2 Korinito 10 - Kuruei Voa Nawawrea 1920

¹ Nai Paulo nanuku‐nakana i Keriso onu lai kekepa, umu ane, nai ane, nai nomo paku ai paku vapara miape, a noro amai mere nai pokoiane, voa iviri nai kurunaina:

² Nai nanuku‐nakana nai noro kiripai pokoiane, pa i’inuai iara voa kuruai, nai a’a varomo na iviri ipekiane‐iai, oro ane oro laikorana i pani va’au unu opara enei aravakeina.

³ Pani va’au ai enei rokoamakina, a pani va’au unu mani enei a‐apakinakea.

⁴ A anai, ere ane, enei mi’ina uku apakinavai, oro pani va’au unu aru peo, ene anai, ere ane, venea keina Eloi eiai aiai inu ravi ena?-?kavai.

⁵ Uku lai kauakaua, awku kavakava ane Eloi inu lai evera upai la’ana, enei upu?-?puna, lai kavakava ane enei arekapu pirina orau Keriso kamaia‐awkavai;

⁶ Noro ekalesia a’a nomo kamaia ipawkiane, larilia opara uriria euniai enei evere’‐aiakeiakana.

⁷ A’a anu paku e noro inamu‐ama‐eki’i? A’a laikora’ane u Keriso onu a’a, u verukua moawku laikoranamoki, orau u Keriso onu a’a, enei awku Keriso onu a’a keina.

⁸ Nai meramera voa kuruane uku ene Iva a’a anu iva, kurua iva Amua akuane euna, enei la‐naka’ane‐iai, upupunaiapea, uku eria uakeina nai makiri miai.

⁹ Pa laikoravai nai revareva kikirina uku kore‐naka?-?vai.

¹⁰ Uku oro orau voa kuruna, Una revareva voa iva, iviri ane, mi’ina: a una kape venea peo, una omoro voa ane voa mera eria mi’ina.

¹¹ Oro orau laikoranameki, orau enei rokona i ene voa revareva laru ai enei noro amai mere pokoiane, orau enei keiakana enei noro kiripai pokoiane.

¹² Enei iviri miape laikoravai a’a varomo awkono avao ai enei ipi’ipiakeina, a’a ane omo uru oro upuru?-?kina omo kaupu a’a kiripai enei orau keiapea. I omo kaupu a’a anu ikiau omo nane oro ipina, omo kaupu a’a kiripai omo nane oro ie’eina. Oro lai evera a’a peo.

¹³ Ene orai iki ai enei eleapea meramera voa kuruai, kurua eiei inu orai laru ai Eloi akuane euna enei pokoiakana, kurua eiei noro ai elena.

¹⁴ Ene iva enei para liapea, orau u noro ai eleape liane: enei Korinito ai anenave, enei pinai a’a awku Keriso onu Iva voa omoro kurunaiai:

¹⁵ Ene eiei iki ai enei a‐elenakea, enei avioia miapea a’a e enu iaki eiai; a enei araea’araea li’ina nomo pirimaroakoa la’ava’ane, enei avioia miakana noro awkono avao ai.

¹⁶ Enei iaki eiei mo nomo eiei iki ai miakana, Iva voa iou ai omoro kuruakana ane, enei meramera voa kurunavaia a’a e enu iaki eiai u liane euna.

¹⁷ Kurua a’a u meramera voa kuruna, Amua eiai meramera voa u kurunamoki.

¹⁸ Uku nane‐avioia a’a u kepoiakeiapea, a kurua a’a Amua avioina u kepoia?-?keina.