Epeso 1 - Kuruei Voa Nawawrea 1920

¹ I Eloi inu lai Paulo, Iesu Keriso onu Iva a’a, ei revareva kikirina iaa a’a eiai Epeso ai, oro awku eiai oro Keriso Iesu unu pirimaroakoa a’a keina.

² Eloi ene Mai mere, Amua Iesu Keriso mere ane, la’aruku, airu ane, ekuakeinameki.

³ Ene Amua Iesu Keriso onu Eloi, Mai ane, kopai‐awkavakeinamoki, U ane avaea kopai kavakava U kopai‐akava’ane euna Keriso laru ai pani muku ai:

⁴ Orau uku Una umu U ie’ainave Keriso laru ai pani va’au unu ea pani paku ai, enei iaa’keia’ane‐iai, mua eria keia’ane‐iai Una paku ai.

⁵ Una lai inu kopai orau i Iesu Keriso U eni‐evere’?-?ainave, enei Una apoa ukua mere evere’eai,

⁶ Una la’aruku unu evao’evao kepoiai, la’aruku U akuane euna Una Naumuki laru ai.

⁷ U laru ai, uku Una aro upuakei’inave, ene iawka enei mi’ina, ene namea anu pauea ane, uku Eloi inu la’aruku evereverea kei’inave;

⁸ Kurua la’aruku U veruku akunave, U ane lai evera iki, lai pamea iki ane, U mi’ina.

⁹ Una lai inu vauavaua awku U ipakiane euna orau U evere’eane euna Una lai laru ai:

¹⁰ Ei opara Eloi inu lai umu ipi’ipiakeina uku pani va’au amua‐awkavai pani miki anea’ane, kurua lai U oiviriane euna uku ea awku iki moawku rokoa‐eai una Uku monou Keriso laru ai auiai; lia, awku pani muku ai, pani va’au ai ane, omo Uku monou oro auiai U laru ai.

¹¹ U laru ai awku omoro‐aru enei miane euna, enei eni ie’aiakeia’ane euna orau U evere’enave, U ane U awku uriria evere’eina orau U umuli’ina;

¹² Uku enei Una evao’evao kepoiane‐iai, enei ane enei pinai a’a kei’inave Keriso pirimaroakoai.

¹³ Miki inu Iva voa, nomo iawka anu Iva voa, noro viriaka’ane, noro pirimaroakoaka’ane ane, i Avaea Iaa anu kuruei voa U laru ai noro vupu‐nakavakei’inave;

¹⁴ Kurua Avaea ene omoro‐aru unu veia keina, araea’araea ane anea’anea omoro‐aru iki inaea‐liakeia’ane, omoro‐aru U inaealiane euna Una evao’evao kepoiai.

¹⁵ Uku nomo pirimaroakoa Amua Iesu laru ai, uku nomo umu ane iaa a’a uriria eiai, nai uru viriaka’ane,

¹⁶ Nai kopai‐lioko noro eiai, nomo nawi ane na nawki‐awkava nai kairinani kuruena;

¹⁷ Ene Amua Iesu Keriso onu Eloi, Mai evao’evao, nai nawki‐awkana U lai evera anu Avaea, lai pamea ane, nakuane‐iai uku U eiai;

¹⁸ Uku nomo lai inu inamu pamea‐eiakeia’ane‐iai, uku noro kurua araea’araea ipaliane‐iai Una laea nakuna, Una omoro‐aru unu evao’evao onu evereverea iaa a’a laru ai noro ipaliane‐iai ane,

¹⁹ Una iva anu ovara‐mai enei pirimaroakoa a’a laru ai orau inamu‐oiakeina, Una iva‐mai iaki limakina,

²⁰ Iva‐mai U ipawkinave U Keriso imua mere la‐okavaka’ane, Una eve miki mekai pa’avai U awkiaka’ane pani muku ai,

²¹ Amua a’a e uriria, uku a’a uriria ane, iva‐mia a’a ane, amua‐awkava ane, amua nawi oroiakeina ei pani va’au ai, pani va’au ai aneliviai anelia, uriria upai epe’epe U la‐okavakeina:

²² Una are arau ai awku uriria U aiane euna, U evere’eane euna ane U Ekalesia anu Uku Miki pani va’au iki ai,

²³ Kurua Ekalesia Una kape keina, Una iki keina, U ane U mako mako ai pani va’au iki evopona.