Apokalupo 4 - Kuruei Voa Nawawrea 1920

¹ Ei awku oailiakei’inave’ane nai inamu‐ekinave, pani muku ai kikau auakei’inave nai inamu‐oinave, voa ane nai pinai viriaka pi’i inu laea mikirinave, u moawku kuruinave, erau voa kurunave ane, Eu ai inane, Nai awku ipanikima, awku ane oro maura pani evere’eiakana.

² I Avaea nai emoki ipai?-?kiakei’inave, pani muku ai amua‐pakara nai inamu‐oinave ane, a’a monou ane amua‐pakara ai i‐pa’amakei’inave.

³ U ane U i‐pa’anave Una paku iapara rawre mikirinave; kamaria emerala rawre mikirinave amua‐pakara avikinave.

⁴ Amua‐pakara e 24 amua‐pakara miki avikimakei’inave, ei pakara ai mai‐oro 24 i‐pa’anave urupu a’a kape luki‐emiakei’inave, kenia a’a anu laiko moni kaukoua omo uku upa mere kei’inave.

⁵ Amua‐pakara mere evao, voa araro ane, kaia kiri ane, elemanenave, amua‐pakara paku ai lamepa akuru 7 iau ruawkamakei’inave, oro ane Eloi inu Avaea 7 oro rokona.

⁶ Amua‐pakara paku ai ere aura varivari orau kei’inave, kirikali mikirimakei’inave, amua‐pakara, mai‐oro ane, okai ai, amua‐pakara avikimakei’inave, rokoa animala 4 kei’inave, paku ai, neko ai ane, oro inamu evopoakei’inave.

⁷ Pinai rokoa vaki lioni mikirinave, reku vaki bove?-?mere mikirinave, rere kaiane vaki a’a anu paku orau miaka, morere‐morere vaki naku area‐enamakina mikirinave.

⁸ Ei rokoa animala 4 monou‐monou vao 6 miaka, laru ai oro inamu evopoakei’inave: lare pani, kipere pani ane, oro eiekavapea, oro erau voa kurumakina, Iaa, Iaa, Iaa, Amua Eloi, awku uriria anu Amua, U ane U ua‐rokoanave, ua‐rokona ane ua‐rokoakana opai keiakana ane.

⁹ Rokoa animala 4 kepoiane, avioiane ane, kopai‐awkava’ane ane, U ane amua‐pakara ai U pa’ana, U ua?-?rokona ane opai keiakana,

¹⁰ Mai‐oro 24 Una paku ai are epo aina, U ane amua‐pakara ai U pa’ana, oro avioina U ane U ua‐rokona opai keiakana, omo kaukoua ane amua‐pakara paku ai oro aina, erau voa kurumakina,

¹¹ Ni ima keina, Amua e, evao’evao, avioia ane, iva ane, emiai: uku awku uriria Ni einave, uku Ni lai e oro rokoaka‐anenave, oro eiakei’inave ane.