3 Ioane 1 - Kuruei Voa Nawawrea 1920

¹ Mai‐vaki inu revareva una naumuki a’a Gaio eiai. Nai umu‐nikana kapoi.

² Na naumuki a’a e, nai nawki‐awkana ni awku uriria everevereane‐iai, kape venea awku ni miane‐iai, orau ni imunu evereverena.

³ Aroa a’a anea’ane, oro ioneliane ane, uku ni miki‐rokoa voa miki eiai, voa miki ni kamaiali’ina ane, nai kopaili’ina kapoi.

⁴ Kopai ovara e nai miape. Uru viriai na mere voa miki kamaialimakina, na kopai‐mai ioure.

⁵ Na naumuki a’a e, ni opara uriria ni miki‐rokoa limakina aroa a’a eiai, lia, oro awku eiai, oro ane oro kikoro a’a keina.

⁶ Ekalesia paku ai oro ioneliane euna uku ni umu eiai; uku ni Eloi inu kaupu a’a omo aki ai paiekavai ni imaliakana.

⁷ Uku Keriso eiai oro eleane euna, kavani eria lai unuku a’a mere oro mi’ina.

⁸ Ou uku eiai enei umu ipekiai limakina uku enei paioka a’a keia’ane‐iai voa miki upurukiai.

⁹ Ekalesia eiai nai revareva kikirinave, a Dioterepe, uku amua pokoiai oro awkono avao ai u umuli’ina, na voa viriai u inakali’ina.

¹⁰ Ei uku eiai nai anea’ane una voa mako, voa keve?-?rakevera ane, enei eiai nai aikapea. U lai aukiapea uku voa e kuruai, aroa a’a u eiviriapea, a’a ane aroa a’a eiviriai oro umuli’ina u eina, Ekalesia mere laeina ane.

¹¹ Na naumuki a’a e, lipi opara pa ipi‐awmiai, a ima opara ipi‐emi’ine. U ane panipani ai opara ima u li’ina u Eloi inu a’a keina: a u ane panipani ai lipi opara u li’ina Eloi u inamu‐oiape.

¹² A’a uriria, voa miki ane, Demeterio onu uru kepoina. Enei awku una uru kepoina, ni ipali’ina ima uru e enei kepoina.

¹³ Voa aila kuruniai nai mi’ina, a ei voa pepa kikiriai nai umu‐a‐li’inakea.

¹⁴ Maura pani ai inamu‐niai nai araea’araea li’ina, ou pani enere voa akinava?-?kana. Airu mi’ine. Ene a’a keponina. Ene a’a ni kepeine.