Epeso 3 - Kuruei Voa Nawawrea 1920

¹ Ei uku eiai nai Paulo, Keriso Iesu unu piria a’a noro lai unuku a’a eiai,

² Noro voa viriane euane uku Eloi inu la’aruku veruku ikuakeia’ane euna noro eiai:

³ Uku miki inu voa eni vauakavakei’inave i erea voa ipaikiakei’inave; orau nai ipanakiane euna,

⁴ Uku painakavai, noro ei voa oraiane, na lai inu pamea Keriso onu voa miki eiai noro ipiai li’ina,

⁵ Miki inu voa a‐ipawkia?-?kei’inavea eni pani a’a eiai, orau i Avaea kurua vaua?-?vaua voa ereakeia’ane euna Una Iva a’a eiai, laikorava a’a eiai ane;

⁶ Kurua vauavaua voa eire, Lai unuku a’a enei Isaraela a’a kiripai airavaki a’a keiakana, oro enei kiripai kape monou keina, oro enei kiripai kurua maura‐voa aua‐mi’ina, maura‐voa ane i Iva Voa mere Keriso Iesu laru ai ima evere’eakeia’ane euna:

⁷ Kurua Iva voa omoro kuruai nai evere’i’iakeia’ane euna, i Eloi inu la’aruku ikuakei’inave i Una iva iaki limakina nai laru ai.

⁸ Ikuakei’inave, nai ane, iaa a’a uriria anu mau’u a’a nai mau’u mau’u rokona, ei la’aruku ikuakeia’ane euna Keriso onu opai aruku unu Iva voa omoro kuruai lai unuku a’a awkono avao ai;

⁹ Na kava a’a iaki parea pamea ai a’a uriria ipekiai. Voa miki inu kava a’a iaki, voa miki ane Eloi inu lai laru ai vauakiakeia’ane euna pani va’au unu pinai pani mere, awku uriria anu Uku:

¹⁰ Vauakavakei’inave uku ekalesia kaia omoro amua a’a, kaia omoro iva a’a ane, Eloi inu lai evera evereverea eai ipekiane‐iai,

¹¹ Una opai lai orau U evere’enave Keriso Iesu ene Amua laru ai:

¹² U laru ai i ene pirimaroakoa mere, iviri, ikiria kapea ane, enei mi’ina U laru ai.

¹³ Ei uku eiai nai nanuku‐nakana kore pa liai na kukunu eiai noro eiai, uku avioia oro mi‐anena noro eiai.

¹⁴ Ei uku eiai ene Amua Iesu Keriso onu Mai paku ai nai are‐epo aina,

¹⁵ Uku i U avai iki nawi oroiakeina pani muku ai, pani va’au ai ane,

¹⁶ U evere’eai, Una evao’evao onu aruku orau, i Una Avaea iva nakuai nomo a’a laru ai venea‐awkavai.

¹⁷ I pirimaroakoa Keriso nomo umu laru ai pokoiane‐iai; nomo neva, u’uri ane, umu ai kiniakeia’ane‐iai,

¹⁸ Noro iaa uriria kiripai ipaliai liane‐iai, peava, va’au ane, aroa ane, mukua ane.

¹⁹ Lia, Keriso onu umu noro ipaliai ane, kurua umu unu orai a’a pauapaua li’ina, Eloi inu evereverea noro evoponakeia’ane‐iai.

²⁰ U eiai U ane U evere?-?verea‐mai liai li’ina, iva orau enei laru ai limakina, enei nawki‐awkavai liapea, laikoravai liapea orau U liai li’ina,

²¹ U eiai i Keriso Iesu enei ekalesia avioia awkunamaki, a’a kiri, kiri mo, opai keiakana. Amene.