2 Timoteo 4 - Kuruei Voa Nawawrea 1920

¹ Eloi, Keriso Iesu ane, paku ai, nai nanuku‐nikana, U ane rokoa a’a, imua a’a ane, U voa veve’eiai awkamakina; i Una erea, Una amua‐awkava ane:

² Iva voa omoro kurune; iviri‐rokone panipani ai; a’a omo namea ipekine, omo namea eiai eine ane, omoro a’a orau lai kekepa iviri‐eine.

³ Uku pani aneliviai anelia ipawkia voa miki oro umuliapea, omo keporo iviri?-?viri‐ekavakeiai oro umuliakana, omo lai evere’eiai oro ipawkia a’a aila auiakana;

⁴ Oro voa miki virinavaia oro urukiakana vinako voa viriai.

⁵ A uku ni eiai, ni opara uriria ni eiviriai limakina, eapa opara ni pa rokoai, aki?-?omoro a’a anu iaki ni li’ine, ni iaki inu opara iki ni kamaiali’ine.

⁶ Uku nai epie‐ere orau orekavakeimakina nai mikirina; na ena pani eai arekamu ai keina.

⁷ Apaki ima nai apakina’ane euna, a’epeaka eiei nai a’epeaka’ane euna; pirimaroakoa anu voa nai oiviriane euna:

⁸ Ei pani mere opara anana anu kaukoua aiakeina nai eiai, kaukoua ane, voa vevea anana Amua ikua?-?kana ika lare ai: nai e apea, oro uriria awku Una erea oro umuli’ina.

⁹ Nai ai ema aneai ni ipia‐mi’ine.

¹⁰ Uku Dema ave’i’iane euna, ei pani va’au unu namea opara u umulimakina, Tesalonia ai u enava’ane euna; Kerekena Galatia ai enava’ane euna, Tito ane Dalamatia ai enava’ane euna.

¹¹ Luka e nai kiripai pokoina. Mareko au‐awkune ni anea’ane, eu ai arekane ane: uku u ima a’a pai’ikavai na omoro iaki liai.

¹² Tutiko Epeso ai nai okaiviriane euna.

¹³ Ni anea’ane kapua minane nai Toroa ai ave’enave Karepo onu marea ai; buka, revareva ane, ni minane.

¹⁴ Alekanederea auri iaki?-?lia vaki iara ovara ipaikinave; una opara orau Amua kavani awkunamoki.

¹⁵ Ni awku ou vaki oivirine, uku ene omoro voa u iara maniliane euna.

¹⁶ Na pinai voa vevea pani ai a’a kapeo nai miaka na mekai ai, oro uriria ave’?-?i’inave. Oro kavani lipi mi’inavaia nai umuli’ina.

¹⁷ A Amua na mekai ai oinave, iviri‐ikanave ane, i nai mere Iva voa iki upuru?-?kiakeia’ane‐iai, lai unuku a’a uriria viriane‐iai ane; lioni inu ni’iri mere nai i’ikava?-?kei’inave.

¹⁸ Mani kavakava mere Amua i’ikavakana, i’iviria?-?kana ane Una pani muku eiei eiai. Avioiakeinamoki opai keiakana! Amene.

¹⁹ Perekeka, Akila ane, Onekiporo onu marea a’a ane, kepeine.

²⁰ Eraketo Korinito ai pokoinave: Teropima Mileto ai nai ave’enave, u maia kei’inave.

²¹ Kou’upua pani paku ai aneai ni ipia‐mi’ine. Eubula keponina, Puke ane, Linu ane, Kalaukia ane, aroa a’a uriria ane.

²² Amua Iesu ni avaea kiripai rokonamoki. Noro uriria la’aruku mi’ine. Amene.