2 Korinito 8 - Kuruei Voa Nawawrea 1920

¹ Ovaki airavaki e, nakiai enei umuli’ina uku Eloi inu la’aruku Makedonia anu ekalesia ekuakei’inave;

² Oro kukupuna ovara rokoamakei’inave ane, omo oea ovara kei’inave ane, uku omo kopai evopona’ane euna omo la’aruku oro ovara‐eiane euna.

³ Uku nai ioneliai li’ina, omo iva orau, lia, mo ane, oro verukua la’aruku awkuane euna;

⁴ I iviri nanuku oro nawki‐akanave evere’eiai enei kiripai oro aua‐miane‐iai Eloi inu a’a pai’ekavai.

⁵ Ei la’aruku e apea oro awkunave, orau enei araea’araea liaka, a pinai, Eloi inu lai kamaialiai, omo nane oro Amua, enei awku, awkunave.

⁶ Ei opara ara’anave Tito nawki‐awkavai noro ai enavai, ei la’aruku opara noro awkono avao ai evere’eai, uku u ane u ei iaki pinai?-?liaka.

⁷ Lia, uku pirimaroakoa, voa rokoa ane, lai evera ane, iviri ane, noro laru ai evereverena, umu ane i enei kinia?-?kei’inave noro laru ai, noro ipia‐mi’ine ei veruku la’aruku opara awku noro laru ai everevere’ane‐iai.

⁸ Nai ikiakeiapea erau voa kuruai, a i a’a e enu la’aruku opara nomo umu ipiai nai umuli’ina.

⁹ Ene Amua Iesu Keriso onu la’aruku noro ipali’ina, U amua kei’inave, a noro eiai U rurupu evere’enave, i Una rurupu noro amua evere’eane‐iai.

¹⁰ Ei opara eiai na lai nai nakina: uku na lai painakana nomo lai evere’eiai, uku noro ei opara pinai‐liane euna, eni aumeia ane ei opara liai noro umuli’inave.

¹¹ Nomo eni lai noro eai evere’eina, orau ei opara liai noro iviri umuli’inave, orau nomo roikia‐moni mere veruku awkuai noro iviri keia’ane‐iai.

¹² A’a anu kopai la’aruku awkuai una roikia‐moni ipi’ipia keia’ane, una la’aruku miakeina; a’a roikia‐moni miape liane, u voa vevea?-?keiapea, u la’aruku awkuape liane.

¹³ Noro oea‐rokoane, a’a e pai’ekavai nai nawki‐a?-?nakanakea.

¹⁴ Ei opara kavani kavani keina. Eai pani nomo moni evereverea pai‐ekana omo oea pani ai; omo moni evereverea pani ai oro painaka’ane‐iai nomo oea pani ai; orau noro ipi’ipia keia’ane‐iai.

¹⁵ Ei voa kikiriakeina, U ane u mo’onu roikiaka u kakai eria miaka; u ane u mau’u roikiaka u oea eria ipaliaka.

¹⁶ Eloi kopai‐awkane uku ei umu U Tito awkunave noro eiai.

¹⁷ Na nawki u evere’eane euna, a u verukua noro ai anena.

¹⁸ Kurua aroa a’a uru ima mi’ina ekalesia uriria awkono avao ai una omoro iaki eiai nai Tito kiripai okaiviriane euna.

¹⁹ Ei aroa a’a i ekalesia ie’eakei’inave enei kiripai enavai, ei la’aruku aua aua kokoravai Amua anu evao’evao eiai.

²⁰ Uku ene uru oiviriai ei opara enei umuli’ina, a’a kurunavaia ei la’aruku evereverea anana aua aua enei kokoravapea.

²¹ Opara anana miai Eloi inu paku ai, a’a anu paku ai ane, enei umuli’ina.

²² Ene aroa a’a awku orere kiripai enei okaiviriane euna, pani aila u ipawkiane euna u lai evera a’a keina uku awku aila eiai, uku una pirimaroakoa noro eiai u eai iviri‐mai keina.

²³ Uku Tito pa aikavai u na aua‐mia paioka a’a keina noro eiai: ei aroa a’a orere ekalesia mere ekaiviriakeina, orere laru ai Keriso avioiakeina.

²⁴ Ou uku eiai, ekalesia paku ai, umu ipekine, uku na meramera voa noro eiai anana evere’eakeia’ane‐iai.