2 Petero 2 - Kuruei Voa Nawawrea 1920

¹ A’a aruru awkono avao ai arauau laikorava a’a awku kei’inave, orau noro awkono avao ai arauau omoro a’a keiakana, arauau voa e kevakeva oro ewaea ipawkiakana, Amua ane inaea‐elauane euna oro lari‐awkavakana, epua oava oro mi‐aneakana oro eiai.

² Omo ivave opara a’a aila e’e’ekavakana, i oro iaa opara makiriliakeiakana.

³ Moni iawmimakina, i omo ewaea voa oro ailinaiakana. Eni pani mere omo mua e’e’eka’ane eumakina, omo oava awaw‐keiape.

⁴ Aivara‐avaea namealia?-?ka’ane Eloi a‐iekanavea, ade ai U laeinave muru eiei ai, voa revea eiai oro eiviriakeia’?-?ane‐iai;

⁵ Eni pani va’au awku U a‐iawkanavea, Noa, opara anana anu omoro a’a, a’a mo 7 ane, U iekanave, iaa eria a’a anu pani va’au ai U ere aru mi‐anenave’ane.

⁶ Sodoma pai’iri, Gomara pai’iri ane, U iau ruekanave awvi e uakei’inave, awkoni‐ekavai U mua‐ekanave, oro aipo keia’ane‐iai iaa eria a’a eiai.

⁷ A opara anana a’a Lota U iawkanave, u lai kukupuna kei’inave’ane i pai’iri inu namealia a’a anu opara eiai.

⁸ (Uku omo namea opara mani‐kukunu kei’inave, lare kavakava, kurua opara anana a’a anu parea imunu eiai.)

⁹ Iaa a’a ailia mere iekavai Amua ipali’ina, iaa eria a’a ane eiviriai voa vevea lare eiai U ipali’ina:

¹⁰ Oro ane oia anu i’ima opara oro li’ina, amua anu vupu ane oro larili’ina. Lai kauakaua a’a, larilia a’a ane, oro a‐varua’anakea oro voa lipi kuruane aivara‐avaea eiai.

¹¹ A aivara‐avaea oro a’a upai are’eiakeina uku iva, venea ane, avia voa a‐mi?-?anenakea Amua anu paku ai.

¹² A’uri orau kiniakeina oro e‐avakeia’ane‐iai, ei a’a uku awku oro ipapea oro anakaia voa kuruna, omo pomoa ai oro imuakana ane,

¹³ Omo mua anu kavani oro miakana ane. Omo kopai lare pani ai eiri opara liai. Oro aumai, auma kore ane, omo umu‐purai oro na’?-?amakeia’ane, oro noro kiripai purai nava’ane.

¹⁴ Omo inamu eve’eve i’ima evopoakeina, inamu ane namea oailiai oro liapea; ekeni oro aina eapa a’a miaka‐rokoai, iawmiai oro ima ipekiakeina. Oro laeiakeina Eloi inu paku mere.

¹⁵ Kapea anana mere kekemakina, oro pawru enava’ane euna, Balama Beora anu mere enu awkoro ai oro e’e’ekava’ane euna, u ane namea anu kavani miai u umuli’inave.

¹⁶ A una namea eiai u eiakei’inave: momoa asini a’a anu voa kurunave, Balama anu avu’avu opara ei’inave ane.

¹⁷ Ei a’a ere aroa orau oro ere eria mi’ina, awporo orau i kavaea laeiakeina, oro eiai muru unu maiva oiviriakeina opai keiakana eiai.

¹⁸ Avu’avu voa, kauakaua voa ane, oro kurumakeia’ane, kape i’ima, namea opara kavakava, kemea orau oro aina a’a miaka‐rokoai, oro ane namealia a’a mere oro area‐enamakina.

¹⁹ Ururua ekuai oro a’a maura‐voa kuruena, oro ane oro pomoa opara anu aivara a’a keina. A’a i a’a e awkoni?-?awkavakeia’ane una aivara a’a u evere’ena.

²⁰ I lai pamea Amua, Iawka ane, Iesu Keriso eiai, pani va’au unu pomoa mere a’a area‐enava’ane euane, oro moawku ekeni‐ekavakeia’?-?ane, awkoni‐ekavakeia’ane ane, omo pinai opara lipi mau’u‐mau’u, omo ika pani opara lipi‐mai evere’eane euna.

²¹ Ima miki oro eiai opara anana anu kapea oro ipaliaka livilia, kapea ane oro ipali?-?aka’ane, iaa vupu ekuakei’inave oro mere urukiai.

²² Ei aipo omo opara ipekina. Oroko una pai ai vairuna. Aipo voa mo, A’uri a’e una kape erekiane euna, una upu mako ai u vairuna.