2 Ioane 1 - Kuruei Voa Nawawrea 1920

¹ Ei revareva mai‐vaki mere ie’ea a’e, una ukua mere ane, eiai. Nai, oro uriria awku oro ane oro voa miki ipali’ina, noro uriria umu‐nakana;

² Uku voa miki eiai, voa miki ane panipani ai ene umu laru ai keina, enei kiripai keiakana ane opai keiakana.

³ La’aruku, umu ane, airu ane, enei kiripai keiakana Eloi Mai mere, Iesu Keriso mere ane, Mai inu Mere voa miki ai, umu ai ane.

⁴ Nai kopai ovara‐mai li’inave uku ni mere varomo nai auieane euna Ekalesia opara miki limakei’inave, vupu voa orau Mai mere enei miane euna.

⁵ Naumuki a’e e, eai nai nanuku‐nikana, enei umu‐akanamaki. Vupu voa nawawrea nai a‐kikirininakea, a voa ane enei miaka pinai pani mere.

⁶ Ei umu eiai nai kurumakina u ei umu ane, Eloi inu vupu kamaia‐ekavai. Eloi inu vupu‐voa eire, voa uriria pinai pani mere noro uriria viriane euna noro kamaia‐ekavai.

⁷ Uku ewaea a’a aila pani va’au ai eleane euna, oro iki a‐e’enakea Iesu Keriso a’a orau anea’ane euna. A’a orau u ewaea a’a, arauau‐keriso a’a ane.

⁸ Noro oivirine nomo ima opara anu uru noro paukinavaia, uku kavani iki noro miane‐iai.

⁹ A’a ane u kekeane, Keriso onu ipawkia voa ai u rokoape rokoane, u Eloi miape. A u ane Keriso onu ipawkia voa ai u rokona, Mai, Mere ane, u e?-?mi’ina.

¹⁰ A’a noro ai anea’ane, ei ipawkia voa u mi‐aneape liane, nomo marea laru ai umu pa aiai, una ena pani ai kepoia voa pa kuruai.

¹¹ A’a ane u kepoina ewaea vaki inu lipi opara u aua‐emi’ina.

¹² Noro uriria kurunaiai voa aila nai mi’ina, voa ane nai kikiriapea. Noro ai aneai, inamu‐naiai, voa akinavai ane, nai araea’araea li’ina, uku nomo kopai evopoakeia’ane‐iai.

¹³ Ni ie’ea aro a’e enu ukua mere keponina. Amene.