2 Korinito 2 - Kuruei Voa Nawawrea 1920

¹ A uku nai eiai nai evere’eane euna nai moawku anea’ane noro ai, lai kukunu nai miapea.

² Nai kukunu‐nakava’ane, koama‐rokoa’i kopai?-?ikavai? Oro e nai kukunu?-?ekana, a’a e peo.

³ Ei uku eiai nai ei revareva kikirinaina, nai anea’ane nai kukunu mi’inavaia oro mere, oro ane mere kopai miai nai umuli’ina; uku nai ipali’ina noro uriria anu kopai na kopai ane.

⁴ Lai kukupuna ovara, umu kukunu ane, inamu‐ere aila ane, nai kikirinaina; nai kikiriape kukunu‐nakavai, a uku na umu ovara noro eiai noro ipaliane‐iai.

⁵ A’a kukunu eane euane, nai e kukunu‐ikavakeiapea, a noro uriria u kukunu‐na?-?ka’ane euna.

⁶ Uku kurua a’a kavani noro a’a aila awkunave kavani miki keina.

⁷ Uku una kavani oailiakeina, eai noro paue’awmiai limakina, paiokavai limakina ane, i lai kukunu ovara u enakavakeinavaia.

⁸ Ou uku eiai nai nawki‐nakana nomo umu noro moawku ipawkiai.

⁹ Ei uku eiai nai ei revareva kikirinainave uku ipia‐namiai, nai ipaliane‐iai noro kamaia a’a keia’ane.

¹⁰ Noro a’a paue‐awmiane, nai awku paue‐awmi’?-?ina; nai paue‐awmiane euane, nai paue‐awmiane euna panipani ai uku noro eiai Keriso onu paku ai;

¹¹ Uku Satani mani‐aka?-?navaia: uku enei pauapaua keiapea una opara eiai.

¹² Ei voa ane, Toroa ai nai aneaka’ane Keriso onu Iva voa omoro kuruai, i Amua anu umu kikau auakei’inave na paku ai,

¹³ Airu eria na avaea laru ai nai miaka uku Tito na aroa a’a nai auiai a‐li’inavea; nai kepeinave, Makedonia ai anenave ane.

¹⁴ A Eloi kopai‐awkane, U ane Keriso laru ai ene paku ai panipani ai U enana, Una lai evera anu mera muri i ene U ipawkina mako‐mako ai.

¹⁵ Uku Eloi eiai Keriso onu mera muri enei rokona, oro laru ai U i’ekamakina, oro awku laru ai oro oa’ama?-?kina.

¹⁶ Kaupu monou eiai enei imua anu muri keina imua ipawkiai; kaupu e eiai enei rokoa anu muri keina rokoa ipawkiai. Ei iaki eiai koana ima keina?

¹⁷ Enei ima keina, uku a’a aila orau Eloi inu Iva voa enei inaea‐a‐li’inakea: i parea opara, a’a orau i Eloi ekiakeina, Eloi inu paku ai Keriso kiripai, orau enei kuruna.