2 Korinito 6 - Kuruei Voa Nawawrea 1920

¹ Noro ane noro Eloi kiripai iaki limakina, enei nanuku‐nakana Eloi inu la’aruku pa miai uku eria eiai.

² (Uku U erau voa kuruna, Umu unu pani ai nomo voa Nai viriane euna, iawka anu pani ai Nai painaka’ane euna: Akoi’i, eai umu unu pani; Akoi’i, eai iawka anu lare.)

³ Auawia eria enei aina, ene omoro iaki enei makiri?-?li’‐inavaia:

⁴ I opara uriria enei Eloi inu aivara a’a ipakiakeia’?-?ane‐iai, i lai kekepa, i maia ane, i oea ane, i kukupuna ane,

⁵ I vaki‐awmia ane, i kipura piria ane, i a’a aruru unu iara, i iaki mu’u, i awaw eria, i pei oea;

⁶ I lai urupu, i lai evera, i lai iviri, i umu, I Avaea Iaa, i umu miki avu’avu eria keina,

⁷ I Iva voa miki, i Eloi inu iva, i opara anana anu aiau‐awre eve miki mekai, eve keau mekai ane,

⁸ I avioia, i makiri ane, i onailia uru, i uru ima ane: ewaea a’a orau enei a’a miki keina;

⁹ Rurupu a’a orau enei ima ipaliakeina; a’a orau imumakina, akoi’i, enei rokona; Eloi inu vaki‐awmia a’a orau, a enei avakeiape;

¹⁰ Lai kukunu a’a orau, enei panipani ai kopai‐lima?-?kina; aru eria rurupu a’a orau a’a aila enei pai’ekana; awku eria mia a’a orau, awku uriria enei mi’ina.

¹¹ Korinito a’a e, ene ane‐epo auakeina noro eiai, ene umu ane peava‐eakeina.

¹² Ene umu akiki eria mi’ina noro eiai: akiki nomo umu laru ai keina.

¹³ (Na ukua mere orau nai kurunaina) Uku kavani eiai nomo umu noro peava?-?eine.

¹⁴ Inaka‐lia a’a kiripai keava‐keava painakiakeiai noro pa evere’eai; opara anana, opara namea ane, orere oiama‐mi’i mikiriakeina? Pamea, muru ane, orere oiama‐mi’i mikiriakeina?

¹⁵ Lai ipi’ipia oiana Keriso, Beliala ane, mi’ina? Lai ipi’ipia oiana pirimaroakoa a’a, lai inaka‐lia a’a ane, mi’ina?

¹⁶ Oi kuruei voa ana Eloi inu ravi, ravi imunu ane, mi’ina? Uku noro Eloi rokoa anu ravi keina; orau Eloi erau voa kuruane euna, Oro laru ai Nai pokoiakana, oro awkono avao ai Nai are rokoakana; omo Eloi Nai rokoakana, na a’a oro keiakana.

¹⁷ Ou uku eiai oro awkono avao mere noro elemanene, lainakine ane, opara upu pa nekeai, Nai na?-?miakana. Amua anu voa ioure.

¹⁸ Nai Mai keiakana noro eiai, Na ukua‐mere, Na paka?-?ukua ane, noro keiakana. A’a uriria anu Amua‐Mai inu voa ioure.