Apokalupo 2 - Kuruei Voa Nawawrea 1920

¹ Ekalesia anu aivara‐avaea ai Epeso ai erau voa kikirine: U ane U rawpu 7 Una eve miki ai a’akina, laiko moni lamepa okai ai U are rokona ane, U erau voa kuruna;

² Ni opara, ni iaki ane, ni iviri‐kekepa ane, Nai ipa‐elauna. Nai ipali’ina ane ni lai kekepa‐liai liapea namealia a’a eiai, oro ane oro kuruna oro Iva a’a ni ipia?-?emiane euna, ni auiane euna ane oro arauau a’a rokona.

³ Ni kekepa ivirili’ina, paua mu’u ni vakaruane euna Na nawi eiai, ni oia‐eavu liape ane.

⁴ A ei mani voa Nai mi’ina ni eiai, eai pani ni umu‐a?-?ikanakea orau ni pinai umu‐ikanave.

⁵ Mukua mere ni ara’ane euna ni pa aikavai. Emoki lai urukine, li’ine orau ni pinai li’inave, ni lai urukiape liane, Nai aneakana kapoi, ni lamepa una mako mere Nai lai‐awkavakana ane.

⁶ A ei paioka ni mi’ina, Nikolaita a’a anu opara ni vai’i‐ekana, omo opara Nai awku vai’i‐ekana.

⁷ Keporo mia a’a virinamoki Avaea anu voa U kurumakina Ekalesia eiai. U ane u awkoni‐awkana Nai iva awkuakana Rokoa Iri inu uru navai Eloi inu aura okai ai.

⁸ Ekalesia anu aivara‐avaea ai Kemurano ai erau voa kikirine: U ane U Pinai, Ika ane, U ane U imunave, U moawku rokona ane, U erau voa kuruna.

⁹ Ni opara, ni kukupuna ane, ni oea ane, (ni ane amua rokona,) Nai ipa‐elauna, omo mai‐voa ane Nai ipali’ina, oro ane oro kuruna oro Isaraela a’a, a oro Isaraela a’a peo, oro Satani inu kaupu a’a.

¹⁰ Kore pa liai uku kukunu uriria eiai ni rokoaka‐emiai awkamakina: Nai nikina ni a’a varomo kipura marea laru ai Diabolo epiriai awkamakina, uku noro ipia?-?namiakeia’ane‐iai, lare 10 noro mani‐nakavakeiakana ane. Miki‐rokone anea’anea imua pani ai, kenia a’a anu Rokoa anu kaukoua Nai nikuakana.

¹¹ Keporo mia a’a virinamoki Avaea anu voa U kurumakina Ekalesia eiai, U ane U awkoni‐awkana i rere imua u oavakeiapea.

¹² Ekalesia anu aivara‐avaea ai Perekamo ai erau voa kikirine: U ane U epo rere akere rawvi mi’ina U erau voa kuruna;

¹³ Ni pokoia mako Nai ipali’ina. Satani inu amua‐pakara iou ai uakeina; a ni miki‐rokona Nai eiai, ni ipirimaroakona ni lari‐ika?-?vakape ane, Antipa Na miki rokoa ione a’a anu pani ai, u ane u avakei’inave noro awkono avao ai, iou ai Satani ipokoina.

¹⁴ A uku ni eiai mani voa varomo Nai e‐mi’ina, uku a’a varomo ni emi’ina Balama anu ipawkia voa oro pirimaroakona, u ane u Balaka ipawkinave auawia aiai Isaraela a’a anu kapea ai, imunu unu epie‐pei navai, eiri opara liai ane.

¹⁵ A’a mo ane ni emi’ina Nikolaita a’a anu ipawkia voa oro pirimaroakona.

¹⁶ Emoki lai urukine, ni lai urukiape liane, Nai epua aneakana, i Na ane enu rawvi Nai eavakana ane.

¹⁷ Keporo mia a’a virinamoki Avaea anu voa U kurumakina Ekalesia eiai. U ane u awkoni‐awkana vauakeia mana varomo Nai awkuakana, urupu rawre ane rawre upa mere nawi nawawrea kikiriakeina, nawi ane ipaliakeina i u e u nawi nawawrea mi’ina.

¹⁸ Ekalesia anu aivara‐avaea ai Tuatira ai erau voa kikirine: Eloi inu Mere erau voa kuruna, U ane U inamu iau unu anai orau emi’ina, are ane akuru paraki mikirimakina.

¹⁹ Ni opara, ni umu ane, ni pirimaroakoa ane, ni iaki ane, ni kekepa iviri ane, Nai ipa‐elauna; ika pani ai ane ni iaki lioko lioko orau ni a‐li’inavea pinai pani ai.

²⁰ A uku ni eiai ei mani voa Nai mi’ina, uku a’e Iekepela ni evere’ena, u ane u kuruna u laikorava a’e, i una ipawkia voa Na aivara u pawru‐erana eiri opara liai, imunu epie‐pei navai ane.

²¹ U lai urukiai Nai pani awkuane euna, una eiri opara mere lai urukiai u inaka?-?li’ina.

²² Nai nikina Nai maia awkuai awkamakina, oro ane oro u kiripai eve’eveli’ina Nai maia lipilipi ekuakana, ei a’e enu opara oro lariliape liane.

²³ Una ukua‐mere awku imuakana kapoi; Ekalesia uriria ipaliakana ane Nai U ane U a’a anu lai inu vauavaua mako ai evorona; nomo a’a kavakava una opara orau Nai kavani awkuakana.

²⁴ A noro e, noro ane noro Turatira ai, noro ei ipawkia voa a‐pirimaroakoanakea, noro omo a’a peo oro ane oro aroa lai evera voa ipali’ina, (Satani inu aroa lai evera voa noro ipaliape,) Nai kurunaina, paua mo noro upa mere Nai a‐ainakea.

²⁵ Ei voa e, awku ane noro eai emi’ina noro a’akine anea’anea Nai anea’ane.

²⁶ U ane u awkoni‐awkana, Na voa kamaia‐awkana ane anea’anea ika pani ai Nai iva awkuakana pani va’au unu kaki a’a amua‐ekavai.

²⁷ I auri kavai u amua‐ekavakana; orau vana loia?-?keina: una iva uku amua‐ekavai Na iva mikiriakana, iva ane Na Mai mere Nai miane euna;

²⁸ Kaurei Nai awkuakana ane.

²⁹ Keporo mia a’a virinamoki Avaea anu voa U kurumakina Ekalesia eiai.