2 Timoteo 1 - Kuruei Voa Nawawrea 1920

¹ I Eloi inu lai Paulo Iesu Keriso onu Iva a’a uku rokoa anu maura‐voa Keriso Iesu ai upurukiai:

² Timoteo e, na naumuki mere e, la’aruku, umu ane, airu ane, Eloi Mai mere, ene Amua Keriso Iesu mere ane, ni e‐mi’ine.

³ Eloi ane i lai urupu nai kamaia‐awkana orau na a’e mai ane li’inave, nai kopai‐awkana uku kipere pani ai, lare pani ai ane, na nawki voa ai nai lai ainikapea:

⁴ Inamu‐niai nai umulimakina, ni inamu‐ere nai a‐aikanakea panipani ai, nai kopai evopoakeia’ane‐iai;

⁵ Pirimaroakoa miki ni umu laru ai nai laikora‐ikiane, pirimaroakoa ane Loi ni a’e‐aiai laru ai kei’inave, ni mei Eunike laru ai ane, ni laru ai awku keina nai lai‐aukiakeina kapoi.

⁶ Ei uku eiai nai nikina Eloi inu la’aruku ni laru ai ni awvoi‐awvoine, la’aruku ane ni mi’inave i na eve mere ni uku upa mere aiakei’inave’ane.

⁷ Uku kore enu avaea Eloi akuape, avaea iva, umu ane, lai miki ane, U akuane euna.

⁸ Kore pa liai ione liai ene Amua eiai, nai awku eiai piriakeia a’a U eiai: a i Eloi inu iva nai kiripai ni kukunu aua‐mi’ine Iva voa eiai;

⁹ Uku U iaka’ane euna, i iaa laea U laea‐alauane euna ane, uku ene opara eiai peo, a uku Una lai, veruku la’aruku ane, U akunave Keriso Iesu ai pani va’au unu ea pani paku ai,

¹⁰ La’aruku ane eai ipawkiakeina i ene Iawka Iesu Keriso onu erea, U ane imua U paueane euna, i Iva voa mere opai rokoa pamea ai U mi‐anea’ane euna:

¹¹ Ei Iva voa anu omoro a’a, Iva a’a ane, ipawkia a’a ane, nai evere’i’iakeina lai unuku a’a eiai.

¹² Ei iaki eiai nai kukunu mimakina: a nai makiri?-?ikavakeiapea: uku nai ipa‐ulauna U ane nai pirimaroakona, nai aili’iakeina ane U oiviriai li’ina awku nai awkuane euna anea’anea kurua lare ai.

¹³ Voa miki ane na ane epo mere ni viriane euna ni a’akine, pirimaroakoa, umu ane, Keriso Iesu ai, a’a miki orau ni eivirine.

¹⁴ Ima awku ane i Avaea Iaa nikuakei’inave ni oiviriai, U ane ene laru ai U pokoina.

¹⁵ Ni ipali’ina Asia anu ekalesia a’a uriria ave’i’iane euna: omo a’a Pukelo, Emokena ane.

¹⁶ Onekiporo onu avai a’a Amua umu‐ekanamoki; uku pani aila u pai’ikanave, u makiri a‐mi’inavea na arekapu eiai:

¹⁷ U Roma ai pokoinave’ane u akere‐akere ivoronave, aui’inave ane.

¹⁸ (Amua evere’enamoki kurua lare ai u umu miane‐iai Amua mere!) uku pani aila u pai’ikanave Epeso ai ni ipali’ina kapoi.