2 Korinito 9 - Kuruei Voa Nawawrea 1920

¹ Uku ei la’aruku opara iaa a’a eiai liakeimakina uku eria keina nai kikirinaiai:

² Uku nomo iviri ei opara eiai nai ipali’ina, uku nomo veruku opara eiai Makedonia a’a paku ai panipani ai nai voa meramera kuruna, nai ekina eni aumeia pani ai noro evere’naiakei’inave ei opara eiai Akaia ai; nomo iviri omo a’a aila iviri‐eiane euna.

³ Aroa a’a noro ai nai ekaivirina, ene meramera voa noro eiai voa kape ipaw?-?kiakeinavaia; uku awku, orau nai kuruane euna, noro evere’naiakeia’ane‐iai:

⁴ Uku Makedonia a’a nai kiripai aneakana naea, oro inamu‐oiane noro evere’?-?naiakeiapea, enei (noro awku naea) makiri keiakana uku ei meramera voa eiai.

⁵ Ou uku eiai nai laikoranave uku uakei’inave aroa a’a nanuku‐ekavai oro paku ai enavai noro ai, nomo maura‐voa la’aruku ie’eiai ane, oro ipaliane‐iai ane nomo la’aruku umu unu la’aruku keina, la’aruku noro verukua awkuna.

⁶ A nai ei voa kuruna, A’a u mau’u voena, u mau’u roikiakana; a’a u veruku voena, u veruku roikiakana.

⁷ A’a kavakava una lai laru ai orau u evere’eane euna, orau u awkunamoki; manipu orau, uku a’a e enu voa, u pa awkuai: uku kopai awkua a’a Eloi umu‐awkana.

⁸ Uku la’aruku kavakava Eloi veruku nakuai li’ina, uku panipani ai awku evereverea noro miane‐iai iaki ima uriria eiai;

⁹ Ei voa orau kikiriakeina, U voeane euna, Rurupu a’a U ekuane euna, Una opara anana uakeina opai keiakana.

¹⁰ Eloi ane U uru voea a’a awkuoko, una pei ane, U uru nakuakana, nomo uru U everevereakana ane, nomo opara anana anu uru U everevereakana ane.

¹¹ Uku awku kavakava noro veruku nakuakeia’ane?-?iai, orau panipani ai noro veruku awkuane‐iai, i enei mere kurua opara kopai mi‐anena Eloi eiai.

¹² Ei la’aruku iaa a’a pai’ekana omo oea pani ai, i ei la’aruku opara a’a aila eiakeina Eloi kopai‐awkavai.

¹³ I ei opara nomo lai noro ipawkina ei iaki eiai, noro a’a eina ane Eloi kopai‐awkavai nomo iviri eiai Keriso onu Iva voa eiai, uku nomo veruku la’aruku eiai noro a’a uriria ekuna;

¹⁴ Oro ane oro umu‐nakana, oro Eloi nawki‐awkana noro eiai, uku Eloi inu la’?-?aruku‐mai noro laru ai keina.

¹⁵ Eloi kopai‐awkane Una la’aruku re eiai.