa revareva eni ipalimakei’inave i pirimaroakoa Eloi lai unuku a’a namea anu mua mere ururuakana, eni pani ai Iva voa U Aberahamo erau voa kurunave, Ni laru ai kaki a’a uriria kopai‐ekavakeiakana.

⁹ Orau enei inamu‐oina pirimaroakoa‐mia a’a Aberahamo kiripai kopai‐ekavakeina.

¹⁰ Oro uriria awku Vupu unu kamaia pirimaroakona oro laeiakeina, uku ei voa kikiriakeina, A’a kavakava laoiakeina Vupu uriria anu ipawkia voa u kamaialiape liane.

¹¹ Ei voa awku ipawkiakeina, a’a uku u Vupu e kamaiali’ina u anana a’a peo Eloi inu paku ai, uku i pirimaroakoa opara anana a’a rokoakana.

¹² Vupu pirimaroakoa mere aneapea: Vupu erau voa ipawkina, A’a ei Vupu kamaia‐ekana i oro u rokoakana.

¹³ Vupu unu iara mere Keriso inaea‐alauane euna, U laoiakei’inave enei eiai: uku ei voa kikiriakeina, A’a kavakava iri upa mere eoka?-?vakeina u laoiakeina.

¹⁴ Ene ururua namea anu mua mere inaea‐liakeia’ane euna, uku Aberahamo onu kopai lai unuku a’a ai anea’ane‐iai i Iesu Keriso mere: uku i pirimaroakoa mere maura‐voa Avaea enei miane‐iai.

¹⁵ Ovaki airavaki e, Aipo voa eire a’a anu opara eiai. A’a kuruei voa kuruane, kurua kuruei voa evere’eakeia’ane euane, a’a kapeo kuruei voa anu voa pauena, voa mo ane akona.

¹⁶ Kuruei voa kurueakei’inave Aberahamo eiai, una kiri a’a eiai ane. Eloi kuru?-?akape, kiri e e a’a eiai, a’a aila orau eiai; a U kurunave uku a’a monou eiai, Ni kiri a’a ane, ei a’a U Keriso keina.

¹⁷ Nai erau voa kuruna, Kuruei voa Eloi evere’eaka Vupu unu anea pani paku ai aumeia 430, kurua kuruei voa Vupu paueai liapea.

¹⁸ Ei omoro‐aua Vupu unu kamaia mere anea’ane, u kuruei voa mere aneape. A ei omoro‐aua Eloi Aberahamo awkuane euna Una kuruei voa evere’eai.

¹⁹ Uku oiana Vupu awkuakei’inave? Vupu ipawkiakei’inave uku namea ipekiai, anea’anea kurua kiri a’a anea’ane, U ane Eloi kuruei voa evere’eaka; ei kuruei voa anu aua aua i vimu a’a, aivara avaea ane, evere’eiakei’inave.

²⁰ A’a monou e rokoane u vimu a’a peo. A Eloi Monou uarokona.

²¹ Vupu Eloi inu maura voa inaka‐ama‐li’i? Ai. Vupu awkuakeiaka livilia rokoa awkuai li’inave, opara anana Vupu mere aneaka kapoi.

²² Iaa Revareva ipawkiane euna a’a uriria namea anu piria a’a keina, uku maura voa anu kopai ekuakeia’ane‐iai, oro ane oro Iesu Keriso pirimaroakona.

²³ Pirimaroakoa anu anea pani paku ai, enei Isaraela a’a Vupu anu piria a’a kei’inave, Vupu unu ipawkia voa avikiakei’inave enei evere’aiakeia’ane‐iai pirimaroakoa eiai maura pani ipawkiakeiai.

²⁴ Orau Vupu ene omoro a’a kei’inave Keriso ai aravai, uku i pirimaroakoa mere enei anana‐aiakeia’ane‐iai.

²⁵ A pirimaroakoa anea’ane euna, eai omoro a’a arau ai enei keiapea.

²⁶ Uku nomo pirimaroakoa Keriso Iesu laru ai noro uriria Eloi inu ukua mere keina.

²⁷ Uku noro uriria Keriso laru ai bapatiso‐nakavakeia’?-?ane euna, Noro Keriso luki‐awmiane euna.

²⁸ Isaraela a’a peo, Heleni a’a peo, piria a’a peo, ururua a’a peo, vaki peo, ururua a’a peo, vaki peo, a’e peo, ua‐rokona: uku noro uriria monou keina Keriso Iesu laru ai.

²⁹ Noro Keriso onu a’a keia’ane, noro Aberahamo onu kiri a’a ane, uku kurua maura‐voa eiai noro airavaki ukua ane.