2 Korinito 4 - Kuruei Voa Nawawrea 1920

¹ Uku ei iaki enei li’ina, uku umu awku ipakiakeia’ane euna, enei oia eavuliapea.

² Vauavaua opara makiri ipawkina enei lariliane euna. Ewaea opara enei a‐li’inakea, Eloi inu Iva voa enei arauau?-?a‐li’inakea; voa miki iki enei omoro kuruna Eloi inu paku ai enei aviaiakeia’ane?-?iai a’a kavakava anu lai laru ai.

³ Ene Iva voa vauakiakeia’ane euane, oro mere oro imua anu kapea ai enamakina kurua voa vauakiakeia’ane euna.

⁴ Ei pani va’au unu eloi omo lai inamu‐apua eiane euna, oro ane oro pirimaroakoape, uku Keriso onu evao’evao Iva voa anu pamea oro laru ai akuru‐li’inavaia, Keriso ane U Eloi inu aipo ua?-?rokona.

⁵ Ene uru enei a‐upuru?-?kinakea, a Keriso Iesu U Amua ua‐rokona enei omoro kuruna: enei nomo aivara keina uku Iesu eiai enei omoro kuruna ane.

⁶ Uku Eloi, U ane U erau voa kurunave, Muru mere pamea akuru‐li’inamoki, ene umu laru ai U akuruliane euna, Eloi inu evao’evao onu lai evera anu pamea akuai, kurua evao’evao Keriso onu paku ai akuruli’ina.

⁷ A ei pamea enei mi’ina avelaru ka’e vana laru ai uku ipawkiai ei iva re Eloi inu iva, ene iva peo.

⁸ Enei kouakoua lai‐akavakeina, a enei awkoni‐aka?-?vakeiapea: enei lai kuku?-?puna‐akavakeina, a enei lai iakari‐akavakeiapea.

⁹ Enei mani‐akavakeina, a paioka eria enei ave’aia?-?keiapea: ka’e ai enei kaiaia?-?keina, a enei a’avakeiapea.

¹⁰ Panipani ai, mako?-?mako ai enei enana ene kape laru ai Iesu unu ava?-?keimakina enei vakarumakina, uku Iesu unu rokoa ene kape laru ai ipawkia?-?keia’ane‐iai.

¹¹ Uku enei ane, enei rokona, panipani ai ene nane enei ekumakina oro imuane‐iai uku Iesu eiai, uku Iesu unu rokoa ene imua kape laru ai ipawkiakeia’ane‐iai.

¹² Panipani ai enei imumakina, noro kopai rokoamakina.

¹³ Kurua pirimaroakoa anu avaea enei mimakina u ane u miaka, u erau voa kikirinave, Nai pirimaroakoanave, ou uku eiai nai kuruane euna, enei awku pirimaroakona, ou uku eiai enei kuruna ane.

¹⁴ Uku enei ipali’ina U ane U Amua Iesu imua mere la‐okanave, U la’akavakana ane Iesu kiripai pokoiai, enei, noro awku, Una paku ai oiai U aiakana.

¹⁵ Awku uriria rokona uku noro eiai, uku la’aruku evereverea i a’a aila anu kopai mere Eloi avioiane‐iai.

¹⁶ Ei uku eiai enei oia eavuliapea; ene iki kape a’a imumakeia’ane, ene larua a’a lare kavakava nawawrea?-?eakeina.

¹⁷ Uku ene paraka kukupuna pani mau’u e eiai, kurua kukupuna evao’evao re eamakina enei eiai, lia, opai evao’evao re u eamakina;

¹⁸ Awku oro inamu‐eiakeina enei inamu‐ekiekava?-?keiapea, a vauki‐rokoa awku enei inamu‐eki‐ekana: uku awku inamu‐eiakeina oro pomoa keina, vauki‐rokoa awku oro opai keina.