Galatia 2 - Kuruei Voa Nawawrea 1920

¹ Aumeia mo 14 periakei’inave ane Banaba kiripai Ierusalema ai nai moawku inanave, nai kiripai Tito awku nai areka’anave.

² I erea voa Eloi inu lai eiai nai inanave; Iva voa lai unuku a’a awkono avao ai nai omoro kuruna nai ipekinave. Ekalesia anu mai‐oro na omoro iaki nai vaua?-?vaua ipekinave, uku na iaki kape liakeinavaia.

³ Tito, Heleni a’a, nai kiripai kei’inave, uku momoa‐eiai oro voa eria kurunave:

⁴ Ei e’ei uakei’inave uku arauau aroa a’a ekalesia a’a vauavaua evere’eiakei’inave ene ururua Keriso Iesu laru ai oro inamu‐oiane‐iai, kurua ururua enei mere oro avapu?-?liane‐iai.

⁵ Enei a‐laikinavea kamaia‐ekavai; uku Iva voa noro kiripai miki keia’ane‐iai.

⁶ Ei mai‐oro mere paioka eria nai mi’inave. Oro amua a’a naea, amua a’a peo naea, nai ipapea. A’a anu paku Eloi a’avioinakea. Voa nawawrea oro a‐ipaikinavea.

⁷ Oro inamu‐oinave ane Iva voa ikuakei’inave lai unuku a’a ipekiai, orau Iva voa Petero awkuakeiaka Isaraela a’a ipekiai;

⁸ (Uku U ane U Petero evere’eaka u iva a’a keia’ane‐iai Isaraela a’a eiai, U evere’i’iaka ane nai iva a’a keia’ane‐iai lai unuku a’a eiai:)

⁹ La’aruku ikuakei’inave oro inamu‐oiaka’ane, (oro Iakobo, Kepa ane, Ioane ane, Ekalesia anu aipua orau oro laikoravakei’inave) omo avai ikiriai enere Banaba oro evere’ainave; enere lai unuku a’a ai enava’ane‐iai, oro Isaraela a’a ai enava’ane‐iai.

¹⁰ A omo rurupu a’a laikora‐ekiai oro nawki‐akanave. Omo lai evere’eai nai kopaili’inave

¹¹ Petero Anetioka ai aki‐enanave ane, una paku ai nai voakinave, uku u mua kei’inave.

¹² Uku Iakobo onu epo a’a anu anea pani paku ai lai unuku a’a kiripai u pei navaka: oro aneaka’ane, lai unuku a’a mere u laikinave, u kore kei’inave momoa‐eia a’a anu voa eiai.

¹³ U kiripai Isaraela a’a e awku omo lai miki vaua?-?ekanave, uku omo vauavaua opara Banaba awku ewaea‐awkavakei’inave.

¹⁴ Nai inamu oinave ane Iva voa anu opara orau oro anana a‐rokoanavea, oro uriria paku ai nai Petero erau voa kurunave, Ni Isaraela a’a lai unuku a’a orau rokoane, Isaraela a’a orau ni rokoape liane, uku oiana lai unuku a’a ni eunina Isaraela a’a orau rokoai?

¹⁵ Enere Isaraela a’a kiniakei’inave, lai unuku namea a’a peo,

¹⁶ Enere ipali’ina i Vupu unu kamaia opara peo a’a anana‐eakeina, a i pirimaroakoa mere Iesu Keriso laru ai a’a mua mere ururuakeina. Enei Keriso Iesu pirimaroakoane euna, i pirimaroakoa mere Keriso laru ai, Vupu unu kamaia opara mere peo, mua mere enei ururua?-?keia’ane‐iai.

¹⁷ Keriso laru ai ururua namea anu mua mere enei voromakeia’ane, a namea enei auiakeia’ane, ou uku eiai namea liai Keriso ama?-?paiaka’i? Ai.

¹⁸ Namea nai upupuaka nai moawku la‐okava’ane, nai namea a’a evere’ena.

¹⁹ Uku i Vupu nai imuane euna Vupu eiai, Eloi eiai nai rokoane‐iai.

²⁰ Keriso kiripai iri keoa upa mere nai i‐avakeia’ane euna; a u ane u nai laru ai rokona u nai peo, a Keriso ane U nai laru ai rokona: rokoa nai eai rokona kape laru ai i pirimaroakoa Eloi inu Mere nai rokona, U ane U umu‐ikanave, Una nane imuai U awkunave nai eiai.

²¹ Eloi inu la’aruku nai a‐pauenakea; ururua namea anu mua mere i Vupu mere anea’ane, uku eria Keriso imuane euna.