Epeso 5 - Kuruei Voa Nawawrea 1920

¹ Una naumuki ukua mere orau noro Eloi ipi‐awmi’ine.

² Noro umu‐nakane, orau Keriso awku umu‐nakanave, Una nane ane U awkunave enei eiai la’aruku, epie pei ane Eloi eiai, mera muri rokoamakina.

³ Uku eve’eve opara, i’ima opara uriria ane, iawmia opara ane, noro voa pa kuruai; oro voa ima peo Eloi inu a’a eiai;

⁴ Makiri upu voa, avu’avu voa ane, aka rurupu voa ane, uku oro paioka eria mi’ina, noro lari‐ekane: kopai inu voa miki noro kurune.

⁵ Uku noro ipali’ina, eve’eve a’a kapeo, upu i’ima a’a kapeo ane, iawmia a’a kapeo ane, u ane u imunu unu avioia a’a keina, omoro‐aru mi’ina Keriso onu eiei laru ai, Eloi inu eiei ai ane.

⁶ I a’a anu voa kape noro ewaea‐nakavakeina vaia noro oivirine: uku ei namea eiai Eloi inu ia’ia aneliviai anelia larilia a’a eiai.

⁷ Ou uku eiai oro kiripai noro pa aua‐miai.

⁸ Pani uakei’inave noro muru e kei’inave ane. Eai, Keriso onu a’a orau, noro pamea keina: pamea anu ukua mere orau noro rokone.

⁹ (Uku pamea anu uru opara ima, opara anana, opara miki, kavakava ai inamu‐oiakeina;)

¹⁰ Nomo lai laru ai ipali’ine kurua awku kopai mi’ina Amua eiai.

¹¹ Muru unu kono opara larili’ine, omo namea ipawkine.

¹² Uku makiri uakeina voa kuruai ei opara eiai i ei a’a vauavaua ai liakei’inave.

¹³ A opara kavakava i pamea noro ipia‐miai liakana, una miki orau ipawkiakeiakana; uku awku kavakava u verukua akuruli’ina, u pamea keina.

¹⁴ Ei uku eiai ei voa kuruakeina, La’ane, awaw vaki e; Imua a’a awkono avao mere la’ane, Keriso pamea nikuakana.

¹⁵ Ou uku eiai noro oivirine uku nomo opara eiai. Avu’avu a’a anu opara noro pa liai; lai evera a’a orau noro li’ine.

¹⁶ Ima pani opara ima liai noro epua a’akine, uku ei eai pani namea pani keina.

¹⁷ Ei uku eiai avu’avu a’a orau noro pa liai, Amua anu lai ipaliai noro eiai ipia‐mi’ine.

¹⁸ Ere iara pa navai noro awpa ailo orau evere’enavaia; a Eloi inu Avaea na’ane noro evopoakeia’ane‐iai;

¹⁹ Salamo awni, avaea awni ane, noro kairinani?-?kurunaine. Nomo lai laru ai Amua kopai‐awkane.

²⁰ I ene Amua Iesu Keriso onu nawi panipani ai, awku kavakava eiai, Eloi Mai noro kopai‐awkane;

²¹ Keriso avioiai noro kamaia‐nakane.

²² A’ero e, orau Amua noro kamaia‐awkana, nomo vakiro awku noro kamaia‐ekane.

²³ Uku vaki a’e enu uku keina, orau Keriso ekalesia anu uku keina, U ane Una kape enu Iawka U uarokona.

²⁴ Orau ekalesia Keriso kamaia‐awkana, orau a’ero awku omo vakiro kamaia‐ekavai limakina.

²⁵ Vakiro e, nomo a’ero umu‐ekane, orau Keriso ekalesia umu‐awkanave, Una nane awkunave ane ekalesia eiai;

²⁶ Uku ekalesia iaa‐eane?-?iai, i bapatiso ere U urupu?-?eane‐iai, voa orau U iki e’ena,

²⁷ Uku ekalesia evao’evao Una nane U awkuane‐iai, aimiai eria, vivi eria ane, Una paku ai u oiane‐iai, upu eria ane u iaa‐keia’ane‐iai.

²⁸ Orau vakiro omo a’ero umu‐ekavai limakina orau omo kape oro umu‐ekana. A’a ane una a’e u umu‐awkavai limakina orau una nane u umu‐awkana.

²⁹ Uku a’a kapeo una kape vai’i‐awkava’ane euna; una kape u pei awkuna, oivirina ane, orau Keriso Una ekalesia pei awkuna, oivirina ane:

³⁰ Uku enei Una kape enu kape‐aru keina.

³¹ Ei uku eiai a’a una mekai, mei ane, ave’eiakana, una a’e u paikiakeiakana, orere monou orau keiakana.

³² Vauavaua voa re eire: nai kuruna uku voa miki Keriso eiai, ekalesia eiai ane.

³³ A ei voa nai kurunake kapoi, nomo a’a kavakava una a’e umu‐awkanamoki orau una nane u umu‐awkana, a’e awku una vaki u avioinamoki.