Epeso 4 - Kuruei Voa Nawawrea 1920

¹ Nai ane nai piria a’a Amua eiai, nai nanuku‐nakana opara ima rokoai, a’a orau laea‐elauakeia’ane euna orau noro laea‐nalauakeia’ane euna,

² Lai iva’iva miki, manipu eria ane, lai kekepa umu painakane;

³ I airu unu kau ipia‐mimakina Avaea anu airu oiviriai.

⁴ Kape monou e uarokona, Avaea monou e uarokona, orau awku noro laea‐nalauakei’inave ane, araea?-?’araea monou e noro miaka;

⁵ Amua monou e uarokona, pirimaroakoa monou e, bapatiso monou e ane,

⁶ Eloi monou e uarokona, a’a uriria anu Mai, U ane U uriria amua‐ekana, uriria laru ai U iaki limakina, uriria laru ai U pokoina ane.

⁷ A ene a’a kavakava la’aruku awkuakei’inave, Keriso onu veruku orau awkuakei’inave.

⁸ Ei uku eiai Iaa revareva erau voa kuruna, Pani muku ai U moawku inavaka’ane, Piria a’a aila U piriaka‐era?-?nave, La’aruku U a’a ekunave ane.

⁹ Ei voa, moawku inavaka’ane, miki oiana? Miki eire, U pinai pani va’au ai liliaka.

¹⁰ U ane U pani va’au ai liliaka, U ane U moawku inavaka’ane, U monou uarokona, pani muku uriria upai U inavaka, U pani va’au iki evopoane‐iai.

¹¹ A’a varomo U verukua evere’einave Iva a’a keia’ane‐iai, a’a varomo laikorava a’a keia’ane‐iai, a’a varomo aki omoro a’a keia’ane‐iai; a’a varomo omoro a’a keia’ane‐iai;

¹² Uku Una a’a ipekiai kamaia iaki eiai, uku Keriso onu kape la‐okavai;

¹³ Anea’anea enei uriria pirimaroakoa monou, lai evera monou ane, miane Eloi inu Mere eiai, anea’anea enei a’a miki evere’eane Keriso laruai.

¹⁴ Enei upi keinavaia, ipawkia voa anu kavaea kavakava voavoa‐akavakei?-?na, i a’a anu orekeke, i omo ewaea ane, oro maika‐maika ewaea‐akavai;

¹⁵ A voa miki enei umu a’akiakana, U kiripai paikiakeina, U ane U ene Uku, Keriso ane, U kiripai enei la’avakana ane.

¹⁶ I U mere kape iki rokoa mi’ina, kape‐aru kavakava kau eiei paikimakina, i kape‐aru kavakava anu paioka kape iki la’ana, venea evere’eakeina ane orau kape?-?aru kavakava oea‐rokona, i umu la‐okavai.

¹⁷ Ei voa nai kurunaina, Amua anu nawi ioneli’ina ane, Lai unuku a’a orau lai kauakaua rokona, noro orau pa rokoai,

¹⁸ Omo lai muru‐eiakeina, uku omo pauapaua omo lai laru ai Eloi inu rokoa mere oro keke’e laeiakeina, uku omo umu unu inamu‐apua eiai ane;

¹⁹ Ei a’a makiri eria mi’ina, omo nane oro ekuane euna kape i’ima opara eiai, upu opara uriria voviri liai.

²⁰ Ei opara Keriso mere noro ipanakiakeiape;

²¹ Noro Keriso onu voa viriane euane, i U noro ipanakiakeia’ane euane. Keriso onu ipawkia voa miki eire:

²² Nomo eni umu vaki noro paueai limakina, uku kurua umu vaki i una ewaea u pomoa keina, mua‐awkavakeina ane.

²³ Nomo lai inu avaea ai lai nawawrea mi’inamoki;

²⁴ Nane nawawrea luki‐nami’ine, kurua nane nawawrea opara anana ai, iaa miki ai ane, Eloi mikiriai u eakeia’ane euna.

²⁵ Ei uku eiai arauau au?-?awkane, a’a kavakava una a’a kiripai voa miki kuruai limakina: uku enei monou monou kape‐aru mikirina a’a e eiai.

²⁶ Noro ia’ia keia’ane, oivirine noro namea li’inavaia: ia’ia pa pokoiai anea’?-?anea lare euane.

²⁷ Pa laikiai diabolo eiai.

²⁸ A’a ane u avapu a’a keia’ane euna, u moawku avapu pa liai: una eve u iaki ima li’inamoki u aru miane‐iai, oea‐rokoa a’a kiripai una aru u aua‐miane‐iai ane.

²⁹ Voa lipi nomo ane‐epo mere elemaneai pa evere’eai, voa ima e noro kurune nomo voa a’a e la‐ekavai, orau nomo voa paioka voa keia’ane‐iai viria a’a eiai.

³⁰ Eloi inu Avaea Iaa lai kukunu pa awkavai, uku i U noro vupu‐nakavakeia’?-?ane euna inaea anu lare eiai.

³¹ Namani uriria, iara ane, ia’ia ane, voa namaro‐namaro ane, anakaia voa ane, mani voa ane, noro mere au‐ekanameki:

³² Noro umu‐nakane, lai kekepa‐nakane, paue‐nami’?-?ine, orau Eloi Keriso eiai paue‐namiane euna.