Epeso 6 - Kuruei Voa Nawawrea 1920

¹ Ukua mere e, ekalesia anu kamaia opara orau, nomo mekai, mei ane, noro kamaia‐ekane: uku ei opara anana keina.

² Ni mekai, mei ane, avi’eine; pinai vupu eire maura‐voa mi’ina;

³ Awku ima keia’ane‐iai ni eiai, ni va’au rokoane‐iai pani va’au ai.

⁴ Noro mekai e, nomo ukua mere noro iara pa ekavai: ekalesia ipawkia voa miki, paioka voa ane, noro ipekine.

⁵ Aivara e, nomo pani va’au amua kamaia‐ekane, lai avioia, lai kekepa ane, lai monou ane, orau noro Keriso kamaia‐awkava’ane.

⁶ Lai kaikai iaki a’a orau noro pa liai; Keriso onu aivara a’a orau noro kamaia‐ekane, aivara ane omo umu mere oro Eloi kamaia‐awkamakina;

⁷ Lai kopai nomo iaki ima li’ine Amua eiai, a’a eiai peo;

⁸ Noro ipali’ina kapoi, a’a piria aivara keia’ane, ururua a’a keia’ane, u iaki ima liane, kavani una iaki eiai Amua mere u miakana.

⁹ Noro awku, amua a’a e, opara orau li’ine nomo aivara eiai, iara voa pa kurueai: uku noro ipali’ina pani muku ai Monou uarokona, U ane nomo Amua, omo Amua ane, U uarokona; opara e e a’a e e eiai U miape.

¹⁰ Ika voa eire, na ovaki airavaki e, iviri‐nakane Amua ai, i Una iviri Una iva‐mai awkuna ane.

¹¹ Eloi inu aiau vaupa iki noro luki‐nami’ine, noro iviri oiane‐iai diabolo onu ewaea uriria paku ai.

¹² Uku oia, aro ane, kiripai enei apakina’apea, ene mani avaea amua, avaea marevaki ane, ei pani va’au unu muru unu amua ane, avaea namea avaea mako mukua ai.

¹³ Ou uku eiai Eloi inu aiau vaupa iki noro luki‐nami’ine, noro iviri oiai liane‐iai apaki inu lare ai, nomo mani noro awkoni‐ekava’ane euane ane, noro iviri keia’ane‐iai.

¹⁴ Iviri oine, voa miki inu awre nomo muri ai pirine, opara anana ukari oiviriai ke ai eokane;

¹⁵ Airu unu Iva voa anu rawre are nomo are lu?-?kine;

¹⁶ Pirimaroakoa anu kore?-?paka a’akine, mani vaki inu iau ere uriria noro nomoane?-?iai.

¹⁷ Iawka anu kiku noro mi’ine, Avaea anu rawve ane, kurua rawve Eloi inu Voa keina:

¹⁸ Avaea ai panipani ai nawki, nanuku ane, nawki‐awkane, panipani rokoa pokoine ima pani a’akiai noro nawki‐awkava’ane‐iai Eloi inu a’a eiai;

¹⁹ Nai awku eiai, uku voa ikuakeia’ane‐iai, nai iviri omoro kuruane‐iai Iva voa anu vauavaua ipawkiai,

²⁰ Ei Iva voa eiai nai iva a’a arekapu ipiriakeina: nai omoro kurumakeia’ane, nai iviri omoro kuruane‐iai.

²¹ A uku noro awku na uru viriane‐iai, Titiko, aroa naumuki a’a, Amua anu omoro a’a miki ane, awku uriria u ipanakiakana:

²² Noro ai nai okaiviriane euna uku noro ene uru viriane‐iai, nomo umu ane u paiekava’ane‐iai.

²³ Eloi Mai mere, Amua Iesu Keriso mere ane, airu, umu ane, pirimaroakoa ane, aroa’a’a mi’ine.

²⁴ Oro ene Amua Iesu Keriso miki umu‐awkana, oro uriria la’aruku mi’inameki. Amene.