2 Timoteo 2 - Kuruei Voa Nawawrea 1920

¹ La’aruku ai, Keriso Iesu ai uakeina, ni iviriliai limakina, na mere e.

² Voa uriria na ane epo mere ni viriane euna ione a’a aila paku ai, ni a’a miki ipekine, oro a’a e ipekiane‐iai.

³ Keriso Iesu unu aiau miki orau ni kukunu unu aua ni aua‐mi’ine.

⁴ A’a kavakava aiau orau kamaiali’ina, una lai u iakari?-?awkavapea uku pani va’au unu awku eiai; una marevaki u kopai‐awkava’ane‐iai, u ane u ie’enave.

⁵ A’epeaka vaki a’epeaka vupu kamaialiape liane, u kavani miapea.

⁶ Aura‐pei inu kinia a’a aura‐pei inu uru u pinai aua‐miai limakina.

⁷ Voa nai kurumakina ni ima ipine; Amua lai pamea nikuakana uku awku kavakava eiai.

⁸ Pa aikavai Iesu Keriso imua mere la’ava’ane euna, U Davida anu kiri a’a ane, orau ipawkiakeina Iva voa ai nai omoro kuruna;

⁹ Uku Iva voa nai omoro kuruna nai kukunu mi’ina, namea a’a orau nai arekapu ipiriakeina: a Eloi inu voa piriakeiapea.

¹⁰ Ou uku eiai kukunu uriria nai mi’ina Eloi inu a’a eiai, uku iawka Keriso Iesu ai oro awku miane‐iai, opai evao’evao ane.

¹¹ Ei voa miki‐rokona: U kiripai enei imuakeia’ane, U kiripai enei rokoakana.

¹² Enei kukunu lai kekepa miane, U kiripai enei amua‐awkavakana: enei lari‐awkava’ane, U awku lari?-?akavakana:

¹³ Enei pirimaroakoape liane, U miki‐rokoa‐liviai, U lari‐awkavai liapea.

¹⁴ Ei voa uriria laikora‐ekiai a’a ipekine, Eloi inu paku ai ni ekine voa kape eiai oro pa kouaminavaia, opara ane paioka eria mi’ina, voa viria a’a anu lai iakari‐eina ane.

¹⁵ Ipia‐mi’ine ipanikiai i Eloi ni evereniakeina, iaki a’a orau u miki inu voa anana ipawkina, uku eria uakeina u makiri‐liai.

¹⁶ Mai‐voa, meramera voa ane, inaka‐li’ine; uku a’a ane oro lipi voa kuruna voa lipi ovara mai oro kuruakana.

¹⁷ Omo ipawkia voa auma emari‐emari orau aparea?-?kana: Umenio, Pileto ane, orere ei kaupu unu a’a rokona;

¹⁸ Uku miki inu voa eiai orere pawru enava’ane euna, kurumakina imua mere la’ava periakeina, a’a varomo onu pirimaroakoa orere ena?-?ka’amakina.

¹⁹ Eloi inu u’uri kane oina, ei kikiria voa mi’ina ane, Amua ipa‐elauna, oro ane oro Una a’a rokona. Voa mo ane, A’a kavakava ane u Amua anu nawi oroina, namea uriria u larili’inamoki.

²⁰ Amua marea laru ai laiko moni aru, urupu moni aru, e apea, iri aru, ka’e aru ane, uakeina; varomo amua iaki eiai, mo, rurupu iaki eiai.

²¹ A’a arauau voa mere laikiane, avioia iaki eiai u keiakana, iaa‐awkavakeiaka?-?na, ima keiakana una Amua anu iaki eiai, u evere’eakeiakana ima iaki kavakava eiai.

²² Roropaea anu i’ima opara mere area‐enara: opara anana, pirimaroakoa ane, umu ane, airu ane, ipia‐emi’ine, oro ane kiripai oro lai urupu Amua nawki‐awkana.

²³ Pauapaua a’a kiripai voa e kevakeva pa kuruai, oro iara voa ena,

²⁴ Amua anu aivara pa voakiai; u lai iva’iva liai limakina a’a uriria eiai, a’a ane ipawkiai li’ina, lai kekepa a’a ane.

²⁵ U mani a’a ipekiane voa umu u kuruai limakina: Eloi lai urukia ekuakana naea voa miki iki e’eai;

²⁶ Oro iekava’ane‐iai diabolo onu uai mere, oro ane eai i diabolo epiriakeina.