2 Korinito 7 - Kuruei Voa Nawawrea 1920

¹ Naumuki a’a e, uku enei ei maura‐voa mi’ina, upu uriria kape, avaea ane, mere enei namokinamaki, i avioia mere Eloi eiai enei iaa evere’?-?enamaki.

² Nomo umu laru ai mako evere’ene enei eiai. A’a kapeo enei namea‐awkava’?-?ane euna, a’a kapeo enei lai iakari‐awkava’ane euna, a’a kapeo enei ewaea‐awkava’ane euna.

³ Uku mua‐nakavai nai erau voa a‐kurunakea: uku orau nai kuruane euna, ene umu laru ai noro orau rokona, uku uakeia’ane, noro kiripai enei imuakana naea, rokoakana naea.

⁴ Nai na‐pirimaroakona kapoi: voa araro nai voa meramera kuruna noro eiai. Nai paioka evopoakeina, ene kukupuna uriria awkono avao ai nai kopaili’ina kapoi.

⁵ Enei Makedonia ai paiaka’ane enei laikaiai a’li’?-?inavea, enei kukupuna avikiakei’inave; iki ai kouamina’amakei’inave, laru ai kore rokoamakei’inave.

⁶ A Eloi, U ane U lai kukunu a’a pai’ekana, i Tito onu anea U pai‐akanave;

⁷ Uku una anea e peo, uku paioka awku u miaka noro mere, uku uru voa awku u mi‐anenave nomo umu eiai, nomo lai kukunu eiai, nomo lai iviri ane eiai uku nai eiai; ou uku eiai nai kopaili’inave kapoi.

⁸ I kurua revareva nai lai kukunu‐nakava’ane euane, eai nai lai kukunu a‐li’inakea kurua revareva eiai, eni pani ai kurua revareva eiai nai lai kukunu‐liaka. Nai inamu‐oina kurua revareva pinai lai kukunu‐nakavaka, neko mere ai painavaka.

⁹ A eai nai kopaili’ina, uku nomo lai kukunu peo, a uku nomo lai kukunu painakavaka noro lai urukiai: uku iaa kukunu noro lai kukunu‐naiakei’inave, noro namea eria enei mere miane‐iai.

¹⁰ Uku iaa lai kukunu a’a evere’ena lai urukiai iawka eiai, lai urukia a’a lari‐a‐li’inakea: a pani va’au unu lai kukunu imua mi‐anena.

¹¹ Ei iaa opara anu lai kukunu unu uru inamu‐eine, kurua iviri noro laru ai la’ava’ane euna, kurua umu ane nomo uru eiviriai, kurua iara ane, varuava ane, umu opara ane, namani ane, ipu‐mia ane! Ei awku eiai anara voa noro mere noro namokiane euna kapoi.

¹² Kurua revareva nai kikiriaka’ane, nai kikiriakape namea a’a kavani awkuai, namea‐mia a’a paiokavai; a uku ene umu noro eiai Eloi inu paku ai ipanakiakeia’?-?ane‐iai.

¹³ Ei uku eiai enei paiakavakeina, kopai‐mai enei evopoakeia’ane euna uku Tito onu kopai ane, uku i noro uriria una avaea iviri‐eakei’inave.

¹⁴ Meramera voa noro eiai una paku ai nai kuruane euane, nai makiri keiapea; uku orau voa miki noro eiai enei kuruane euna uku opara uriria eiai, orau awku ene meramera voa Tito onu paku ai uku noro eiai miki evere’eakeia’ane euna.

¹⁵ U nomo a’a uriria anu kamaia laikorakiane una umu noro eiai ovara‐mai evere’ena, uku nomo kore awku noro kamaia‐awka?-?vaka’ane.

¹⁶ Ou uku eiai nai kopaili?-?ina uku nai pirimaroakoa mi’ina noro uriria eiai.