Apokalupo 3 - Kuruei Voa Nawawrea 1920

¹ Ekalesia anu aivara‐avaea ai Karakeki ai erau voa kikirine: U ane U Eloi inu Avaea 7 emi’ina, rawpu 7 ane, U erau voa kuruna, Ni opara Nai ipa‐elauna, rokoa a’a anu uru ni mi’ina, a ni imuakeina kapoi.

² La’ane, awaw pa keiai, awku ane ni emi’ina oro imua arekamu ai keina ni venea‐eine; uku ni opara eiai Nai auiane euna anana uakeina Na Eloi inu paku ai.

³ Ou uku eiai, ipawkia voa eivirine ni emiane euna, viriane euna ane. Voa oro a’akine, ni lai urukine ane. Ni epekeape liane, rokoape liane ane, avapu a’a orau ni ai Nai emoki aneakana, pani ane voa veveniai Nai anea’ane ni ipaliapea kapoi.

⁴ A Karakeki ai a’a varomo, ailapea, ni emi’ina omo a’a kape oro upu‐eiape; a’a kape urupu luki‐emimakeia?-?kana oro Nai kiripai are rokoakana; uku oro avioia a’a keina.

⁵ Orau u ane u awkoni‐awkana a’a kape urupu u luki‐awmiakeiakana; Rokoa anu buka mere una nawi Nai paueapea kapoi, a Na Mai inu paku ai, Una aivara‐avaea anu paku ai ane, una nawi Nai iki e’eakana.

⁶ Keporo mia a’a virinameki Avaea anu voa U kurumakina Ekalesia eiai.

⁷ Ekalesia anu aivara‐avaea ai Pilakelipi ai erau voa kikirine, U ane U iaa, voa miki ane, U erau voa kuruna, U ane Davida anu taviri U emi’ina, U auna, a’a kapeo awkuakana, U awkuna a’a kapeo auakana.

⁸ Ni opara Nai ipa‐elauna. Auakeia kikau ni paku ai Nai aiane euna, kikau ane a’a kapeo awkuai li’ina; uku iva mau’u e ni mi’ina, a Na voa ni oiviriane euna, ni lari‐ikavape.

⁹ Satani inu kaupu a’a varomo, oro kuruna oro Isaraela a’a, oro Isaraela a’a peo, oro arauau li’ina, oro ni ai aneai, ni are ai avioiai, Nai eiakana, ipaliai kapoi Nai umu‐nika’ane euna.

¹⁰ Uku kukunu pani ai Na voa ni oiviriane euna, Nai awku niviriakana kukupuna pani ai, pani ane u aneliviai anelia pani va’au unu pokoia a’a ipia‐emiai.

¹¹ Nai epua anemakina: awku ni eai mi’ina, ni a’akine, ni kenia anu kaukoua ni mere iou‐miakeinavaia.

¹² U ane u awkoni‐awkana, Nai akane‐eakana Na Eloi inu iaa marea laru ai, u eleapea opai keiakana. Na Eloi inu nawi u upa mere Nai kikiriakana, Na Eloi inu pai’iri nawi ane, Ierusalema nawawrea, pai’iri ane pani muku mere kinuliviai kinulia Na Eloi mere, Na nawi nawawrea ane.

¹³ Keporo mia a’a virinamoki Avaea anu voa U kurumakina Ekalesia eiai.

¹⁴ Ekalesia anu aivara‐avaea ai Laokekia ai erau voa kikirine: Amene erau voa kuruna, U ane U miki‐rokoa ione keina, U ane U Eloi inu ea‐awku unu Uku, Amua ane.

¹⁵ Ni opara Nai ipa‐elauna, ni kou’upua peo, ni iva peo: ni kou’upua naea, iva naea, ni keia i, Nai umuli’ina,

¹⁶ A uku ni iva upu’upu li’ina, kou’upua peo, iva peo, Na ane mere Nai ni‐mea?-?kana.

¹⁷ Uku ni erau voa kuruna, Nai amua a’a, roikia aru awku nai emi’ina, aru mo eria nai umuli’ina, ni ipapea ni rurupu a’a, araupu a’a ane, inamu‐apua a’a ane, irikaiva a’a ane:

¹⁸ Laiko moni iau laru ai urupu‐eakeina Nai mere inaealiai Nai nikina, ni amua keia’ane‐iai; urupu a’a kape ane, ni lukinimiakeia’ane?-?iai, ni irikaiva anu makiri erenavaia: inamu muramura ane, ni inamu kikiai, ni inamu‐oiane‐iai.

¹⁹ Oro uriria Nai umu‐ekana, Nai eina omo opara eiai, vaki‐emi’ina ane; ou uku eiai ni iviri li’ine, lai urukine ane.

²⁰ Eai, kikau ai Nai oimakina, vakimakina ane. A’a na voa viriane, kikau auane ane, u kiripai pokoiai Nai ikiriakana, u kiripai pei navakana, Nai kiripai u pei navakana ane.

²¹ U ane u awkoni‐awkana Nai evere’eakana Nai kiripai pa’avai Na amua‐pakara ai, orau Nai awku awkoni‐awkava’ane euna, Na Mai kiripai pa’ava’ane euna Una amua‐pakara ai.

²² Keporo mia a’a virinamoki Avaea anu voa U kurumakina Ekalesia eiai.