Apokalupo 1 - Kuruei Voa Nawawrea 1920

¹ Erea awku i Iesu Keriso awkuakei’inave, orau Eloi awkunave, Una aivara awku varomo ipekiane‐iai, awku ane maura aneai limakina: Una aivara‐avaea U okaivirinave ei awku Una aivara Ioane awkiai.

² Ei Ioane u ane u voa miki ipawkinave Eloi inu Voa eiai, voa miki i Iesu Keriso ipakiakei’inave, uru miki uku awku eiai u inamu‐eiaka.

³ A’a ane ei laikorava voa oraina u kopai‐awkavakeina, oro awku ei laikorava voa oro virina oro kopai‐ekavakeina, awku kikiriakeina ei laikorava voa ai oro kamaia‐ekana; uku pani arekamu ai anena ei voa evere’eai.

⁴ Kepoia voa Ioane ekaivirina Ekalesia 7 eiai Asia ai. La’aruku, airu ane, nakuakeinameki U mere, U ane U ua‐rokona, ua‐rokoanave ane, ua‐rokoakana opai keiakana; Avaea 7 awku mere, oro ane Una amua‐pakara paku ai oro oina;

⁵ Iesu Keriso mere ane, miki‐rokoa ione a’a, U ane imua a’a anu pinai a’a U kiniakei’inave, pani va’au amua a’a anu Amua ane. U eiai U ane U umu‐akana, i Una aro ene namea mere U ururuaiane euna ane,

⁶ Amua‐eiei U eane euna enei eiai, enei omoro a’a keia’ane‐iai Una Eloi Mai eiai; evao’evao, iva ane, awkuakeinameki opai keiakana. Amene.

⁷ Awporo ai U aneliviai anelia, inamu kavakava inamu‐oiakana ane, oro ane oro ru’unave; pani va’au unu kaki a’a uriria awni mu’u mailau awkavakana U eiai. Orau aine! Amene.

⁸ Amua Eloi erau voa kuruna, Nai Alepa, Omeka ane, U ane U ua‐rokona, ua‐rokoanave ane, ua‐rokoakana opai keiakana, awku uriria anu Amua.

⁹ Nai Ioane, nomo aroa a’a, Iesu unu lai kukupuna, amua eiei ane, kekepa iviri ane, noro kiripai aua‐emi’ina, Patamoka iniki ai pokoinave Eloi inu Voa eiai, uku ione voa eiai awku Iesu Keriso eiai.

¹⁰ Avaea ai nai kei’inave Amua anu lare ai, voa araro, pi’i inu laea orau, nai virinave nai neko ai.

¹¹ U erau voa kurunave, Awku ni inamu‐eina buka ai kikirine, okaivirira ane Ekalesia 7 ai, Epeso ai, Kemurano ai ane, Perekamo ai, Tuatira ai ane, Karakeki ai, Pilakelipi ai, Laokekia ai ane.

¹² U kuruimakei’inave inamu‐oiai nai urukinave; laiko moni lamepa 7 nai inamu‐ei’inave,

¹³ Lamepa 7 okai ai a’a monou, A’a anu Mere mikirimakei’inave, a’a kape luki‐awmiakei’inave Una are ai kinunave, Una ukari ai laiko moni awre piriakei’inave ane.

¹⁴ Una uku, Una kimari ane, urupu kei’inave, mamoe kimari inu urupu mikirinave, veila uru unu urupu orau; Una inamu iau unu anai mikirinave.

¹⁵ Una are paraki akuru orau iau laru ai akuru‐eakeia’?-?ane; Una voa ere menono aila anu rawre mikirinave.

¹⁶ Una eve miki rawpu 7 U a’akinave: epo rere akere rawvi inamu‐oiakei’inave Una ane mere elemanemakei’inave; Una paku evao’evaoli’inave lare una iva pani orau evao’evaoli’ina.

¹⁷ Nai inamu‐oinave’ane, imua a’a orau Una are ai nai ara’anave, a Una eve miki nai upa mere U ai’inave, erau voa kurunave ane, Kore pa liai, Nai Pinai, Nai Ika ane, Nai U ane U rokona opai keiakana.

¹⁸ Nai imunave, a eai Nai moawku rokona opai keiakana, Imua, Ade ane enu taviri Nai emi’ina.

¹⁹ Ou uku eiai awku ni inamu‐eiane euna ni kikirine, awku ane eai liakeimakina, awku ane oro maura liakeiakana:

²⁰ Rawpu 7 inu vauavaua miki, oro ane ni inamu‐eiane euna Na eve miki ai, laiko moni lamepa 7 inu vauavaua miki ane, eire, Rawpu 7 oro Ekalesia 7 inu aivara‐avaea, lamepa 7 oro Ekalesia 7 keina.